Quatro Ciàcoe
Mensile de cultura e tradission vènete
de Fernando Boaretto

Le storie de Nando

Doreta de Ponte

Gente de Pontelongo in via Roma, in te na foto de i ani í20.
Gente de Pontelongo in via Roma, in te na foto de i ani í20.
Doreta, ani quatòrdese, la stava a Teranova, a do passi da la cesa de S. Geminian, ma essendo stà assunta a la fabrica de sùcaro, dita de i Montesi (ani prima la xera de na dita belga) tuti i dì a l'alba, la se incrosava so l'altra strada de Coressola e, fato on sentenaro de metri, la rivava a le casete dite "poarete" dove la spetava la siora Marisa co so fiola, e coà, ciapà íl stradon de Vila del Bosco, co on vecio birocio, dopo sincoe minuti, le xera a Pontelongo .
Doreta, la xera stà messa al reparto manco fadigoso, cioè coelo de controlare i sachi de juta pi magagnà e scartarli, passàndoli a íníaltro reparto, dove ghe laorava Remigio, on toso che stava a poca distansa da la casa de Doreta, e che a fine laoro i se íncrosava a dirse do ciàcoe, e dopo zo a casa, che altri laori spetava i so brassi. Co íl passare de íl tenpo, Doreta la se gavéa fato na tosa bela e sinpàtica, e no mancava i tosi che par strada i ghe sigava:
"Bionda! Xe stà to mama a farte cussì de slanguore?"
Doreta la ridéa de gusto e a la sera la ghe contava tuto a Remigio, co íl toso che se íncanava de bruto, e alora Doreta, la lo strucava forte al core, diséndoghe pian:
"Remigio, toso mio, solo a ti afiderò íl me core, par tuta la vita!"
Xera passà on bel tòco de tenpo, co la storia de Remigio e Doreta che, so promessa de so mama, Idelma, íl toso gavéa sentenzià che la gavarìa portà a líaltare apena mucià na s-cianta de schei; ma, de fato, Remigio, íl laoro no ghe piaséa e pi de coalche volta íl se gavéa butà malà, fintanto íl xe stà visto a Dolfina, na pìcola frassion de Martinele, scoasi a le porte de Cavarsare. La verità xera che íl toso el gavéa trovà on sbandà, sensa casa né fameja, e de bruto sto coà, lo gavea ínzucà co laori non del tuto ciari, ma reditissi, e par farse crédare, íl ghe gavéa mostrà on ròdolo de schei, fruto de líùltima bravada .
Cussì, Remigio, do dì líandava a laorare, altri íl se dava malà o íl tirava fora altre scuse, fintanto la diression de íl sucarificio ghe ga dà íl benservìo, cussì, có Doreta xe vegnù a saverlo, la ghe ga fato na pantomina, al punto che co le lagreme ai oci, tuto de on fià la ghe ga dito:
"Mi, go bisogno de na man salda, no de on marìo sensa arte né parte!"
Anca ne la fabrica le robe no le índava puìto parché, essendo ne íl 1914, se gavéa ínciodà íl perìcolo de na guera e i servissi i xera carenti, come xera fiapa la dimanda de le conpravendite, tanto che la stessa diression de íl sucarificio se ga legitimà de lassare so la strada na quarantina de operài.
Remigio, dopo la scoasi barufa co Doreta, no íl se gavéa pi fato védare, tanto che so mama la ghe brontolava drio:
"Daghe on tajo, tosa mia! La vita la xe dura cussì, figurémose co on pelandron!"
Ma Doreta, la xera íngnocà de Remigio, no par gninte pi de na so amiga lo tirava in balo, faséndoghe íl rabeghin in core suo; cussì, de scondon la se trovava dopo le funsion in te la cesa de Coressola, e pi volte, no sensa ciaparse on scufioto da so mama, Doreta, diséndoghe de índare a le funsion co le amighe, la se faséa a pié la strada che da Coressola la portava a Brenta d'Abà, e tacà al cason sbandonà, la se desperava co Remigio; la lo suplicava de métarse so la bona via, la se ínsenociava in làgreme spacàndose íl core de tormenti, e col toso che ghe prometeva mari e monti.
Pareva davero che Remigio íl gavesse fato tesoro de le parole de Doreta, parché íl se gavéa trovà a fare íl stalon a Dolfina, da on sioroto, che tra l'altro, íl ghe gavéa anticipà on fià de schei, ma la verità xera che Remigio, co coel laoro, íl scondéa de le malafate, tanto xe vero che ne i paesi tacà, da on tòco la zente denunciava ai carbinieri furti in continuassion.
El dì de l'Assunta, dopo la granda procession so le stradele e fin so la passerela so íl Bachilion, Doreta e Remigio, no sensa sentire a le spale i brontolamenti de la Imelda, i se ga slongà drio l'àrsare de porto Peroco, e dopo, vanti íncora fin a pèrdarse ne i canpi dove xera alto íl formenton.
De drio on covon de paja, Doreta e Remigio butà par tera, i vardava íl celo, co seleghete e rondinoti che lo tajava con svoli a uso de ricamo, e na bavesela de vento faséa sbassare pian le trece de on sàlise.
Doreta la ínsistéa che Remigio ghe contasse del so laoro, e el toso se sbotonava a contarghe che íl so paron íl xera contento de lu, e che a fine setimana el ghe slongava na mancia; e cussì disendo, Remigio íl ga tirà fora da la scarsela on mucio de schei... Alora, la tosa lo basava e strucava, mentre Remigio se dava na aria de vero paronsin che sa cossa fare e come ínbonire ben le tose íngenue!
A Cantarana, Conca d'Albero e altri paeseti tacà, i contadini gavéa íl so bel dafare a denunciare a i carbinieri furti de vedèi e altro, e sti coà savéa che i xera de na banda specializà, ma anca in ganba, tanto che no i riussiva a trovarghe íl cao, anca se secondo el so ragionamento, la banda dovéa avere on magasin ben sconto ne le vissinanse. Verso sera, dopo basi e caresse, Remigio, in zenocio davanti a Doreta, ghe ga fato la promessa de sposarla apena possìbile, e la tosa par la contentessa, lo ga lavà de basi, tornando a casa cantando de gusto.
Na doménega, íl pàroco de la cesa de Pontelongo, don Celio, sensa fare nomi el ga contà ai fedeli che a Codevigo ghe xera stà na sparatoria tra banditi e carbinieri dopo on tentativo de robare del bestiame, e che ne sto scontro de sicuro xera resta ferìo on bandito e che ídesso i lo sercava ne i dintorni. Verso sera, senpre ne la stessa doménega, Doreta, dopo disnà la ga vossùo fare na passegiata portàndose verso on posto, dito "el bosco" in coanto ghe xera racoanti àlbari, na canaleta, siepi de more e trosi che portava so i canpi, e coà, la se ga sentìo ciamare: na vosse che la ga subito riconossùa: coela de Remigio. Soto on plàtano, Remigio xera in te na posission cofà on gato có pìsola, e se lamentava, tanto che Doreta, ga tentà de farlo alsare, ma íl toso ga tirà on sigo. Alora, Doreta, se ga íncorto che íl perdéa sangue da on fianco, che íl so toso no gavéa fià de parlare, ma che sforsàndose íl ghe ga dito:
"Tosa mia, la xe finìa! La rapina xe índà male e ídesso so drio morire; ma prima lassa che te diga che te amarò par senpre." Cussì disendo, íl ga sarà i oci, soridendo...

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale de Mario Klein
Leggi l'articolo Bastarìa on grazie
Se ga perso quasi conpletamente la bona usanza de ringraziare e de mostrare gratitudine verso chi te ga dà la vita, te dà na parola, on aiuto, on gesto o te fa on piazere
de Mario Klein
 
Devossion popolare
Leggi l'articolo El prefisso del Paradiso
de Ugo Suman
 
Le storie de Nando
Leggi l'articolo Doreta de Ponte
de Fernando Boaretto
 
Da Maran Lagunare (UD)
Leggi l'articolo Giovanin de Grào
de Bruno Rossetto Doria
 
Proverbi comentài in venessian
Leggi l'articolo Có no se fa la seconda...
de Gianfranco Pontini
 
Ultimi dì de guera al me paese
Leggi l'articolo Quel che no se lezarà mai te i libri de storia
de Enzo Coltro