Quatro Ciàcoe
Mensile de cultura e tradission vènete
de Luciana Ecchiotti

Anbiente

Àlbari in piassa

Quatro Ciàcoe
Questa xe stajon de riposo par gran parte de i nostri àlbari e xe propio el periodo giusto par vardarli ben. Podemo finalmente amirarli ne la belessa de i rami sensa foje, rami slancià verso el celo o pendenti, fini che quasi i forma de i pissi, o contorti e scuri, e osservando co atension se distingue la parte de rame de l'ùltima créssita. Anca i tronchi adesso pare de védarli mèjo e se pole gódare la varietà de le cortece: o lissie e grise o rugose e nere, o squamose e de diversi colori. E xe tenpo de osservarli ben par capire come che i sta de salute: se i ga de le ferite da curare, o se bisogna bruscarli par scursare la créssita de le rame o tajarle parché no le daga disturbo al passajo, se i àlbari xe su i bordi de le strade o s-ciaresare le rame parché no le se sófega e le se indebolissa.
In 'sto periodo xe tuto on loarare par métare órdine ai giardini e ai viali pùblici e privati. Passando, in sità, da la Piazzetta Sartori, me piase senpre incontrare du àlbari che amiro da quando che i xe stai inpiantài na trentina de ani fà. Se trata de on Celtis australis o pi in confidenza on Bagolaro e de on Noce nero american. Ne i ani i xe deventài du àlbari veramente bei, co tuto el spassio che i ga intorno i xe cressùi armoniosi, alti, driti e co i rami slanciài verso el celo; quéi del Bagolaro i parte dal tronco grossi e robusti par deventare finìssimi quasi a formare na nùvola rotonda insima a un tronco forte, co la cortecia grigio-scuro e lissia e co le raise ben inpiantà; quéi del Noce nero ga on tronco robusto e rivestìo da na stupenda cortecia scura e rugosa.
Quatro Ciàcoe
El nome del Celtis australis xe de orìgini incerte, ma xe ben ciaro el significato de i nomi popolari che xe stà dà a 'sta pianta: Bagolaro, parché el fa tanti pìcoli fruti, a forma de balete de 5 mm de diametro e che in dialeto se ciama bàgole, o Spaccasassi, parché le raise xe cossì robuste da riussire a vìvare e pian pian catare nutrimento anca quando che el nasse in meso ai sassi. El xe de la fameja de i olmi e el pol deventare alto 20-25 metri e vìvare 300 ani, le foje caduche xe dentate e lanceolate, de on colore verde grigiastro, e in primavera quando che le sta par sbociare le dona on spetàcolo de rara belessa, rivestendo de pìcole puntine verde tuti i finìssimi rami. El legno xe de gran bona qualità, resistentìssimo, flessìbile e "tenace", usà par lavori de carpenterìa, tornitura e parfin strumenti musicali, màneghi par atressi de laoro in canpagna, màneghi par fruste e... bagoline (bastoni da passejo), e na volta se ricavava pali par sostegnere le vigne, tanto che so un libro go catà na antica incision che mostra na vigna intorcolà torno on palo de olmo par sinbolejare "L'Amicizia". Pianta inportante par rinboschimenti e da tanto tenpo usà ne i parchi, giardini e viali propio parché bela, elegante in tute le stajon e resistente a nemici come i parassiti animali o vegetali. Anca i fruti, pìcole bagolete nerastre, sarìa ùtili parché da la semensa se pole ricavare on ojo delicato, ma sicome i xe massa pìcoli, nessuno se mete a torli sù (par fortuna!) cossì i resta on bon nutrimento par tante spece de osèi ingordi de 'sto abondante fruto che i cata a disposission par tuto l'inverno.
Noce nero el xe el nome comune dela Juglans nigra de l'America setentrionale. El pole deventare alto 20 metri e oltre ma no 'l xe tanto longevo, solo 100 ani. I rami i cresse in sima a on tronco robusto in modo da formare na chioma anpia e rotonda; in inverno el se fa amirare par la belessa de la cortecia sia de i rami e rameti secondari che del tronco: la se presenta scura, quasi nera, anca parché la assorbe tuto l'inquinamento, ma la xe così rugosa in modo regolare che la incanta. In primavera el se veste de on verde tènaro e fresco, co fiori a pìroli lunghi 10-15 cm e pi avanti ne la stajon se forma fruti che no xe boni da magnare ma da le foje, fiori, fruti e cortecia se ricava coloranti e tanini. El so legno xe tanto de valore par costruire mòbili e qualcuno lo considera pi pressioso del noce comune. Quando vien l'autuno, se la tera dove che el xe inpiantà ga dà i nutrienti giusti 'sto àlbaro el deventa na nùvola de oro: anca le giornate pi grise le vien inluminàe dal color oro de le so foje. Pecà che l'incanto dura poco tenpo, ma considerando ben anca par questo vale la pena piantarlo ne i giardini de sità e gòdare stajon par stajon le trasformassion de 'sta bela e sinpàtica pianta.

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Febraro:

Editoriale
Leggi l'articolo Sercare le bone notissie
La crònaca de ogni dì la ne sta 'velenando la vita. Par difèndarse, dovemo darghe risalto a le robe positive, quele che ne fa tirare on sospiro de solievo
de Mario Klein
 
Memoria viva
Leggi l'articolo De Padova gnanca un Papa e pochi Cardinali
El passajo davanti al Ponte de i quatro Papi in Prà de la Vale. La me curiosità me fa savere che i gera venessiani co' incàrichi a Padova. La me domanda anca su i Cardinali de la nostra sità
de Gigi Vasoin
 
Anbiente
Leggi l'articolo Àlbari in piassa
de Luciana Ecchiotti
 
Da Adria (RO)
Leggi l'articolo Strade, cuògoli, cubeti e asfalto
de Sergio Bedetti
 
Da Schio (VI)
Leggi l'articolo Nostra Sorela Aqua
de Piera Rompato
 
Da Verona
Leggi l'articolo La Providensa
de Giacinta Dall'Ora