Quatro Ciàcoe
Mensile de cultura e tradission vènete
de Enzo Coltro

Da S. Bonifacio (VR)

L'orto de tuti

Quatro Ciàcoe
Àlzare e canpi, 'na olta, i era i orti de tuti. Se vedéa zente cucià dapartuto, indafarà a catar sù erbe con la cortela in man. Le done le le ficava ne la grunbiala che la servéa par tuti i usi e par tute le stajon, ma prima le le curava par risparmiar tenpo a casa. I òmeni no i gavéa tuta sta pazienza, cossì se ghe ne vedéa gran pochi a iutar le mujer e po' lori i gavéa altro da far! Robe pi serie!
Se podéa catar sù pissacani, molesini, crìncani e radecele. La canpagna l'era l'orto de tuti; bastava catar un teren incolto, indò l'erba la cresséa da par ela e 'l paron no 'l diséa gnente, anca s'a se nava a pestolar.
A casa le done de alora le preparava de le terinà de salate de primavera con molesini, radecele e pissacani ancora picinini; le ghe zontava un par de çeoloti 'pena tirà sù da l'orto e mi ve digo che l'era un magnar da re, soratuto quando gh'era calcossa da métarghe arente come conpanàdego.
Crìncani e pissacani i vegnéa inveçe coti lessi e po' passà in teja col lardo o la pançeta. Anca sto piato l'era 'na roba da lecarse i bafi (ci li gavea!).
Me ricordo che, un fià pi grandeto, anca mi go scominçià a nar a catar sù le erbe in volta pa' i canpi e un dì m'è capità 'n'aventura un fià difìçile da contar a ci ga de le rece un fià delicate. Davanti a mi, che m'era messo a arbinar molesini e pissacani, gh'era do spose che no le m'avéa mia visto rivar e che le se dava un dafar a catar sù che gnanca ve digo. Solo che, inframezà co le so ciàcole, me rivava de i sóni un fià confusi, come chei de la radio quan' che l'è disturbà e che non se riesse a capir ben. Sti sóni, po', i se produséa soratuto quando una de le do, chela un fià pi in carne, la se cuciava par tor sù 'n'erba.
Có la s'à inacorta che mi gh'era dedrìo, sta chì l'è deventà tuta rossa come 'n'anguria al tajo e la s'à messa a sbossegar e a çercar de imitar, co la voçe, chei sóni che prima ghe riussìa cossì ben senza far tanti sforzi. Alora, visto el so patir, go pensà de canbiar... aria e go çercà 'n antro canpo indò seitar a catar sù chele erbete cossì bone.
Senpre in sto tenpo se fa védar i bruscànzoli: lori e i carleti i è 'na delizia in risoto o ne la fritaja e no l'è par gnente difìçile catarli in canpagna, anca se in sti ùltimi tenpi la concorenza l'è senpre pi granda e pare che tuti i cristiani i gabia inparà a conóssarli.
Ci no voléa far la fadiga de cuciarse a catar sù le erbe, 'na olta el podéa conprarle da le done che vegnéa da altri loghi. Da nantri, par esenpio, rivava in bicicleta de le done da Locara co un saco sul manubrio. Le desmontava da la bici, le descargava el saco e le vegnéa fin rento casa.
Le udava su la tola un bel mucio de pissacani e, cossì a ocio, le domandava i schei che ghe vegnéa. Le erbe le era bele nete parché, dopo èssar stà curà, le done le le metéa a lavar ne i albi de piera indò beéa le vache e cossì, te l'aqua corente, le se netava ben da la tera e da i altri potaci.
Ancò, sto tenpo l'è ancora ortolan, ma no 'l garantisse pi le so verdure! Soto le vigne l'è mèjo no narghe pi par via de i tratamenti chìmici che i ghe fa. Longo i fossi, pezo che nar de note, parché 'desso no i sega pi l'erba de le rive, ma i ghe buta el diserbante, siché tuto el verde el deventa gialo.
Zontémoghe el smog, altro regalo de i tenpi moderni, che quan' che no piove el conza da par lu la verdura, dàndoghe de i saori novi, ma toléndoghe tuto el biològico che la ga senpre avù.
Qualche ano fà se vedéa tanta zente nar a fonghi, a erbe, a spàrasi selvàdeghi, ma 'desso se ghe ne vede un fià manco, parché tuti ga soto ocio i tratamenti che i ghe fa ai pomari, ai perari, ai persegari, ai armelinari, insoma a tute le piante da fruto. Catar sù erbe soto ste piante vol dir farse 'na trasfusion de velen, parché la verdura la vien bagnà da sti prodoti e pensè al ben che fa magnarla, anca se la vien lavà!
Mi me ricordo che un dì, te 'na fameia de canpagna che me ga ospità, go assistìo a l'angonìa de un s-ciapo de ochi che gavéa magnà de l'erba soto ai pomari 'pena spianzà. El polame l'era scapà fora dal punaro e galine e faraone le era morte tute, i ochi no, parché i è pi grossi, ma i era lì che i çigava da far strénzare el cor.
Eco alora che 'na olta, l'ùnico inquinamento el podéa végnar forsi da chela siora che, cuciàndose, la imitava el Ciao (el motorin) o, se preferì, i disturbi de la radio. A le erbe no ghe vegnéa de çerto nessun dano e no gh'era perìcolo a magnàrsele in teja o in salata. Insoma, tuto era biològico, genuin e... gratis. Disighe poco!

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Aprile:

Editoriale
Leggi l'articolo Deventaremo minoranze?
No ghe xe dubi... se continuaremo a rinunciare, volontariamente, ai nostri pi grandi valori: religion, lingua, cultura...
de Mario Klein
 
Tradission pasquali
Leggi l'articolo Schizeta a tola
de Dinerio
 
Vita contadina de na volta
Leggi l'articolo Al tenpo del "fare canpanèa"
de Mario Galdiolo
 
Strade de Padova (in triestin)
Leggi l'articolo Ca' Lando: le dòdise casete
de Luigi Perini
 
Mestieri de na volta
Leggi l'articolo I nomi de i ponti de Venessia
de Armando Mondin
 
Da S. Bonifacio (VR)
Leggi l'articolo L'orto de tuti
de Enzo Coltro