Quatro Ciàcoe
Mensile de cultura e tradission vènete
de Antonio Corain

Da S.Stèfano de Zimela (VR)

Fumare

Quatro Ciàcoe
El tabaco a lo fumàino anca drento a de le pipete fate co 'l falso fruto de 'na rosa e inpiràndoghe 'na caneta de banbù come canelo.
'Desso a ghe xe la cacia al fumadore, che tra poco i ghe darà la multa anca se l'è là da lu solo sentà su la boca de l'Etna in eruzión che 'l manda sù nùvole more de zénare. Ma 'na 'olta i òmeni a i fumava tuti e nissuni i gavéa gnente da dire. In te le ostarìe a ghe jera le lanpadine da poche candele par sparagnare e de le 'olte no le se vedéa gnanca dal nebion de fumo che i mandava fóra i òmeni che ghe jera drento, e spezialmente de inverno quandoché a ghe jera porte e finestre sarà e anca la stua a legna inpizà che la nava.
I vecioti i fumava el sìgaro toscan che i naséa a cronpare in te la privativa de sale, tabacchi e valori bollati, indoeché a se vendéa anca el chinin de Stato par la malaria. Là i ciapava in man el pacheto de toscani intieri e i li snasava, i li palpava, i li faséa girare tra el deolon, l'ìndice e el medio, tegnéndoli vizin a la recia par sentire come che i s-ciocava. 'Na 'olta catà chelo che a ghe naséa ben, i se lo faséa tajare a mezavia co' 'na tajarina in oton, fata aposta par chel servizio, e mezo toscan i se lo metéa in te 'l scarselin del pancioto e mezo i lo lecava ben e dopo i se lo inpizzava co el fulminante, tirando de chele bocà de fumo che i paréa de i màntesi. E 'na 'olta che i jera rivà in fondo, no i butava mia ia la cica, ma i la mastegava comeché a femo noantri 'desso co' la cicamericana o ciùnga, comeché a ghe ciama calchedun. Penseve de che colore che jera i so denti e come che i jera i so spuaci, che se i cecava un gato i lo faséa seco!
Ma gh'in jera tanti che anca i tabacava el tabacco da fiuto, che 'l jera masenà fin come el borotalco e che i vendéa in te de le bustine, che dopo i lo passava in te le tabachiere che i tegnéa in te 'l scarselin. Ogni tando i gh'in metéa 'na presa un poco de sóra al deolon, co' la man sarà, e, strupando un buso del naso a la 'olta, i ghe dava un bel tiron par aspirare el tabaco drento, che dopo i ghe dava de chele straunade che bisognava starghe distante. E manco male che par supiarse el naso i gavéa de chei bei fazzoletoni grandi e co' disegni colorà de gialo o de rosso, che senò se i jera bianchi ve inmaginèo l'efeto!
Nantro modo de fumare el jera quelo co' la pipa che drento i ghe metéa el tabaco ciamà trinciato. I dise che un omo che fuma la pipa no 'l podarà mai fare del male a nissuni, no parché el sia bon, ma parché tra netarghe el fornelo e el canelo, scaricarla, caricarla, darghe zento tirà par inpizzarla, no ghe resta mia tanto tenpo lìbaro!
Ma la regina del fumare la jera e la resta la sigaretta. Le pi conossùe marche de sigarete del dopoguera le jera le Alfa, le Milit, le Africa, le Macedonia, le Nazionali, le Sax, le Tre Stelle (che le jera 'na s-cianta opià che se le fumava i tosi zóeni a le ghe faséa girare la testa). Sicomeché de schei a gh'in jera pochi le sigarete le se vendea anca siolte, do o tre a la 'olta, e el tabacaro el ghe le metéa in te 'na bustina de carta velina trasparente co' inzima la reclame de calcossa. I jera tanti chei che le sigarete i se le faséa luri co' le cartine e co' el tabaco trinciato forte che i lo meta in te na scatoleta aposta che in te la parte interna del cuèrciolo la gavéa 'n'astina co' 'na móla par tegnere ferme le cartine. I gavéa 'na tàtica tuta speciale par farse sù le sigarete che dopo averle sarà co' 'na bela lecada, i se la inpizzava e i se la gustava come se i stesse respirando l'aria fina inzima a 'na montagna piena de pini e de làresi. A ghe jera anca 'na machineta par fare ben le sigarete, che se doparava de le cartine za pronte fate a tubeto e che a la funzionava come 'na siringa da fare le punture. In tenpo de guera a jera fadiga catare el tabaco e cussita pitostoché stare senza a ghe jera ci che fumava le scorze de vegna, i fiori de camamila, le fojete tènare pi interne de i scartozzi de la polenta! Tegnù conto che le sigarete no le gavéa mia el filtro, se rancurava le ciche par ricuperare el tabaco (pien de nicotina e catrame!) e riciclarlo in altre sigarete o dopararlo co' la pipa. Fumare la jera roba da òmeni, e le jera póche le done che le lo faséa, e anca de scondon, par no farse védare e farse segnare de déo. 'Desso le robe se ga canbià e a xe pi le done che fuma che no i òmeni.
I veci i vorìa fermare el tenpo e tornare indrìo, mentreché i tosi no i vede l'ora che 'l tenpo el passa par deventare grandi e cussita, par darse arie da òmeni, ieri come ancò se fumava, solo che 'na 'olta el se faséa ben sconti e 'desso el se fa senza nissun problema.
Anca mi, come tuti i boce, a go fato 'sta esperienza. A se gavéino fato un baston co' in fondo un ciodo co' 'na bela ponta e cussita catàino sù le ciche senza farse védare e dopo a se fasèino su le sigaréte, doparando carta da giornale e anca quela blu che se incartava el zùcaro che quando che te la inpizzavi la fasea 'na fiama celeste che me pare ancora de vèdarla. El tabaco a lo fumàino anca drento a de le pipete fate cavàndoghe le somenze da drento el falso fruto de 'na rosa e inpiràndoghe 'na caneta de banbù come canelo.
Mi a go senpre fato finta de fumare, tirando in boca el fumo e dopo supiàndolo fóra senza respirarlo. 'Na olta però par sbalio a gh'in go respirà 'na bela snuvolà: a go scominzià a sborsegare, a straunare, a lagremare i oci come do fontanele e dopo la tera la ga scominzià a girare che a me so' butà in te 'l zèlese e che me tegnéa tacà ai quarèi parché a no savéa pi indoe che a jera e a me paréa de cascare in te in un pozzo senza fondo. E dopo a go butà sù anca l'ànima, che da chela 'olta, anca se a go vivesto in mezzo a fumadori che inpestava la càmara o l'ufìcio comeché la fusse 'na calcara, a no go pi messo in boca 'na sigareta gnanca par scherzo.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo La xe dura, ma speremo
Se volemo continuare nel lavoro de difesa de la nostra cultura e de le nostre tradizion, semo costreti a domandarve aiuto
de Mario Klein
 
Devossion popolare
Leggi l'articolo El libro de la vita
de Ugo Suman
 
Memoria viva
Leggi l'articolo I Papafava, ùltimi Carraresi
Le aventure corajose de me Papà che ga sercà el tesoro de i Carraresi. La so disponibilità de farme conóssare la storia de Padova. Mi go sercà de savere le orìgini de 'l nome Papafava
de Gigi Vasoin
 
Tradission nostrane
Leggi l'articolo El Panevin o Pìrola pàrola
de Daniele Marcuglia
 
Da Verona
Leggi l'articolo Giorgio Ferrante
nel Futurismo veronese e l'amicissia con Umberto Boccioni
de Wanda Girardi Castellani
 
Da S.Stèfano de Zimela (VR)
Leggi l'articolo Fumare
de Antonio Corain