Quatro Ciàcoe
Mensile de cultura e tradission vènete
de Giacinta Dall'Ora

Da Verona

La Providensa

Quatro Ciàcoe
Eco el secondo telefonin par el me omo: così, forsi, uno de i du in scarsela l'è càrico!
Me digo che l'è un mese seco che no vedo la me amiga, ansi, un ano: propio da l'ùltimo giorno de l'ano passà e l'è na vergogna! E no la ga bisogno de sfogarse, no ghè perìcolo che la se àldega a ciapar in man el telèfono par sentir se son ancora viva. Passiensa, me sbassarò mi a nar a catarla con la scusa de farghe de persona i auguri de bon ano.
"Ciao, oramai semo diventè foreste. Come steto?" ghe domando mi, 'pena la me vèrse la porta. La me varda fisso, la me se ingropa al col e... la ghe ne profita, come senpre. La taca contàndome tute le magagne de l'ano passà par finir con la so specialità: el so omo. L'è cossì bràa a métertela zo che la me fa parfin sganassar.
"Te ricòrdito che nel 2005 el primo de l'ano l'è scadùo de sabo?" la parte ela, toléndoghe el giro largo.
"Ben, rìdete de mi, che no me' l desmentegarò più. Donca, se capodano l'è stà de sabo, l'ùltimo l'è vegnùo de vènardi."
"Fin qua ghe rivo anca mi", ghe sgnaco rabiosa par sta prima matina del 2006 persa a 'scoltarla ela.
"Nemo avanti. El 31 dicenbre, vigilia de l'ano nóo, me marì el fa meza giornata de festa, par contrato (no par darme na man a mi). L'ano passà, quela matina lì, fin che l'era drio prepararse par nar a laorar, go racomandà de vegner a casa prima che 'l podéa, lassando pèrdar pandoro e biceri con coleghi e clienti, parché ghéra da partir par la montagna. Se propio el gavéa tenpo da butar via, l'era mèjo che 'l le butesse via aiutàndome a far le valise. Ghe l'ò dito con bela maniera, messiàndoghe parfin el cafè prima de dàrghelo, ma lu el l'à ciapà mal e l'à scominsià a dirme sù. Par darghe un tajo me son inciavà in bagno con la scusa de lavarme e 'ntanto lu l'è partìo par el laoro."
Tra tra mi e mi penso: "Ano nóo, vita noa. 'Desso, se la me amiga no la le mete in moja, togo sù le me tanpeline e filo via. No son più disposta a pèrdar le ore con ela e tute le so pipe."
"Mi me vola la matina che l'è un piaser: do ore da la paruchiera, na visitina in cesa, na ciàcola con la siora che me sta de soto, qualche telefonada de auguri, na corsa par tor el pan... Insoma, m'è vegnùo la una che no me ne son gnan incorta. De strangolon ò messo sù l'aqua par la pastassuta, ò parecià e ò spetà el me omo. Speta che te speta, quando s'à consumà tuta l'aqua ò scominsià a levar el bójo mi. Man man che passàa el tenpo me caricàa la susta par 'frontarlo, na olta che'l fusse rivà a casa. Avea strassà l'orolójo a forsa de vardarlo, ma a le quatro ò tacà a pensar mal. Forsi ghéra stà na rapina in banca e magari i l'avéa tolto su in ostagio o l'avéa fato 'n incidente in màchina o, pezo, l'era su qualche bar a sbeaciar, par farme dispeto a mi. A le sinque ò proà a ciamarlo sul telefonin, ma l'era smorsà, de sicuro l'era scàrico, come senpre; ò ciamà sul laoro, ma no rispondéa gnissuni. A le siè s'era oramai fora de testa e ò disturbà la polissìa municipale, quela de stato e anca i ponpieri, oltre al pronto socorso de borgo Trento e borgo Roma. El me omo l'era sparìo. No conossendo gnanca uno de i so coleghi, no savéa più a che aqua trarme. A le sète s'era drio far el nùmaro par ciamarte ti, quan el me s'à presentà su la porta, el m'à vardà de traerso e el s'à serà in càmara a farse la valisa, predicando contro no sò ci. El me paréa tuto intiero e par gnente débolo, no 'l perdéa sangue da gnissuna parte, ma l'era rosso svanpà e con du oci da mato. Ma 'ndó elo stà tute quele ore lì?" ghe domando mi, scandalisà par quel ritardo de meza giornata.
"Alora, fin che i so coleghi i era drio nar via, lu l'avéa ciapà na telefonada de auguri, restando in coa. Messo zo el telèfono, l'avéa smorsà la luce e el s'avéa infilà ne quela porta maledeta, che ghè in tute le banche, che no la vede l'ora de ingiotirte par spuarte fora quando la decide ela. Fato sta che el s'à catà inpresonà ne sto usso blindà e che el s'à blocà propio fin che lu l'era dentro: na semada! L'era convinto de vèrserla con na dindonada ma... nisba. Fora, davanti a la banca, ghéra un s-ciapeto de fioi drio zugar con la neve e lu l'avéa proà a ciamarli batendo i pugni sul véro e parlando a moti, ma no ghéra stà verso, parché sti maramani, credendo che 'l volesse zugar anca lu, i avéa tacà a farghe le boche e a tirarghe le bale de neve, fasendo scrissolar el véro, ma sensa des-ciodar la porta."
"E come alo fato a vegner fora?", ghe domando mi, curiosa.
"Par l'intervento de la Providensa!", la sentensia ela, tuta contenta de tegnerme su le spine un altro poco.
"Par fortuna de me marì, a un certo punto i buteleti i s'à messi a criar e a ciocarse e, par divìderli, è corso lì so papà de uno de lori. Alora el me omo, vedéndose oramai salvo, arbinà el poco fià che ghe restàa, l'à tacà a sigar come un mato, batendo pugni e pié contro 'l véro de quela porta infame, fin che no i l'à visto. El so "salvatore", che l'era un cliente de la banca, l'avéa ciamà el diretor che 'l staséa de sora, e che, con mezo giro de ciave, l'avéa tirà fora me marì da la gabia."
"Cissà che spaento! E ti come eto reagìo?", barboto mi.
"L'ò ciapà mal, tanto che par métarme chieta l'à dovùo farme un assegno de 499 Euro."
"Par darghe la mancia al so salvatore?" ghe sugerisso mi.
"Maché par el salvatore! Par el me omo, par nar a cronparghe el secondo telefonin; così, forsi, uno de i du in scarsela l'è càrico!"

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Febraro:

Editoriale
Leggi l'articolo Sercare le bone notissie
La crònaca de ogni dì la ne sta 'velenando la vita. Par difèndarse, dovemo darghe risalto a le robe positive, quele che ne fa tirare on sospiro de solievo
de Mario Klein
 
Memoria viva
Leggi l'articolo De Padova gnanca un Papa e pochi Cardinali
El passajo davanti al Ponte de i quatro Papi in Prà de la Vale. La me curiosità me fa savere che i gera venessiani co' incàrichi a Padova. La me domanda anca su i Cardinali de la nostra sità
de Gigi Vasoin
 
Anbiente
Leggi l'articolo Àlbari in piassa
de Luciana Ecchiotti
 
Da Adria (RO)
Leggi l'articolo Strade, cuògoli, cubeti e asfalto
de Sergio Bedetti
 
Da Schio (VI)
Leggi l'articolo Nostra Sorela Aqua
de Piera Rompato
 
Da Verona
Leggi l'articolo La Providensa
de Giacinta Dall'Ora