Quatro Ciàcoe
Mensile de cultura e tradission vènete
de Piera Rompato

Da Schio (VI)

Nostra Sorela Aqua

Quatro Ciàcoe
Na fontana in contrà Scortegagna.
El ze senpre un godimento par mi quando me nevudi m'invita a nare 'nte la casa che i ga a Monte Magrè, un paesoto ingrotonà a tre quarti de altessa in quel trato de i monti Lessini che parte dal passo del Pian de le Fugasse e finisse poco pi in là de Vicensa.
La strada, 'sfaltà e senpre ben tegnù, da Schio la se inalsa co' curve larghe, po', rivà a le prima case del paese, la gira a sanca e la va, quasi tuta piana, verso el comune de Monte de Malo. La casa de me nevudi la se trova a metà, pressapoco, de sto trato, 'nte la contrà Smiderle. Se pol capire, da sto nome, che i primi che se ga stabilìo là i ga da èssare stà de i bavaresi, austriaci che se calava in Italia par fare i carbonari. Par luri ze bastansa comune el cognome Smith e par questo ze naturale che i lo gabia trasmesso a la contrà.
Quel grumo de case, na desina e tute a schiera, le ze disposte come na grande "elle". Al pianteren qualcheduna gavéa la stala, altre invesse le terminava co' la tèsa, 'ndove se sistemava el fien par l'inverno. Che la contrà la fusse abità da diverse fameje, lo dimostra la grande fontana che se trova 'nte la parte pi alta, propio vissin a la casa che 'ntel 1987 la ze sta conprà da me nevudi.
Sta fontana, 'desso fora uso, la ze stà fata 'ntel stile clàssico de i tenpi passà. Prima vegnéa el labio, co' la coloneta che gavéa incastrà el tubo de l'aqua. La prima volta che la go vista mi, el tubo no' el gavéa rubineto e l'aqua scoréa liberamente giorno e note.
El labio el serviva par bevarar le vache e altre bestie.
El secondo tòco de la fontana zera destinà a far da lavatoio. Ghe ze ancora 'desso, de le lastre de cimento, messe inclinà su uno de i bordi; su quele le done lavava insaonando le robe, doparando par quele pi sporche anca el bruscheto.
Par tera, in maniera che 'ntel sbàtare le robe no' se formasse de le posse de aqua, zera stà sistemà de i tochi de "tovo" (i ghe ze ancora) che sarìa lastre de materiale vulcànico che 'l bon "Mucion", quela punta cònica che risalta su l'orisonte 'pena ondulà de i monti, ne ga regalà tanti sècoli indrìo e che da sola la conta come in orìgine la fusse un vulcano.
'Desso in contrà Smiderle no' ghe sta pi nessuni. La Rita, l'ùltima che ga resistìo a la solitùdine, la ga finìo col darse par vinta e la ze nà 'nte na casa de riposo.
Le abitassion però no' le ze stà 'bandonà; i le tien co' cura e le serve da seconda casa par qualche giornata de riposo o, d'istà, par la vilegiatura.
Diversi ani fà, parlando co' uno de i puchi che zera restà in "dimora" fissa e 'passionà de la storia de Monte Magrè, el me ga contà che tanto tenpo indrìo, chi che se faséa na casa su quei posti, el badava par prima roba che ghe fusse 'nte le vicinanse, na sorgente; poco distante i scavava na busa, fonda fursi meso metro, che la vegnéa inpienà de aqua che i faséa istradare da la sorgente; là i nava a tore quela par bévare.
Un fià pi soto i ghe ne scavava n'altra che i faséa colegare co' la prima par meso de na roseta. La seconda la végnea usà par bevarare le bestie e anca par lavare. Essendo a filo tera, le done le doparava na lastra de pria o n'asse de legno; su queste le sfregava le robe. Le buse dovéa èssare netà almanco na volta a l'ano; parché le tegnesse mèjo, le vegnéa infodrà tuto intorno de tera crèa (argilla), sbatù col baile.
Chi che zera cussì fortunà de poderse fare la casa 'nte un posto 'ndove esisteva gran quantità de tovo, i zera fassilità parché sto materiale, essendo inpermeàbile, no 'l richiedeva altre aplicassion; bastava na pulissia ogni tanto.
Col progresso (parlemo de sècoli) in serte contrà i ga scoperto che se podéa 'bandonare el sistema de le fontane interà, tanto scòmodo. Cussì i ga ciapà sinque blochi de pria, scalpelà 'nte le misure adate; la pi larga i la ga messa in tera e le altre tute intorno, drite, in modo de formare come na gran scàtola.
L'aqua, che partiva da l'alto, la vegnéa portà a sto labio primitivo par meso de na fila de cupi postà sora un rialso de tera, fin a rivare a l'óro del labio stesso.
Po' sto rìgolo el vegnéa coerto co' altri cupi, come par formare na tubassion.
E intando i ani passava e 'nte le tante contrà vegnéa fabricà altre case, senpre pi bele; de conseguensa i faséa anca de le nove fontane, pi grande; adiritura qualcheduna gavéa anca un terso labio, 'ndove i lava le robe pi sporche, come le braghe de i òmini, ingrostà de tera o onte, i panesèi de i picinini e cussì via.
A sto punto ze sta necessario fare un aquedoto par rancurare l'aqua de tute le sorgenti, che spesso le se trovava in posti distanti. A la so costrussion ga partecipà tuta la popolassion sia par i laori de scavo che par le spese. E anca i ga scomissià a fare, vissin a tante fontane, un capitelo dedicà a la Madona o a qualche santo. Zera giusto ringrassiare el celo par poder 'vere l'aqua, sensa de ela no' se pol vìvare; e anca domandare al bon Dio che le sorgenti no' se secasse, sia par i momenti de gran suta che par serti sconvolgimenti de la natura.
Po' 'ntel 1950 el Comune de Schio ga deciso de colegare al suo l'aquedoto de Monte Magré. El vegnéa cussì potensià e tute le fameje de Monte Magrè ga possudo 'vere l'aqua in casa. Pecà che, cussì tante fontane ze sta sarà e, col passar de i ani, le ze nà in rovina.
Comunque anca 'desso ze belo, se se vol fare na caminada, portarse da na contrà a l'altra par védare come che le zera fate e amirare i capitèi co i santi che ga proteto par tanti ani le sorgenti de "nostra sorela aqua".

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Febraro:

Editoriale
Leggi l'articolo Sercare le bone notissie
La crònaca de ogni dì la ne sta 'velenando la vita. Par difèndarse, dovemo darghe risalto a le robe positive, quele che ne fa tirare on sospiro de solievo
de Mario Klein
 
Memoria viva
Leggi l'articolo De Padova gnanca un Papa e pochi Cardinali
El passajo davanti al Ponte de i quatro Papi in Prà de la Vale. La me curiosità me fa savere che i gera venessiani co' incàrichi a Padova. La me domanda anca su i Cardinali de la nostra sità
de Gigi Vasoin
 
Anbiente
Leggi l'articolo Àlbari in piassa
de Luciana Ecchiotti
 
Da Adria (RO)
Leggi l'articolo Strade, cuògoli, cubeti e asfalto
de Sergio Bedetti
 
Da Schio (VI)
Leggi l'articolo Nostra Sorela Aqua
de Piera Rompato
 
Da Verona
Leggi l'articolo La Providensa
de Giacinta Dall'Ora