Quatro Ciàcoe
Mensile de cultura e tradission vènete
de Angelo Padoan

Robe de Ciósa

I "morti"

Quatro Ciàcoe
"Altare de le aneme" ne la ciesa de S.Giacomo, dove, a la matina de ogni mèrcore se celebrèva (e se cèlebra anche ancùo) el "mèrcore de le àneme".
"Scalsi a le àneme" - "El mèrcore de le àneme" - "Le àneme del Purgatorio": sta parola "àneme" se sentiva ripètare spesso dal pòpolo de Ciósa fin ai primi del Novecento. El riferimento gera soratuto a le àneme de i morti in mare, perché de morti in mare se ne contèva tanti a quei tempi. A tal punto che ghe gera un modo de dire che, a propòsito del giorno de i morti, el dó de novembre, sonèva cossì: "Màlbia pescare el dì de i morti!" (= guai a pescare nel giorno dei morti!), perché se pensèva che a chi avesse trasgredìo sto "comandamento" ghe podeva capitare de tuto. A gera dopiamente "sacro" sto giorno a Ciósa: bisognèva prima de tuto rispetare le àneme de i morti, che reposèva in mare no andando a disturbarli pescando in chel giorno; e po' i pescaori, prima de partire per la campagna de pesca, i ghe prometèva ai sói: "Da i morti vegnimo a ca'", perché i morti gera una de le "scadense" fisse de ritorno da ste campagne in alto mare, lontan da casa.
La gera quasi 'na vera e propria devossion quela per i morti, tanto ze vero che i pescaori, quando che i tornèva a tera dopo èssare scampài a un perìcolo grosso, prima ancora de andare a casa a saludare fiòi e mugère, i andèva a pie descalsi a ringrassiare in simitero (distante press'a poco un chilòmetro dal centro de Ciósa) le àneme de i so morti per averli salvài da la morte. No solo, ma ogni mèrcore se celebrèva (e se cèlebra anche ancùo) el "mèrcore de le àneme", cioè in sto giorno, a la matina, ne la ciesa de S. Giacomo, davanti a l'altare che se ciama apunto "Altare de le Aneme", perché ze rapresentà, ai pie de la statua de S. Maria Madalena, le àneme del Purgatorio in mezo al fuogo (vedi foto), el prete dize la Messa de le àneme. E, ripeto, sta messa la se cèlebra anche ancùo, e ze spessialmente le done che continue a seguire sta tradission. Ma no solo: fin ai primi del Novesento per le cale sèrte poveréte al mèrcore girèva a domandare la carità, ripetendo: "Ze el mèrcore de le àneme, done! Fé la carità a sta poveréta!"
Ma ocore dire che intorno ai morti esisteva a Ciósa tuto un rituale. 'Na volta (se sa) se moriva in casa (pochi gera quei che moriva in ospeàle) e alora, prima che 'na persona passasse a l'altro mondo, el prete partiva da cièsa per portarghe a casa el viàtico e i ogi santi al moribondo. Sto fato interessèva tuta la cale, dove se trovèva la casa del moribondo: la zente vegniva avisà del fato al sóno de un campanelo scosso da un zagheto, seguìo dal prete che formèva 'na sorta de pìcola procession, co tanto de cota, stola e velo indosso e afiancà da altri dó zagheti che portèva i tòrsi (= ceri) impissà. Le done provedeva a pulire la cale, che 'na volta gera sempre sporca perché in mezo ghe passèva el "gàtolo" (cioè un scolo de aque nere a sielo vèrto che finiva in canale); se el passagio avegniva de sera, su i davansài de i balconi de tuta la cale se impissèva de i lumini, e diverse done ghe andèva drio al prete ressitando le litanìe de i santi.
Tuto questo per dire quanto sentìo gera el giorno de i morti e el fenomeno de la morte a Ciósa 'na volta, forse perché questa gera come un elemento integrante de la vita de tuta la popolassion.
La notissia de la morte de uno o de una se spandèva presto per tuta la cale e alora tuti andèva a fare vìsita al morto. E dopo scomissièva la végia col ricordo del defunto, mescolà co qualche "spuntin" inafià de vin, tanto per scaldarse o per far passare pi presto el tempo...
Adiritura la végia a un bambin morto la se trasformèva quasi in una festa, perché al bambin se ghe meteva in testa 'na sorta de corona (el "zogèlo") e a le spale do ale de carton come s'a fusse un anzoleto...
Anche la sepoltura gera diversa a seconda de la classe sociale: el sior gera sepelìo drento 'na cassa de legno, el povereto invesse a gera solo coverto da un ninsiòlo e dopo messo in te 'na bara provisoria; arivà al simitero, a vegniva cavà e sepelìo soto tera col so ninsiòlo.
El trasporto al simitero gera fato, per i povereti, col cailéto, 'na spessie de caretin spinto a man; pi tardi, per i siori, col caro tirà da un cavalo e ancora pi tardi da un caro motorizà e adobà a seconda de le disponibilità in schèi de i parenti (funerale de prima, de seconda e de tersa classe...).
Tornando ai morti, questi i se fazeva ricordare atraverso i "segni", primi fra tuti gera tute le fiamèle e i lumini impissài su la superfissie dal mare che i dizeva se vedesse la note de i morti. E, sempre nel segno del ricordo, el ricavato de la pesca - el "quartariòlo" - (la quarta parte) gera destinà a comprare l'ogio per tegnire impissà i ferài a le le tombe de i morti o per far selebrare messe.
Per concludere sto argomento, diremo che esisteva 'na volta a Ciósa la Confraternita del Pio Suffragio o de le Sante Aneme del Purgatorio: quei che gera iscriti i se trovèva davanti a l'altare, che prima ò nominà, per assìstare a la messa, per ressitare el Rosario e le cosidete "sènto rèquie", cioè la ripetission per sènto volte de la preghiera in latin, oviamente storpià, che scomissia co le parole: "Requiem aeternam, dona eis, Domine..."
Molto seguìo gera infine l'Otavario de i Morti, che consisteva nel lézare de le preghiere per i morti in latin e po' scoltare 'na prèdica durante tuta la setimana prima del giorno de i morti.
Tuto questo perché, come avemo dito prima, a Ciósa 'na volta vita e morte gera parte integrante del vìvare de òni giorno, quasi 'na "abitudine" e tuto serviva per tegnire i "contati" co quei che ormai gera passà al mondo de là.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro

Dal nùmaro de Novenbre:

Editoriale
Leggi l'articolo Servire la Patria
Tenpo de rievocazion e ricordi, privati e pùblici: el ricordo de i propri cari... el xe senpre preciso, quelo che riguarda avenimenti stòrici che ga canbià el mondo... el se porta drio interogativi che ne fa pensare
de Mario Klein
 
Curiosità linguìstiche
Leggi l'articolo Parole squasi conpagne
Ospitemo un dialeto diverso dal nostro, che ga parole che ghe someja a le nostre
de Milosc Voutcinitch
 
Lavori de na volta
Leggi l'articolo Storia de na mondina
de Mario Galdiolo
 
Tradission nostrane
Leggi l'articolo La festa de San Martin
de Daniele Marcuglia
 
Robe de Ciósa
Leggi l'articolo I "morti"
de Angelo Padoan
 
Da San Bonifacio (VR)
Leggi l'articolo I çento ani de Bepi Polidoro
de Enzo Coltro