Quatro Ciàcoe
Mensile de cultura e tradission vènete
de Mario Galdiolo

Salute

El spessiale ´spedaliero
Spessiale

Sècoli fa no esisteva le medesine pronte soto varie forme come le catemo 'desso so le farmacìe, la pi parte de le medesine 'lora vegneva pareciàe dal spessiale al momento, secondo i rèspissi de i mèdeghi e ne i ospedali de on certo livelo ghe gera on spessiale fisso par i ricoverài.
Par trovare e conóssare el personagio del spessiale 'spedaliero bison 'ndare indrìo de sècoli e fare on fià de storia.
In via S. Francesco a Padova ghe gera on 'spedale nominà "S. Francesco Grande". La prima piera xe stà messa zo el 25 otobre 1414; el ga comissià funsionare dopo na trentena de ani e 'l xe 'ndà 'vanti fin ai ùltimi del '700. El gera fornìo de tre infermerìe de 37 leti l'una: do par i òmani e una par le fémene. I ricoverài de sòlito i gera poareti parché al tenpo i siori se curava casa.
Tacà a le infermerìe ghe gera la spessierìa (perpulchra aromataria) e 'torno l'ospedale, longo la via del Santo da la parte sanca 'ndasendo verso la Basìlica, ghe gera on "orto dei semplici" dove se coltivava, par quanto possìbile, erbe e piante par fare medesine par i malà ricoverài. L'aministrassion de l'ospedale (che par on serto periodo ga vudo anca inportansa 'uropèa) gera tegnùa dal Sacro Colegio dei Legisti e 'l potere vegneva gestìo da d&ocute;dese menbri del stesso Colegio: "L'Illustrissimo Numero dei XII", presiedùi dal Priore, co poteri supremi sia de diression che de aministrassion, e dal Soto Priore co funssion de ispetore e ecònomo.
Ai primi entri el servissio sanitario gera assicurà da on mèdego, on chirurgo (che se interessava anca par le malatìe de la pèle), on barbiero e on spessiale; de infermieri no se sa quanti ch'i fusse. A la fine del '600 a l'ospedale gera rivà de èssarghe tre mèdeghi ordinari (grosso modo come i nostri primari de 'desso), do fìsici e on chirurgo. De infermieri se sa che "da i òmeni ghe gera on infermiero giutà da quatro servienti e da le fémene na Madre infermiera, na soto-Madre e tre servienti".
El spessiale 'spedialiero nel '600 ciapava posto traverso on concorso pùblico fato a la presensa de i "Dódese" e de do spessiali esaminatori sielti dal Colegio de i spessiali de la sità.
Dentro le mure de l'ospedale el nostro omo lavorava e viveva 24 ore so 24, e 'l se la passava pressapoco cossì: có sonava la canpana che segnalava l'arivo de i mèdeghi, el doveva catarse pronto par fare insieme al "primario" el giro de i malà. Co 'n lapis el notava so on libreto tuti i medicamenti che el mèdego ordenava de darghe ai malà ne la giornata. Al spessiale ghe gera dà na serie de conpetense e de òblighi: el podeva spedire i rèspissi de i mèdeghi ordinari e in caso de urgensa anca quei de i assistenti, no 'l podeva dare nessuna medesina che no fusse pa 'l servissio de i poareti; par darghe le medesine ai altri che abitava come lu in ospedale el dovéa tegnere nota de i rèspissi e 'vere el benestare del Priore e de i "Dódese".
Na disposission del 1643 lo obligava a notare so on libro el càrico e scàrico de i prodoti che 'l gaveva ricevùo, de cossa che i gera fati e de parcossa che i vegneva dispensài; el gheva inoltre l'incàrico de conprare da enpori e fónteghi (soratuto de Venessia) l'ocorente pa fare i medissinali, e queo che 'l conprava vegneva esaminà da do spessiali periti ne l'arte.
Ogni mese el Priore 'ndaseva in spessierìa a dare na controlada e ogni ano vegneva fato l'inventario.
Soto de lu, el spessiale, gaveva on omo, deto "specialoto", che lo giutava ne i vari lavori: frantumare i prodoti, sbatociando drento ai grossi mortari de bronzo, tegnere inpissà el fogo soto i alanbichi, ecc.
La parte che interessa el tratamento econòmico porta la data del 23 novenbre 1692 e dise pressapoco cossì: el spessiale ga da "'vere abitassion in logo, "chioppe" do de pan, "inghistare" tre de vin e par el conpanàdego 5 lire a la setimana da S. Giustina a Pasqua e 4 lire e mesa da Pasqua a S. Giustina conpreso l'ojo e 334 denari in contanti".
Nel 1733 xe stà fata par l'ospedale na riforma de i statuti e de le modìfiche riguardava anca el spessiale. Sicome alte gera le spese par mandare Priore, spessiale e specialoto a Venessia tore la roba, se ga pensà de spedire na nota de la merce necessaria a le spessierìe e drogherìe lagunari; queste spediva drento na cassona la merce conpagnà da na distinta. Rivà a Padova la merce, el spessiale controlava e inventariava el tuto. La nova riforma gaveva messo anca de le curiose règole de conportamento par el spessiale; intanto no 'l podeva pi 'ndare fora da l'ospedale sensa l'órdene del Priore e solo in caso de bisogno, e gnanca pi in cusina de l'ospedale no 'l podeva 'ndare. Sicome prima el 'ndaseva e ne i mesi invernali el catava la scusa de 'ndare par "scaldarse" (in pràtica par magnare!), co le regole nove i ghe ga dà el dirito de ritirare, da on balconsèo de la cusina, scaldaleti e fogare e dopo desinà mesodì e sera el podeva stare al caldo riunìo co i altri dipendenti de l'ospedale so na càmara tacà a quea del capelan dove che ghe gera on gran camin e là el podeva stare in conpagnìa "con quella modestia e buon termine che si conviene, così sarà levato il pretesto per andare in cucina".
Quando l'ospedale S. Francesco Grande ga sarà nel 1798 (par mancansa de fondi e parché le struture gera deventà romai antiquate) e tuto xe passà al Giustinianèo, la spessierìa xe stà dà in apalto, le robe xe canbiàe e la figura del spessiale 'spedaliero xe sparìa par senpre.
La farmacìa del "novo 'spedale" gaveva za comissià funsionare nel 1797.


[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Aprile:
Editoriale
Leggi l'Editoriale Tanto par capirse...
"S-ciàrate, marso, ché xe qua aprile", dise un vecio proverbio
Sarà dunque ben che se liberemo sùbito... de sto cataro!
de Mario Klein
[torna sopra]


Salute:
Leggi l'articolo El spessiale ´spedaliero
de Mario Galdiolo
[torna sopra]


El canton de'e poesìe
Leggi l'articolo Poesie in dialeto
*** (Autori vari)
[torna sopra]


Da Belun:
Leggi l'articolo Primi a fiorir
de Biancamaria De Vecchi
[torna sopra]