Quatro Ciàcoe
Mensile de cultura e tradission vènete
de Mario Galdiolo

Salute

Ferdinando Coletti, mèdego e patriota

Quatro Ciàcoe
Ferdinando Coletti (1819-1881)
Sercando ne le biblioteche i personagi de la medisina, vissudi a Padova ne l'Otosento ai tenpi del Risorgimento, pi de qualche volta se catemo davanti ai oci grand'òmeni che, oltre che bravi par el so mestiero, i lotava e i pativa par amor de patria, par védare realizàe le idee de libertà in cui i credeva. Ferdinando Coletti xe stà uno de sti mèdeghi patrioti.
Coletti gera nato a Tai de Cadore (BL el 17 agosto 1819. Fin da picenin el pativa de 'na malatìa ai oci e so popà Giuseppe, negossiante de legnami, quando che 'l pìcolo "Nando" gaveva oto ani, el ga pensà de trasferirse co la fameja a Padova par 'ver la possibilità de curare al mèjo el fiolo e in secondo logo de farlo proseguire più fassilmente co i studi, dato che 'l toseto prometeva ben.
Difati Ferdinando non lo ga deluso. Dopo 'ver studià e infrancà ben in létere, latin e greco al ginasio, el se ga notà a l'Università de Padova par studiare medisina. Alievo de grandi maestri, come F.C. Cortese in anatomìa, F.W. Lippich in clìnica mèdica, G.A. Giacomini in medesina teorica e B.G. Signoroni in clìnica chirùrgica, el nostro giovanoto se ga laureà in medisina e chirurgìa el 22 agosto del 1845. In clìnica mèdica ghe gera 'lora assistente V. Pinali, naltro gran mèdego che faseva esercitassion ai studenti, insegnàndoghe a fare so i malà le nove tèniche come bàtere (percussione)e recesare (auscultazione) so la pansa e so la schina de i malà pa rivare a la diàgnosi: tèniche che gera passàe ne la scola clìnica padovana 'na diesena de ani prima.
In quei ani ghe gera in tuto el nord on fiorire de associassion e movimenti antiaustriaci. Coletti che a l'università gaveva fato amicissia co de i zóvani de idee liberali, come Alberto Cavaletto, Carlo Cerato, Francesco Marzolo e altri, za intrufolài in sti movimenti, el se ga messo insieme a lori. Quando l'8 febraro 1848 i studenti padovani se ga intavanà e i xe insorti contro i cruchi fin a farli scapare da la sità, a dar man forte ghe gera anca el nostro dotore. Nel governo provisorio che se ghe xe formà in quei dì, a Coletti ghe xe sta dà la càrica de delegato par la Salute pùblica e menbro del Comitato de Vigilansa Politica. Quando nel giugno del stesso ano i austriaci, rinforsài xe tornà da novo a Padova, a Coletti come tanti altri par no 'ver rogne no ghe xe stà altro che scanpare.
Dopo èssare stà, prima in Lonbardia, dopo in Svissera e infine in Liguria, ai primi de l '49 el xe rivà a Venessia par 'ndar a fare el mèdego ne l'ospedale San Giorgio; co' l'amnistìa el xe torna a Padova, ma ormai i austriaci i lo gaveva segnà e i lo tegneva de ocio. I ghe ga concesso solo la patente provisoria par far scola privata in patologìa e materia mèdega. Par sbarcare el lunario el ga dovudo darse da fare a recuperare in parte la vecia clientela privata che 'l gaveva e par sviare i sospeti el se ga messo a fare de l'altro. El xe stà presidente de l'Academia de Siense e Arti e altre robe, ma in realtà no 'l ga mai molà de far polìtica.
Nel 1859 el xe stà a capo del Comitato centrale nassionale vèneto, che da Padova coordinava tuti i altri comitati segreti spranpagnài in altre sità vènete e in più el mantegneva contati col comitato polìtico centrale vèneto, con sede a Torin, direto da Alberto Cavalletto. In sèguito i comitati segreti xe 'ndà in crisi; ghe gera on tiramola, uno la pensava in un modo, uno in te naltro, zente che no se intaressava, ecc. Coletti, disgustà e sconsolà, gera intensionà a molare tuto, ma no 'l lo ga fato.
Ne la 3a Guera de Indipendensa el toeva informassion so queo che faseva o gaveva intension de fare i austriaci: organizava e smistava armi e equipagiamento ai patrioti che faseva assion de guerilia nel Cadore, Friuli, nel Vicentin e nel Trevisan. Dopo l'anession del Vèneto a l'Italia el xe stà eleto par quatòrdese ani a Consigliere Comunale de Padova. El xe stà Presidente de la comission padovana par l'inchiesta sol lavoro industriale de i putèi e de le done. Fra l'altro el ga fondà e l'e stà diretore de la "Gazzetta Medica Italiana delle Province Venete". Dopo la liberassion de Padova, el 24 novenbre 1866, el xe stà nominà par decreto reale professore ordinario de materia mèdica e terapèutica; come studioso el se ga aprofondìo ne l'assion farmacològica de serti preparati. In più el ga studià co sucesso la scrofolosi, 'na malatìa che se manifesta co l'ingrossamento de le linfoghiàndole del colo e che spesso la xe de orìgine tubercolare. Grando xe stà el so inpegno par canbiare in senso moderno la scola universitaria padovana.
Tanto ghe sarìa da dire de sto omo, sia come polìtico, ma soratuto come mèdego, inpossìbile farlo in poche righe. De che pasta gera fato Coletti se poe ricavarlo da on so libreto de aforismi, publicà a Padova nel 1853, intitolà "Galateo de' Medici e de' Malati" che noaltri se permetemo de ricavarghene qualcun, traduséndolo in dialeto:
  • Siensa e cossiensa: eco i elementi del mèdego. Sensa questi éo se ciama co 'naltro nome.
  • Ogni servissio, par umile che 'l sia, fato al malà dal mèdego, deventa 'na nòbile assion.
  • El segreto mèdego gabia la stessa religion de queo del confessionale.
  • Chi sofre de pi par la morte de on malà forse xe el mèdego. Che i ciaciaroni lo sapia!
  • El magior elogio e conforto par on mèdego xe quelo de 'ver conservà la fiducia de la fameja che ga perso on malà.
  • El malà no xe, par el mèdego, né sior, né poareto, né nòbile, né plebèo: el xe sora de ogni altra roba on omo che sta male.
  • El mèdego co i putèi ga da ricordarse, o 'l fassa finta, de èssare pare (papà).
  • El mèdego ga da èssare acessibile da ogni parte par no trovarse mai in on logo dove el gabia da deventar rosso.
Coletti el more a Padova el 27 febraro 1881, e par so volontà el corpo vien cremà nel forno crematorio de Milan.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Novenbre:

Editoriale
Leggi l'articolo Parché tuta sta cativeria?
A cossa serve conportarse da vilani, fare i prepotenti, 'sassinarghe la vita al pròssimo, se dopo nemo a finire tuti te chel buso?
de Mario Klein
 
Devossion popolare
Leggi l'articolo La Madona de i morti
de Ugo Suman
 
Salute
Leggi l'articolo Ferdinando Coletti, mèdego e patriota
de Mario Galdiolo
 
Storia triestina (in triestin)
Leggi l'articolo 4 Novembre 1918: scopia la pase
de Luigi Perini
 
Da Maran Lagunare (UD)
Leggi l'articolo Proverbi e mudi de dì sul vento
de Maria Damonte
 
Da San Bonifacio (VR)
Leggi l'articolo El dì de i Morti
de Enzo Coltro