Robe de Ciósa

Storia de do leoni

El leon de Ciósa.

Ciósa e Cavàrsare se "fregia", tute do, una in piasséta Vigo e l'altra a fianco del palasso Barbiani, sede del munissipio, de la so brava colona sovrastà da un leon: quelo de Ciósa "beatamente" cucià, quelo de Cavàrsare "rabiosamente" in pie.
Scomissiemo dal primo. La colona de Vigo, dove che se trova el leon, xe stà trovà tra le fondamenta quando che xe stà ricostruìa la tore campanaria de l'antico palasso pretorio (= munissipio); se dise che la sia de marmo greco o de fatura romana.La tien sù un capitèlo corinsio (o bizantin) che pare a sia del XII sècolo, mentre el piedestalo xe dell'XI sècolo; 'na volta l'aveva tre scalini (adesso a ghe n'à do soli). Xe stà el podestà Antonio Mussato nel 1786 a far "ricompore" i tre "tòchi" e a far sistemare el tuto in mezo de la piasseta, come che se pòle lèzare da la iscrission de le làpidi scolpìe sul basamento. Del leon alato, cucià in sima a la colona, no se sa né l'època né la proveniensa. Colpisse le ridote dimension rispeto a la colona, forse perché a xe stà scolpìo da un artigian che no gera tanto àbile, che per darghe a sto leon forme el pì possìbile vissine al vèro, l'avarìa adatà a ridote dimension el grande masso de marmo.Tutavia à xe un esemplare quasi ùnico de leon in marmo, perché xe insòlita la posission de la spada sbassà sul libro vèrto co la clàssica iscrission marciana: "Pax tibi Marce, evangelista meus".

El leon de Cavàrsare.

Conossùo, spèssie da i foresti, come "el gato", l'à dà orìgine a 'na sfilsa de batute gustose e de storie pi o meno vere, come quela che conta come, durante el carnevale, 'na volta, i venessiani, per... invidia o per tòrlo in giro, i vegniva a... portarghe le spine, perché, secondo lori, no a gera come el "so" leon de San Marco.
Al tempo de la rivolussion francese e de l'arivo de i francesi a Ciósa, questi i ga trasformà la colona col "gato" ne l'"albero de la libertà" e i ga issà i vessili de la rivolussion.
Manco complicà, invesse, la storia de l'altro leon, quelo de la colona de Cavàrsare, che, prima de tuto, la xe mondo pi zóvane de quela ciosòta.La xe stà inalsà, difati, solo nel novembre del 1923.
La xe stà donà da la Provincia de Venessia al Comune de Cavàrsare, o mègio, a "Cavàrsare fedele" - come che se lèze ne l'iscrission lapidaria dopo che la citadinansa gera insorta compata contro la probàbile division del teritorio comunale fra le province de Venessia e de Rovigo. Venessia ga deciso de anulare la spartission dopo 'na protesta popolare.'Na delegassion de cavarserani se ga portà a Roma per consegnare e ilustrare un memoriale del cavarseran F.S. Munari (come lu stesso ricorda nel so libro "Cavarzere - Memorie storiche", Pinerolo, 1970) al capo del governo, che gera alora, come se sa, Mussolini. Questo l'à capìo l'assurdità del progeto e, come per scusarse del madornale sbalio, l'à pronuncià 'na batuta che xe restà "stòrica": "Vualtri sé pi venessiani de i venessiani!". Eco spiegà el perché del dono de la colona de Cavàrsare, sovrastà da un leon alato, in pie, che tien sù co la sata davanti el sòlito libro marcian co la sòlita scrita. A se trova in sima a un capitèlo de stile gòtico, che posa su un piedestalo otagonale a tre scalini.

[torna sopra]

Dal nùmaro de Febraro:
Editoriale
Vìvare ne la gioia.
Co tuto el turbio che ghe xe in giro, che sia possìbile recuperare un fià de serenità e no vìvare senpre te'l pessimismo pi nero?
de Mario Klein
[torna sopra]

El pan: l'oro de i pòpoli
Le me esperiense de putèo a fare el pan. La so storia infinita da la note de i tenpi. Sìnbolo de unità familiare, de amore e de fecondità. El durarà fin a la fine de l'omo.
de Gigi Vasoin
[torna sopra]

Cronache dialettali
(Q.C. XVIII N. 12 - DISSENBRE 2000).
di Manlio Cortelazzo
[torna sopra]

None
Gente veneta
di M. Luisa Zilio Furin
[torna sopra]

Storia de do leoni
Robe de Ciósa
El leon de Ciósa, el leon de Cavàrsare. a cura de Angelo Padoan
[torna sopra]

Gastone Nuñez
Gente de Verona
On tesoro d'arte da visitar a San Pietro di Morubio: trédese tele par "Omaggio a Dio nostro Padre". de Lucia Beltrame Menini
[torna sopra]