Quatro Ciàcoe
Mensile de cultura e tradission vènete
de Bepi Famejo

Vita de na volta (in dialeto rùstego de la Bassa)

I caregheta


Quatro Ciàcoe
Na volta ghe jera do coalità de caregheta: quei che le careghe le faséa de sana pianta e quei che domé i le inpajava. Par fare le careghe naséa ben coalsiasi coalità de legno, ma el pi indicà el jera el moraro che 'l ghea "macia" e vegnéa fora de le careghe maravejose color canela, venà, bele da védare e ca no ocoréa darghe né varnisa e né colore parché le jera bele cussì. Pardepì sto moraro el jera, e oncora el xe, on legno forte, poco sojeto al carolo, e co la scusa che la so foja la magnava i cavalieri, morari ghin jera on futìo. I caregheta i naséa a far careghe par le corte e indó che i jera ciamà, ma i faseva anca careghe par conto soo che dopo i le vendéa al marcà. Sti òmani, che de sòlito i jera in du o tri, coasi senpre pare e fioi, i ghea on'agna spaventosa che a védarli a laorare te restavi a boca verta, con pochi arnisi e tanto onto de gunbio: da on moraro i te faséa saltar fora on mucio de careghe. Prima i vardava da ricavare fora pi mauni che i podéa, che dopo le speràngole e i periòi i te li faséa saltare fora da i retaji de 'r legno. Indó che ghe vegnéa ordenà i faséa anca el caregoto par el putin o na 'tomana par i veci e se i vedéa che in fameja ghe jera na toseta o do, co i retaji senpre, i faséa, senza pagamento, na caregheta pìcola par tegnerse de bona la parona de casa che la jera quela che ghe portava el beverajo. Le careghe che i faséa par conto soo la pi parte i ghe le vendèa, a chi che metéa sù fameja, ai osti e a le cese, coà i canpanari 'pena che i le ciapava in consegna 'nte na speràngola i le marcava a fogo col marchio de la cesa, cussì jera la usanza.
I caregheta che inpajava e basta, el so laoro jera tuto difarente: in lujo i naséa in vale, drio i fossi o 'nte le madarane a tajarse el "careto"; i lo faséa secare ben al sole, i zernìa el pi longo, po' i lo ligava a mazi e i se lo portava a casa. No jera fadiga a chei tenpi védare vegner sù da la vale bicicrete e cariti stracarghi del prezioso "careto". Va ben ca no ghe jera domè i caregheta che lo doparava ma ghe jera anca quei che faséa i balzi, par ligare el fromento, quei che faséa le 'rele de i cavalieri, par cusirle, quei che inpajava fiaschi e fiascuni, che faséa le sporte e altri oncora.
Anca védare a inpajare na carega jera sudisfazion: i te faséa on cordon ùnico par ogni carega che come che i lo metéa in laoro i lo slongava senpre dontàndoghe careto e intorzéndolo, pressapoco come quei che faséa le corde, e jera par quelo che na carega la se despojava da gnente: coando che sto cordon el vegnéa roto, la paja no stasèa pi in sèsto. Sti inpajaduri i jera anca boni da sistemare chela carega che jera sgorbazà, desperiolà o co on maon roto. Luri a impajare i naséa dapartuto, ma la bona i la faséa con le cese parché a chei tenpi no ghe jera banchi ma tute careghe. 'Nte le fameje le careghe naséa despajà pi che altro, parché i tusiti i le rabaltava e i le strissiava partera, e parché i gati i naséa a gratarse le onge.
Mi, da toso, go cognossù ben on caregheta parché el staséa rente a casa mia; elo laorava domè a casa soa, le careghe el naséa a tòrsele, in bicicreta se le jera poche, e senò có 'l caretin a man: tuti i diséa che 'r laorava ben e che 'l jera onesto 'nte 'l prezo. Mi naséa d'acordo co sto omo e pi de calche volta ghe ghea insegnà indó che ghe jera del careto; elo naséa a tajàrselo e mi a jera tuto contento. 'Na volta el m'à contà che anca elo xe nà a careto in vale, e dopo de avérselo tajà, destirà al sole drio l'àldare de la Frata, i ghe lo ga portà via. Sto omo el ga seguità: "Te pare che 'l sia on bel ciucio, fare tuta chela strada lì e laorare 'fa on muco, tuto par gnente? Cussì par careto in vale non ghe son pi nà, e no ghe narò maipì!"
I caregheta i ghe xe oncora, ma i laora domè sarà drento 'nte i stabiliminti, i fa tuto co le màchine e i fa on stravento de careghe de tute le jenerazion, parché i òmani de oncò i sta pi sentà de quei de na volta che magari i se sentava anca indó che capitava. Adesso i fa careghe de plàstica, de fero, che va torno, che se alza che se sbassa, quele de legno i le fa tute laorà, inbutìe, fodrà e invernisà e xe vegnù oncora de moda quele inpajà có 'l careto.
I dise che la metà de la jente che xe al mondo oncò i se senta oncora partera. Mi a credo che i caregheta de adesso i sia in grado da fare na carega par tuti e, sicome che partera se sta sentà gran male, mi a spero e ghe auguro che coanto prima, tuti i gai le spezanele che ghe vole, par torse 'na bona carega.


[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Majo:

Editoriale
Leggi l'articolo Se tute le mame del mondo...
Un mondo dove comanda le mame? Un sogno, na pazìa, no 'l capitarà mai! Pecato, parché canbiarìa tante robe!
de Mario Klein
 
Cultura orale
Leggi l'articolo Le moleche
Un golosesso sorafin che costa un ocio de la testa
de Dinerio
 
 
Cultura Visentina
Leggi l'articolo Pietro Galletto
Xe pena vignù fora un libro in do volumi su l'idea republicana in Italia scrito da sto famoso scritore trevisan de nassita, padovan de residensa, ma con raise familiari sandricensi
de Giordano Dellai