Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

Có passava el vésco

Quatro Ciàcoe
Eco la piasseta davanti la cesa in festa, co le so bandierole. (foto G. Bellotto)
A chel tenpo, quando se védea qualcun de noantri tri tusiti (cioè fradèi) che 'l gera so on canton de 'a cusina serio, che 'l fifotava tirando sù col naso, eco che ghe vegnéa dito: "Ciò, cossa xe capità? Xe passà el vésco?" Opure: "Gheto ciapà na cresemada?" Questo voéa dire che el gavéa fato qualche marachèa pitosto seria e che magari el se gavéa ciapà da so mama on s-ciafon, on scufioto, come mèjo se vol dire. Sì, el gera queo proprio on modo de dire parché, par schersare co i tusiti, qualcun ghe diseva che quando rivava el vésco a cresemare el ghe gavarìa dà, par cresemarlo, na s-ciafa so na massèa. No sarìa stà robe da dire par scherso, ma ogni periodo ga i so deti e el so modo de schersare. Fato sta che, quando xe rivà el nostro turno, o mèjo el mio (parché a gera la prima nata de i tri, tanto che i me ciamava "la veciona", faséndome rabiare da mati), proprio a causa de sti discursi mi a spetava la venuta del vésco co na spece de tremarèa.
Ma andemo avanti col discorso. Có xe rivà l'ora de andare a cresemarme, son corsa a domandarghe, prima a la mama e dopo a le zie, cossa che ghe gera de vero so sta storia de la s-ciafa e quanto forte che la sarìa stà. Ma me mama, col so modo rassicurante che metéa a posto senpre tuto, fasendo 'ndar via le paure e regalàndone la chiete, la me gavéa dito de no pensarghe gnanca, che no gera vero gnente. Ma mi dopo, no contenta, eco che so' corsa da la zia a domandarghe el so parere e come che gera stà la so Crésema, zontàndoghe: "Ma alora ghe xea sì o no sta s-ciafa?" "Ma nò, ma nò -ga dito la zia- el vésco el te toca solo la massèa co du dìi, disendo no ricordo ben che paròe".
E cussì mi gera stà contenta anca se me restava senpre na spece de timore, de curiosità, ma lo spetava come na cosa bea, on avenimento tanto inportante. Intanto che se avicinava la data del dì de 'a Crésema, tuto el paese gera in confunsion. Partìa da casa i tusi pi grandi par métare a posto la piassa tirando via tuta l'erba co le vanghe e le baile par rassarla mèjo. I brocolava ben l'oraro che se catava lì in parte de 'a piassa in modo che tuto fusse a posto. Sì parché el nostro Don Angelo Pomaro, prete de alora, el scumissiava a métarne al corente de tute le robe da fare qualche mese prima e a dirne che l'arivo de Vésco par la Vìsita Pastoràe el sarìa stà na roba granda e inportante e che se dovéa fare anca noantri na bea figura siben che el paese gera picenin. Eco che alora i tusiti e le tosete se metéa a tajare carte colorate par fare le bandierole, che se incolava a on spago co na cola fata de aqua e farina bianca, che po' le se tacava de qua e de là de la piassa, partendo dal canpanìe. I tusi grandi, quei de vint'ani par capirse, i faséa par la strada de i archi co le rame de foje verdi catà in tel bosco e qualche sbareto de fiuri qua e là. Da parte de la strada, senpre dove rivava el Vésco se tacava via i avisi che diséa: "Viva el Vescovo!" o "Benvenuto al nostro Pastore!" Beh, a dire el vero có gera tuto pronto la gera na vision proprio comovente. E par mi che dovéa cresemarme ghe gera anca la preocupassion del vestito che però passava sùbito parché la mama diseva che 'l pi beo de tuti el sarìa stà queo bianco doparà par la prima Comunion.
Bastava solo provarlo e védare quanto in te chei anni mi gera cressù. Me ricordo che 'l me gera proprio streto e che sol fondo de le màneghe ghe ne mancava na spana par rivare al polso. E la longhessa? "L'è curto, mama, e anca streto, no lo vojo" brontolava mi sigotando. Ma ela la me sicurava che zontàndoghe na balsa in fondo e on polsin pi alto so le màneghe tuto sarìa sta rimedià. Par la larghessa ghe gera senpre el tocheto de le cusidure da smolare. Sì, la bravura de la mama e el so soriso pien de amore meteva a posto proprio tuto. E la Sàntola? Se ghe gavéa domandà a la Norma, na bona tosa che staseva soto a la colina che la gavéa acetà volentieri, disendo de no spetarse regài, ma noantri no i se spetava de serto. Se gera za continti che la gavesse acetà. Eco el Vésco e la Crésema. Eco el famoso momento quando el me gavéa posà sora la massèa l'ìndice e el medio co delicatessa, disendo arente al nome, dopo le altre paròe, chel "Pax tecum" che se gavéa tanto spetà. E la Crésema gera fata. In piassa ghe gera el bancheto de sagra che vendeva le colane de bussolà e i pevarini che i sàntoi ghe regalava ai tusiti cresemà, tacàndoi tacà al colo. Ma mi no me ricordo de aver 'vù sta colana. Me gavéa bastà aver la Sàntola par chel dì a magnare come òspite da noantri par sentirme proprio tanto contenta. Prima de magnare però la Sàntola la gavéa tirà fora, par regalarme, on libreto bianco e na coronsina. Che contentessa dentro al core me daseva chel regalo par mi tanto pressioso! Chel dì par mi el ghea on'aria de festa cussì inportante che me paréa de aver le ale. Eco la funsion del dopo mezodì, ancora na prèdica del vésco che 'l voéa saludare tuti i paesani, disendo le so inpression. Eco, dopo poco, la partenza del Vésco sora na màchina longa, scura e tuto el paese che faséa do ale al so passare. E le nostre care canpane, che sonava a distesa on segno in tersa, paréa che le se unisse ai nostri batiman disendo: "Viva el Vésco! Viva el Vésco!" In te l'aria coréa odore de chiete, de pace e le nostre coline pareva cantare amore al Creatore.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cara dona, te scrivo...
par dirte quelo che penso e che gnanca la mimosa de l'8 de marzo no la riussirà a farte savere che...
de Mario Klein
 
Sgiansi de sagessa antica
Leggi l'articolo Un pisnent fora s-ciapo
de Dinerio
 
Da i Coli Euganei
Leggi l'articolo Có passava el vésco
de Gemma Bellotto
 
"La Sguaratà" - Ciàcole adriote
Leggi l'articolo La se ciamava "fameia"
a cura de Romano Beltramini
 
Da Lendinara (RO)
Leggi l'articolo Giannetta Ugatti Roy
de Renato Scarpi
 
Da Verona
Leggi l'articolo Al mar fora stajon
de Giacinta Dall'Ora