Quatro Ciàcoe
Mensile de cultura e tradission vènete
de Antonio Corain

Da S.Stèfano de Zimela (VR)

A volèino fare i mecànici

Quatro Ciàcoe
La fornasa come che la xe ancó, morta come tanti òmeni che par stajon e stajon i gavéa laorà la tera par fare quarèi, copi, tavele e taveline.
A jera da poco finìa la guera e l'istà el brusava le strade che le jera piene de pólvare che bisognava che passasse el careto del Comune tirà da un vecio cavalo bolso e co' de sora 'na bóta piena de aqua che co' de i spianzini i spianzava parché a no se se inspolvarasse tuti.
Jera tenpo de vacanza e mi e me cusin Maurizio, no savendo cossa conbinare, a se ghemo messi in testa de fare calche laoreto par ciapare la mancia e narse a cronpare de i ciuci mori (liquorizia) o de le stracaganasse (castagne secche).
El primo laoro che ghemo deciso de fare l'è stà chelo del scarparo. Semo nà da me zia Romana e la ghemo convinta a farse métare le sóle ai zòcoli.
Ghemo messi i zòcoli sora un vecio coperton, ghe ghemo segnà la forma co' 'na pena e co' de le fòrbese tolte in casa a ghemo tajà fóra le sóle. A forza de smartelà a ghe ghemo piantà 'na bela brancà (manciata) de ciodi, solo che li ghemo messi tuti in mezzo e gnanca uno torno al bordo foravìa, cussì che me zia Romana, quando che a la se li ga proà, la se ga inbalzà (è inciampata) e la xe cascà longadistesa partera. La se ga cussita inrabià che inveze de pagarne el laoro la ne ga dà 'na bela passada de ossi.
Visto el tristo risultato de l'esperienza de scarparo a ghemo pensà de canbiare mestiere.
"Me popà el fa el mecànico in te la so oficina e el giusta cami (camion) e tratori; faremo anca noantri i mecànici!" el ga sentenzià me cusin Maurizio e sicomeché el jera pi vecio e anca pi forte de mi, a go democraticamente aderìo al so invito.
Semo nà a rumare (rovistare) in te i bussoloti de fero vecio de so popà che 'l jera me zio Gioani, e anca in te i bussoloti de fero vecio de Lino feraro che i lo ciamava cussita parché el ferava i cavài e anca el giustava le bicechete. A nàvino da lu anca par farse dare le scaje de carburo par far i s-ciochi, ma chesta chì la xe 'n'antra storia.
A la fine ghemo messo in fila tuta la ratatuja (raccolta di ferrivecchi) de atrezi che gavèino catà sù: scalpèi spontà, caciavide storti, vide, buloni, pinze e tanaje ruzenìe, fil de fero che se a te spunciavi a te ciapai el tèntene (tetano), lame de segheto co' pochi denti scancanà. Co' la nostra fantasìa a ne paréa de avere messo sù l'oficina de le Mile Milia... ma sentèino che ne mancava ancora calcossa.
"L'ojo, l'ojo par ònzare i mecanismi!" el ga zigà me cusin colpìo da inprovisa iluminazion. E cussita a semo nà in te la vecia fornasa che la jera ancora ferma dopo l'interuzion de la guera che la gavéa visto nare ia soldà o ai laori obligati da i todeschi tuti i so òmeni. Gira che te rigira, in te un canton de la vecia falegnamerìa a ghemo catà 'na lata co' drento del lìquido denso e moro come el calùzene (fuliggine). Me cusin el lo ga snasà e fasendo de sì co' la testa el ga sentenzià co' sicureza: "L'è ojo e anca de quel bon!"
La jera fata! 'Desso jèrino veramente de i mecànici pronti a scuminziare el laoro.
Par scurzare la strada a ghemo ciapà 'na stradela che la passava par la casa de 'na veciota che la se ciamava Argènide. A chei tenpi a no ghe jera gnente da robare e cussita porte e portoni i jera senpre verti e noantri tosi a passàino dapartuto, specialmente la sera quando che a zugàino a ciupascòndare (rimpiattino).
"'Ndo 'ndìo, tosi?" (dove andate, ragazzi) la ne ga domandà la veciota, che a pensarghe ben a chel tenpo magari la gavéa manco ani de mi 'desso, ma che 'lora a noantri la ne paréa che la gavesse l'età de l'Arena de Verona. A ghe ghemo spiegà tuto e ghe ghemo mostrà co orgolio el nostro ojo fin de prima qualità.
Sentìo tuto, la ne gà ciamà drento in casa e la ne ga dito de ònzarghe bel la so màchina da cusire che la se la tegnéa bela e bona come se la fusse de oro. Noantri a la ghemo ubidìa e dato che la jera la nostra prima cliente a no ghemo mia fato economìa de ojo.
"Brai, tosi, gavì fato un bel laoro. 'Desso no go gnente in casa, ma passè doman che a ve fazo un regaleto."
Fieri e contenti de aver ben scuminzià, a semo nà a casa e el dì dopo a semo nà da la siora Argènide par avere la nostra paga. Ghemo batù a la porta e la veciota la ga verto. 'Pena che la ne ga visto la xe deventà trista, la xe nà drento un secondo e la xe vignù fora co' 'na vìs-cia longa e grossa che la paréa na scuria (frusta) da cavài. Senza gnanca tirare el fià e senza domandarse tanti parché a se ghemo messi a córare che a no tocàino gnanca la tera che a no fasèino gnaca pólvare, inseguìi da la vecia inferocìa che la faséa fis-ciare la vìs-cia e la ne zigava drio tuti i pezo tìtoli e inproperi. Rivà in un posto sicuro, anca parché a chel tenpo lì a corèino de pi noantri de la veciota, a ghemo tirà el fià e dopo semo nà da me zio Giovani a contarghe tuto e a domandarghe el parché de 'sta tirada da mata.
Lu el ga verto la lata, el se ga bagnà el deo co el nostro ojo de prima qualità, el lo ga palpà ben e anca snasà e dopo el se ga messo a rìdare che par poco a no ghe vegnéa male.
"Tosi, par un tòco a xe ben che girè distante da la casa de l'Argènide" el ga dito me zio Gioani, sugàndose le làgrime co' la mànega de la tuta, "'sto chì a no l'è mia ojo, a l'è catrame e anca vecio e tachente (attaccaticcio) e cussita a ghe gavì inciodà e sassinà la màchina da cusire!".

[torna sopra]

 

Archivio
2019 18 17 16 15 14 13 12 11 10 9 8 7 6 5 4 3 2 1  
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Giugno:

Editoriale
Leggi l'articolo Salvemo i zóvani!
Se continua a 'vere na vision inconpleta e na idea sbalià de i zóvani: no i xe el futuro, ma el presente del mondo!
de Mario Klein
 
Memoria viva
Leggi l'articolo La fine amara de Lombardo della Seta
La casa a Padova dove che viveva la fameja della Seta. El scritore e umanista padovan xe deventà segretario del Petrarca. I ani de conpagnìa al Poeta a Arqua e a Padova. El grande sbalio fato contro i Carraresi
de Gigi Vasoin
 
Da Belun
Leggi l'articolo Le me pedonade
de Luigina Tavi
 
Da Ìsola Vicentina (VI)
Leggi l'articolo Nostalgìa che ricorda
de Gianni Fioretto
 
Da Verona
Leggi l'articolo La febre del "barachin"
"'Na quarantina de ani fà, al posto de quela de i telefonini e videofonini, scopiava l'epidemìa de i "barachini"
de Wanda Girardi Castellani
 
Da S.Stèfano de Zimela (VR)
Leggi l'articolo A volèino fare i mecànici
de Antonio Corain