Quatro Ciàcoe
Mensile de cultura e tradission vènete
de Mario Galdiolo

Salute

L'ansian e 'l caldo

Quatro Ciàcoe
Sa sin., i prof.i Enzi e Trivellato, prima de la conferensa.
I primi caldi d'istà i se ga za fato sentire e semo pronti co la svèntola in man a spetare el grando che i metereologhi ga previsto par lujo e agosto. L'ano passà la xe 'ndà on fià manco male, rispeto al 2003, quando par tri mesi l'Italia e mesa Europa xe stà messa soto a 'na capa de sòfego che toeva el fià; in Francia la batosta pi grossa. Secondo le stime, la canìcola ga causà 13-14.000 morti, la pi parte, ansiani o malandài de salute. Premurémose a tore qualche precaussion, fin che podemo.
Tenpo indrìo a l'Istituto de Riposo Anziani (I.R.A.) de Padova, xe stà fata 'na conferensa che gaveva par tema "L'anziano e il caldo". La riunion presentà da l'av. Giancarlo Rossi, Presidente de l'I.R.A., gaveva come relatori el prof. Mario Trivellato, Responsàbile del Servissio de Cardiologia de l'Uls 16 a l'I.R.A. e 'l prof. Giuliano Enzi, Diretore de la Clinica Geriatrica de l'Università de Padova. Par dirla in breve, rancuremo el sugo de i argomenti tocài da i do luminari, in modo de farse on'idea e de èssare pareciài a tanfiare e samare manco có rivarà l'afa preanuncià.
El prof. Enzi xe partìo spiegando a grandi linee el mecanismo de la termoregolassion che mantien costante la tenperatura corporea. El centro termoregolatore se trova nel servelo e 'l funsiona grosso modo come on termòstato regolà tra i 24 e i 27°. Dita in poche parole, quando la tenperatura atmosfèrica supera i 27°, nel nostro organismo se mete in moto 'na serie de provedimenti, come la sudorassion e altre robe, che fa desperdere calore. Quando invesse questa va al de soto de i 24°, l'organismo toe provedimenti (tremarela, pèle de oca, bàter de denti) par riciamare calore e riportarla sù, normale e gualiva verso i 36-37°.
Dita cussì la pararìa sènplice, ma invesse el tuto xe conplicà. La termoregolassion xe ligà al sistema nervoso autonomo, a ghiàndole, a catecolamine, ormoni ecc. ecc.; inpossìbile spiegare qua puìto, ma xe tanto par capirse. Inoltre la soportassion del fredo o del caldo, oltre che al centro termoregolatore, dipende anca da l'età, la rassa e 'l sesso. Par dìrghene do, le done resiste mèjo al fredo, rispeto a l'omo, par via de on ninin de grasso pi spesso soto pèle e i aborigeni riesse a dormire nudi a tenperature de sìe o sete gradi. Ma tornemo a l'ansian.
La mal soportassion al caldo ne l'ansian, xe dovuda principalmente al mal funsionamento del "termostato", par motivi de età, ma anca da la pèrdita de la sensassion de 'ver sen, che se ga 'ndando 'vanti co i ani. On fato che se no 'l xe tegnù in considerassion poe èssare causa de disidratassion fin a rivare, de conseguensa, al cussìdito "colpo di calore", on evento grave che se manifesta co freve alta (40-41°), pèle rossa e seca, che se no se toe rimedi a le sguelte poe portare a la morte.
Cossa fare par difèndarse dal caldo? I mèdeghi consilia de no 'ndare fora ne le ore pi calde, no fare sfadigade e stare par quanto pi possìbile in loghi freschi o ariài, co condissionatori d'aria e sventolatori, bévare almanco do litri de aqua al dì, evitare bevande alcòliche e limitare el cafè. So 'l bévare, tegnere presente che tuto queo che no xe aqua xe calorìe: atension ai sughi de fruta parché i xe richi de calorìe. Magnare lesiero, co preferensa de pasta, pesse (atension ai friti e a quei massa grassi), verdura, fruta e gelati, mèjo se a la fruta. Sercare de evitare le bìbite gassate e quee massa frede.
Par i malà de core, o par chi ga la pression alta, el prof. Trivellato ga racomandà riguardo pi de i altri. Se se toe 'e medesine par la pression e se ga pèra (sospetto) de qualche efeto colaterale, prima de sospèndarle sentire el mèdego; el stesso discorso vale prima de tore integratori e sali minerali. Se se ga da 'ndare in vacansa, parlare col mèdego prima de partire, dirghe le intesion che se ga e farse consiliare. Primo consilio: non strafare. Se poe noare, fare corsa, zugare a tenis, 'ndare in bicicleta, balare, ma sensa farse védare leoni. Evitare i sport come vela, pesca subaquea, alpinismo o calceto, che mete soto sforso el fìsico. Portarse drio le medesine necessarie, evitare de 'ndare in posti dove no ghe xe assistensa mèdega. L'aventura mèjo, lassàrghela ai zóvani. Chi va in montagna, ga da savere che a domila metri de altessa, la percentuale de ossigeno che circola ne le arterie e che riva al core, diminuisse del 20% rispeto a livelo del mare. Se se va in viajo, el reoplano no ga controindicassion, almanco che no se patissa del stare al ciuso (claustrofobia). Par chi toe la màchina, se consilia de córare ne le ore pi fresche, de no fare pi de 150-200 km de distansa, de evitare de fare coe in autostrada soto el sole.
Durante i rispetivi interventi, sia el prof. Enzi che 'l prof. Trivellato, i ga sotolineà co forsa che no xe solo el caldo che copa l'ansian, ma tante volte xe la SOLITUDINE. L'ansian spesso fa fadiga a mòvarse, no 'l xe bon torse on goto de aqua o de vèrsarse 'na finestra o pareciarse on bocon de magnare. Oltre a questo tanti ansiani patisse de malani crònici e i toe fàrmaci come antistaminici, diuretici, antidepressivi, tute medesine che soratuto col caldo 'e dovarìa èssare dosàe a dovere. Questo par l'ansian che se vede de no èssare pi bon a rangiarse, signìfica spesso disperassion e qua va de meso la cossiensa de i pi zóvani e de i familiari. On fià de rispeto in più par i nostri veci no guastarìa. Presto o tardi, se gavemo la grassia, ghe rivemo tuti. Non ve pare?

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Giugno:

Editoriale
Leggi l'articolo Tuta question de educazion
Xe ora de darghe on tajo al bruto vizio de butar par tera ogni tipo de porcarìa. Xe partìa na canpagna coretiva a base de multe, ma no basta: bisogna educare a l'órdine!
de Mario Klein
 
Salute
Leggi l'articolo L'ansian e 'l caldo
de Mario Galdiolo
 
Da la Marca
Leggi l'articolo Camini e canore
de Emanuele Bellò
 
Teatro vèneto (in triestin)
Leggi l'articolo "Trilogia della villeggiatura"
"Le smanie" - "Le avventure" - "Il ritorno"
de Luigi Perini
 
Da Maran Lagunare (UD)
Leggi l'articolo La gatina sensa nome
de Maria Damonte
 
Ciàcole visentine
Leggi l'articolo La Vila Chiericati Showa de Longa
A Longa, un paeseto 'pena soto Maròstega, ghe xe na vila sinquesentesca che 'ntel tenpo passà ga ospità personaji famosi e 'desso xe deventà na scola musicale e un inportante sentro culturale
de Giordano Dellai