Quatro Ciàcoe
Mensile de cultura e tradission vènete
de Marcello Lazzarin

Pagine desmentegà in dialeto de la Bassa

Nadale de na volta

Quatro Ciàcoe
Pensando al Nadale de na volta, ai tenpi de la me infansia, la mente se nega 'nte le sere d'inverno che no finìa mai, davanti al s-ciocare de la banpa del fogolaro, 'nte 'l silensio che sbochedava de le note de tramontana, a scoltare le speranze e le promesse de la gran fòla cristiana drio le pagine del Vangelo. Rumegando drio sti pensieri me paréa de solare so le ale de la fantasia, brancando a brazi verti tuti i zugàtoli che on poro toseto, fiolo de pora jente, podéa desiderare.
Questi jera i segnài del Nadale de chi tenpi: solo on prasepio poareto 'nt'on canton de la cusina, on prasepio fato de gnente, vestio de groste de mus-cio e zénare bianca, iluminà dal canfin tacà i travi mori del solaro, tegnù in viva da la luce tremolante de tri mòcoli de candela. Mile stelete de jazo incastrà su i veri sgangarà de la finestra i ghe daséa on'inpronta de zielo a la carta da zùcaro incolà sol muro pien de mufa. Na sbrancà de pore statuete de gesso somenà in mezo al gran tapeto de mus-cio metéa in mostra la miseria tegnosa e i sacrifizi fati par conprarle co' le poche lire de la mancia de me nona.
Senza montarme la testa a go inparà da toseto a védare 'nte 'l me gnente l'infinito co i oci incantà dal sentimento e da la fantasia. El me Nadale el jera tuto chì, ma mi a jera contento cofà na Pascoa.
Fiumi de parole xe stà scrito sol Nadale. Adesso zercaremo de no zontarghe gnanca na gioza de acoa a sto fiume in piena e ghe naremo drio solo al trodo de i ricordi: far vegnere a gala zerti argominti par fare pensare e anca par ciapare cossienza de zerte pagine desmentegà de sta festa che ogni ano imaga e porta via persone e popoli intieri drio sto 'venimento che ga segnà la storia.
Nadale de i ani '40. Ricordi quasi del tuto sofegà da la nibia del tenpo, ma ancora vivi in medo a le ràpole de la memoria, scarmenà drento i 'venimenti de chi ani: la paura de la guera, la batalia col destin che podéa tajarte le ganbe da on momento a l'altro, sacrifizi e miseria 'nte ogni fameja. Par tuti sti motivi credo de ricordare che la nostra relijon la gavéa on'inpronta diversa rispeto al dì de oncò; se faséa del ben senza spetarse gnente in canbio, se pregava de pi, magari solo par i bisogni corporali, ma se tratava senpre de inplorazion par salvarse l'ànema.
Quali jérili i spentoni che a chi tenpi ne butava drento 'nte l'aria natalizia, anca se no ghe jera i mezi d'informazion de adesso, che te tenpesta 'l zarvelo dapartuto? El nostro mondo de tusiti de chel tenpo no naséa gnanca de là de la passaja de l'orto: solo casa, scola e cesa. El tenpo e le distanze se misurava a piè e quando che se jera fortunà, co la bicecreta. L'aria natalizia e la voja de novità de sta gran ricorenza sbociava fora tra i muri de casa, da i discursi de le done, dal filò che se faséa tute le sere de la stajon freda in stala; e po' se continuava a scola co' la maestra con disegni e retaji de carta incolorìa, co' la preparazion de la letarina de auguri da métare soto el piato del popà; ma le robe pi 'nportanti se faséa in cesa co' la novena natalizia, la preparazion del prasepio e tuto quelo che ghe naséa drio par infornire i altari come Dio comanda par l'ocasion.
De regài natalizi da fare o da ciapare, de Gesù Banbin despensadore de doni no ghe jera gnanca l'insegna. Da tegner conto che tuta la storia dei regài xe senpre stà misurà so le possibilità de la faméja; difati ai me tenpi ghe jera la Befana de i siuri e quela dei poareti, la nostra, che portava solo pumeti de àlbara, carobe ciucià e qualche mandarin. Tuto dipendéa dal taculin de la fameja e lì cascava senpre l'àseno. La spesa de la roba da magnare de prima necessità se faséa par comodità dal casolin zercaton e solo rare volte a l'ano se naséa 'nte le boteghe del centro, ma se preferìa el marcà in piaza dove che se podéa anca conprare roba de vestiario e scarpame. Par el resto se rangiàvino co' quelo che se gavéa in casa e che vegnéa fora da i canpi, da la stala, dal punaro e da la corte; guai a sprecare calcossa e no se butava via quasi gnente. De solito el primo nato de na fameja numarosa el jera bastanza fortunà parché 'l podéa gòdarse 'l lusso de portare par primo braghe e bluse nove che in sèghito vegnéa regolarmente passà ai fradèi pi pìcoli par el canbiamento de taja. Scarpe e sgiàvare no deventava mai pìcole parché ghe jera senpre piè adati a la so misura.
'Nte 'l nostro anbiente el discorso su i regài natalizi jera inesistente e quasi proibìo; no jera gnancora rivà l'usanza de l'àlbaro de Nadale e manco 'ncora se parlava de Babbo Natale, né de Gesù Banbin despensadore de regài tra la jente de fameja, né se vedéa drio le strade del centro luminarie che te inpinava la vista e stele comete da la coa longa. Insisto col dire che se tratava d'on Nadale poareto, par gnente esagerato, senza la voja de métarse in bela mostra, ma pien de significati: amore par la fameja, voja de jutarse e de stare insieme e, in fin de i cunti, la messa in pratica de i valori che la relijon ne insegnava.
Uno de i aspeti pi spetacolari e anca poetici de la nostra tradizion natalizia, oncora mantegnù in zerte nostre contrà magari 'nte na forma poareta, jera la canta de la stéla. Pochi giorni prima de Nadale s-ciapi de tusi e giuinoti girava co' na stela de legno e carta incolorìa, tignù viva a l'interno da on ciareto e incanbrà in zima a on palo. I se spostava de sera, dopo zena, da na casa a l'altra fin a note fonda, cantando de le arie ispirà ai misteri de la Note Santa. Qualche volta el motivo de la "stéla" jera sonà da vere e proprie bande de otuni che conpagnava 'l canto. Sti anbassiaturi noturni del messagio natalizio i ciapava come mancia da le parone de casa qualche sbrancà de farina zala, quando che le jera de bona anca na sèssola o quartarolo.
Ma el momento pi belo de le nostre emozion spuntava fora la note de la Befana che ne tegnéa sveji squasi fin matina fra ansie e paure gnanca da menzonare: spetare a brazi verti che rivasse la Befana 'nte 'l core de la note co' la musseta carga de regài, pareciare par la bestia na bela sbrancà de fen vizin al fogolaro, na scudela de cafelate caldo par la Veceta par tirarse suso da la fadiga de tuto chel girovagare. E po' la sorpresa de la matina, co' le calze longhe che pingolava dal camin, gunfie de caròbole, stracaganasse, mandarini e qualche castelon; a la fine la gran delusion de no' catare mai on zugàtolo vero, de quei che gavìvino senpre sognà inutilmente.
Al dì de oncò na distanza smisurà ne tien fora da chel mondo de na volta che inveze xe tanto vizin par quei che, come noaltri, xe stà testimoni e i vurìa conservare la memoria de le nostre tradizion cristiane e popolari. Mi a son convinto che spolvarare zerti valori de la nostra cultura contadina che va a brazeto co' la fede cristiana, sia la vera bondanza del Nadale de na volta.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Somenar Nadale
Un sogno, che forse no se realizarà mai, ma nissun ne inpedisse de provare, come insegna l'esperienza de i nostri contadini, professionisti de la tera
de Mario Klein
 
Pagine desmentegà in dialeto de la Bassa
Leggi l'articolo Nadale de na volta
de Marcello Lazzarin
 
Da Belun
Leggi l'articolo An novo pont su la Piave
de Luigina Tavi
 
Dal Basso Piave (VE)
Leggi l'articolo Dario Dall'Antonia
Onori al canpion
de Guido de Nobili
 
El raconto del mese in visentin
Leggi l'articolo Nadale in corte
de Antonio Maraschin
 
Da Verona
Leggi l'articolo Come una de vint'ani
de Giacinta Dall'Ora