Quatro Ciàcoe
Mensile de cultura e tradission vènete
de Luigi Frosi

Un masseto de mimosa

Done de na volta

Statua de la Beata Elena Enselmini, colocà ne l'edìcola sol tìnpano de faciata del Santuario de l'Arcella. (Silvio Bertocco, 1893 ca.)
Statua de la Beata Elena Enselmini, colocà ne l'edìcola sol tìnpano de faciata del Santuario de l'Arcella. (Silvio Bertocco, 1893 ca.)
Semo nel mese de marso, mese dedicà a le done. Alora mi penso: "Parcossa no ricordare tute chele done che ne la storia no ga mai 'vùo un ramento de mimosa, solo parché al so tenpo no jera moderno?" Me vien in mente tute che le done che, drìo a un "grande uomo", le xe stà quele che lo ga sostegnùo, che lo ga incorajà a fare, che, in silenzio, le ghe dava la forsa de èssare "grande".
Basta pensare come drìo a Costantino, grande imperatore, ghe fusse so mama Elena; drio a San Benedetto, ghe fusse santa Scolastica; drio a San Francesco, santa Chiara e cussì tanti e tante altre. Forse pochi padovani sa che anca Sant'Antonio el gheva na creatura, la Beata Elena Enselmini, malà assè, che donava le so soferense, parché el nostro Santo el fusse el "grande Santo" che 'l xe stà.
No' vojo contarve la vita e la storia de la conservassion del corpo de sta beata, parché ghi ne ga za parlà tanti altri, ma vojo far savere che nel novenbre de l'ano passà, a l'Arcella (dove xe conservà el so corpo) se ga ricordà i 800 ani da la nàssita de sta Beata. Par l'ocasion xe stà presentà quelo che, co' i laori fati in cesa par l'Ano Santo (el 2000), xe saltà fora scavando soto al pavimento de la Celeta, dove se dise che sia morto Sant'Antonio, tuto convaidà da i studi del professor Leopoldo Saracini, architeto e diretore de i lavori. Intanto xe stà confermà che el "Monastero di S. Maria de' Cella" el xe stà el primo monastero francescan de Padova, intitolà a la Madona come tute le prime fondassion francescane de alora e che 'l sia stà fondà personalmente da San Francesco de passajo da ste parte, tornando da la Terra Santa. Jera el 1220 e su sto posto, puareto e ùmile, jera stà fate do pìcole costrussion vissine, una par le "povere dame", done che gheva deciso de vìvare el Vangelo come insegnava S. Francesco e S. Chiara, e st'altro par i frati minori che i gestiva la ceseta e i 'ndava a carità par la sità, dividendo le 'lemòsine co le suorete del secondo ordine.
In te sto posto ga vissù le figure e i personaji francescani pi inportanti de Padova: la Beata Elena Enselmini, el Beato Luca Belludi e Antonio, el "Santo", rivà a Padova nel 1227, dopo èssare stà nominà Ministro Provinciale. Xe stà proprio qua che 'l Santo ga conossesto la Beata Elena, deventando el so diretore spirituale: la suoreta la jera malà e costretta a stare su un "leto". Fra i do xe nata na santa amicissia spirituale: Sant'Antonio el dava a la eroica mónega l'aiuto del so consilio e Elena, in canbio, al so Padre Spirituale, la dava el mèrito de le so soferense, deventando anca ela missionaria de Amore.
Poco tenpo dopo la morte de Sant'Antonio (el 13 giugno del 1231, proprio a l'Arcella, ne la Celeta conservà nel nostro Santuario) Elena, ridota oramài a un cadàvare vivente, no la riussiva pi né a magnare né a bévare, pi bona de parlare e ceca, a soli 24 ani de età la ga reso l'ànima a Dio, finendo de patire. Come par Sant'Antonio, el popolo ga vudo na gran devossion par sta suoreta, considerà Santa al pari de S. Chiara, deventando conpatrona de la nostra sità insieme a S. Prosdocimo, S. Giustina e S. Antonio; tanto xe vero che, ne l'altare del Batistero del Domo (vossùo da Fina Buzzaccarini, nobildona padovana) se trova la Beata Elena insieme a st'altri santi patroni, nel "polittico" piturà da Giusto de' Menabuoi. El Comune de Padova el ghe tigneva tanto a sta Santa che, tegnendo soto a la so protession sto convento, lo ga fato ricostruire nel 1275-78 parché ste suorete le continuasse a pregare par Padova e par la so popolassion.
Nel 1405 el monastero vien meso distruto da i Venessiani che gheva conquistà Padova e po', a la fine del stesso secolo (1494-95) el xe 'ndà a remengo par colpa de un incendio. La devossion popolare però, grassie a le 'lemòsine de la zente, ga fato risorgere i fabricati del convento fin che, nel 1509, l'inperatore Massimiliano d'Asburgo assediava la sità de Padova e el destinava el monastero come riparo par i so soldài. In chel tenpo ghe jera la peste e cussì i todeschi xe scanpà e el convento el jera deventà el "lazzaretto" par i apestài; questo ga dà senso al ritrovamento, vissin al canpanile, de na busona piena de ossi, forse la fossa comune dove vigneva sepeìi i morti de la peste. El monastero el vien distruto del tuto tra el 1517 e el 1520 quando, par avere libero tuto el circondario de la sità, vien realizà el famoso "Guasto" par poder védare da che parte rivava el nemico. Le suorete, ciapà tute le so strasse e anca el corpo de la Beata Elena, le se xe trasferìe drento le mure de la sità, ne l'ex Monastero de i Armeni in Borgo Ognissanti, restando là par squasi tre sècoli, fin che Napoleone no ga sopresso tuti i ordini relgiosi. El corpo de la Santa, alora, el xe destinà dal Vescovo de Padova a èssare conservà ne la cesa de S. Sofia dove che 'l xe restà fin al 1957 quando che 'l xe tornà, se spera par senpre, nel Santuario de l'Arcella che lo ospita co onore e devossion. Eco che l'ano passà la parochia ga volesto festejare sta ricorensa, par i 800 ani da la nàssita de la Beata e par ricordare i 50 ani dal ritorno nel so monastero che la ga vista a fianco del Santo par farlo "Grande Patrono" ne i sècoli.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo L'onbra de la dona
Ormai ghe semo: ritorna puntualmente la FESTA DE LA DONA, la data de l'8 marzo, na ricorenza che ga perso el so significato originale. Se domandemo, a sto punto: "Xela na festa par la Dona o par la so onbra?"
de Mario Klein
 
Ricorensa
Leggi l'articolo Ventisinque ani insieme: 1983-2008
Vènare 15 febraro 2008, al Teatro Verdi de Padova, serata de Gran Gala, co la partecipassion de autorità, el teatro de Bruno Capovilla e tanta, tanta sinpatìa par sto nostro mensile che, non solo no l'inquina la mente, ma adiritura el svèntola nel mondo la bandiera de l'identità vèneta
de Mario Galdiolo
 
Un masseto de mimosa
Leggi l'articolo Done de na volta
de Luigi Frosi
 
Da i Coli Euganei
Leggi l'articolo Létara de primavera
de Gemma Bellotto
 
"La Sguaratà" - Ciàcoe adriote
Leggi l'articolo Tenpo de diriti e tenpo de doveri
a cura de Romano Beltramini
 
Incontrar un poeta (in veronese)
Leggi l'articolo Wanda Girardi Castellani
na poetessa speciale
de Lucia Cozzolino Masotto