Quatro Ciàcoe
Mensile de cultura e tradission vènete
de Wanda Girardi Castellani

Da Verona

Paolo Caliari, dito "el Veronese"
"L'è la... sentà sul scragno, in cao i giardini sospeso col dedrìo tuto da sanca come el gavesse un fià de mal de pansa o 'na çerta tension nel star sentado!

L'è la... sentà sul scrogno, in cao i giardini, sospeso col derìo tuto da sanca.
L'è la... sentà sul scrogno, in cao i giardini, sospeso col derìo tuto da sanca.
'Sti versi non propriamente rispetosi i m'è stà ispirà dal monumento scolpì nel 1888 da Romeo Cristiani su bosseto de Torquato De la Torre. A posar par la bela statua che rapresenta el famoso pitor Paolo Caliari l'è stado uno de i personagi più popolari de la Verona fine Otoçento: Luigi Scalabrini deto Romeo, stimado antiquario con esercissio in Sotoriva... celebre par i schersi che 'l se inventava, ma soratuto par la so grande generosità: un sior che ai schei ghe piaséa darghe aria!
L'èra conossù come "l'amigo de i spassacamini" parché l'ultimo de Carneval l'usava ofrirghe ai pori buteleti che se guadagnava la pagnoca netando i camini un pranso co' i fiochi.
Eco riportà da "L'Arena" del 1905 el menù: taiadele in brodo, manso co' i pearoni, polame co' le patate, formaio, cafè vin e fogassa. I tàoli, fati de asse montà su cavaleti, i vegnéa parecià soto i portegheti de l'atual Teatro Novo, soto quei de Sotoriva, in piasseta Pescheria e ne l'ostarìa Da Balin. Oltre che par i spassacamini, però, la generosa scarsela de Romeo la se verséa anca par un çentenar de poareti de la çità.
De 'sto Romeo Scalabrini, al qual el stòrico veronese Giuseppe Ragazzini ga dedicado in un so volume un gustosissimo sagio (Quela macia de Romeo) volemo serar la parèntesi zontàndoghe che nel lujo 1918, inviàndose in portantina a l'ospedal... cossiente che 'l suo l'era un andar sensa ritorno, l'à vossù passar par la via Nova e el Liston co i finestrini verti... e col capel in man l'à saludà a drita e a sanca:
"Ciao... ciao a tuti... vao a l'ospedal a farme ciavar!!!"
Eco in poche righe descrito el model al qual s'à ispirà Romeo Cristiani par el so Paolo Caliari.
La statua in prinçipio l'è stà messa davanti a la splèndida cesa de Santa Anastasia, capolavoro del gotico veronese, ma po' in seguito l'è stà trasferida al giardini de la Giarina a du passi da n'altra bela cesa veronese: S. Maria in organo, celebre par el coro e el candelabro, òpere de Fra Giovanni, tuti du lavoradi a tarsie de legni de tuti i colori e de tuto el mondo ('na maraveja che no' la ga gnente da invidiarghe a Bergamo Alta).
El nostro Paolo Caliari deto "el Veronese", simile a un "lupo de mar" brincado al timon su la prora de la so nave, se lo pol amirar in ponta ai giardini de la Giarina... coredà finalmente del so atresso da laoro: el penel!... sperando che questo el ghe dura, parché da più de un sècolo a 'sta parte, ogni volta che el Comune el ghe n'à fornido uno, i mostri (i buteleti)... un colpo co' un sasso, 'n altro co' 'na sfiondra i ghe l'à sempre sbatudo zo... e el poro Paolo, cusita, con el police e l'indice postà de la man destra (uda), più che un pitor l'è parso un prete drio darghe la supa ai so parochiani!
...con un brasso alsà e du déi postadi...
...con un brasso alsà e du déi postadi...

PAOLO VERONESE, al sècolo PAOLO CALIARI o CAGLIARI (Verona 1528 - Venezia 19 aprile 1588) l'è stà un pitor del Rinassimento e l'è deventà noto come "el Veronese" par via che 'l d'èra de orìgine anca se l'à speso bona parte de la so cariera a Venessia.
So papà Gabriele, el laorava la piera e proprio par questo l'era soranominà "Spezapreda" (spacapiera). Ma el nostro Paolo za nel 1541, a soli 13 ani, l'era a botega da Antonio Badile...
La so prima òpera l'è stà la pala "Bevilacqua-Lazise". Ne i ani vegnù dopo l'à laorà a Castelfranco par i Soranzo (1551) e par el Cardinal Ercole Gonzaga a Mantova (1552) par po' andar a Venessia a piturar el Palasso Ducale (1553), decorando anca el sofito de la Sala del Consiglio dei Dieci con 'na serie de tàole de sogeto mitologico e alegorico (do i è conservade al Louvre de Parigi). La famosa pinacoteca la espone pure "La cena de Emmaus" tra le cosidete "Cene" dal sogeto sacro contrassegnà da un straordinario acordo de luci e de colori.
Na pausa a Verona... po', via par sempre ne la çità lagunare dove l'à messo man anca nel sofito de la biblioteca Marciana. Come ò dito... a Venessia el ghè stado fin a la morte, pur acetando altri incarichi al de fora (vila Barbaro a Maser, pale par Padova, Verona e Vicenza).
Nel 1566 par la so çità natale l'à piturà la grandiosa pala de l'altar magior de san Giorgio in Braida: "El Martirio de San Giorgio" e, par la stessa cesa, "San Barnaba guarisse i malati" (Museo di belle arti, Rouen). Quel stesso 1566 l'avéa sposado Elena Badile, fiola de Antonio da la qual el ga 'vudo 'na brìgola de fiói. Tra 'sti qua, quei che più i à caminà su le so peste i è stà Gabriele e Carletto, dissépoli del Ligozzi. So devoto colaborador l'è stà pure el fradel Benedeto del qual l'à curado lu l'educassion artistica. Ma in quanto a dissépoli el ghe n'à 'vudo tanti specialmente de veronesi: el Zeloti, el Brusasorzi, so neodo Benfato, el Montemezzano, l'Aliprandi, el Varotari, el Canerio, el De Stefani e 'l Ligozzi...
Le òpere de Paolo Caliari, realisade in stile manierista venessian i è caraterisà da penelade colorade in maniera spetacolare. In quele più tarde come la "Lucrezia" del Kunsthistorisches de Vienna se intuisse za i segnài de 'na sensibilità luministica prebaroca. De la vasta òpera del Caliari ghè restà a Verona, tra le altre: in san Paolo (capela Marogna) 'na Madona fra i Santi e donatori e nel museo de Castelvecio se pol amirar quatro tele e tri afreschi. La deposission de Cristo, Madona e i Ss. Gio.Battista e Ludovico Vescovo. La famosa dama col cagneto, el ritrato de Pase Guarienti, 'na Gentildona, 'na dona a la balaustra e un butin sentà. Altri afreschi i vien da la so scola.
El Berenson l'elenca più de 300 òpere de Paolo Veronese sparse par tuto el mondo.
'Na sessantina i è a Venessia, Firense la ghe n'à trèdese, Milan diese... altri diese i è a Roma e po'... via: Torin, Padova, Napoli, Genova ecc. ecc.
Ma a l'èstero el più bel grupo de òpere del "Veronese" (25 tele) l'è a Vienna. Parigi el ghe n'à 20, Madrid e Londra 15, Dresda 12, New York, Filadenfia, Stoccarda. Dublino, Edimburgo, Berlino, Amsterdam, ecc.
In fine l'è esato dir che Paolo Caliari l'è stà un precursor del baroco. Sul so esempio, S. Ricci a l'inissio del Seteçento l'à svejà da i sòni la scola venessiana. e ghè andà drio parfin G.B. Tiepolo.
De Caliari è stà fedele dissépolo postumo el Delacroix e tra l'esèrcito de i amiradori anca el grande çézanne!
Sto grande pitor, a Verona se pol vederlo in ponta ai giardini de la Giarina, vissin al Teatro Romano e al Ponte Piera... con la facia seria de l'antiquario Luigi Scalabrini deto Romeo (che serio no l'è mai stà), sentà de traverso su una ciapa sola (come uno che 'l g'abia problemi a sentarse del tuto), con un brasso alsà e du déi postadi... se tra i du déi no ghè gnente no l'è che el sia drio far OK come i 'mericani... l'è solo che i ga butà zo el penel n'altra olta!

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Chi prima, chi dopo...
Se no se metemo in testa che tuto a sto mondo ga on principio e na fine, no saremo mai boni de 'bituarse a pensare a la morte. Senza sto pensiero, gavaremo senpre paura a vìvare
de Mario Klein
 
Devossion popolare
Leggi l'articolo El mese del ricordo
de Ugo Suman
 
Memorie de na sentenaria
Leggi l'articolo La cusina de la bisnona
de Luigi Frosi
 
Da Maran Lagunare (UD)
Leggi l'articolo La ceseta de San Domeni
de Maria Damonte
 
Da Adria (RO)
Leggi l'articolo La patata mericana
de Sergio Bedetti
 
Da Verona
Leggi l'articolo Paolo Caliari, dito "el Veronese"
"L'è la... sentà sul scragno, in cao i giardini sospeso col dedrìo tuto da sanca come el gavesse un fià de mal de pansa o 'na çerta tension nel star sentado!
de Wanda Girardi Castellani