Quatro Ciàcoe
Mensile de cultura e tradission vènete
de Giacinta Dall’Ora

Da Verona

Crònaca condominiale

Dime la verità: eto catà el portonsin del condominio verto?
Dime la verità: eto catà el portonsin del condominio verto?
Prima de partir par le ferie l’è mejo che vaga a catar la me amiga. ’Pena me presento su la porta, prima de saludarme, la me domanda de bruto: "Dime la verità: eto catà el portonsin del condominio verto?"
"Come feto a saverlo?" ghe rispondo mi.
"Parché l’è senpre cosita qua dentro, a la gente ghe ven zo el sangue dal naso a serar la porta. E mi son sgionfa de dìrghelo a l’amninistrator e de tacar befel dapartuto."
"E mi che credéa che i fusse pensieri ispirè de personagi famosi che i è passè da casa tua!" salto fora mi par schersar, sperando che la se moa e la le moca de tegnerme lì in pié come na pita in mezo a la corente.
"Dài, vegni dentro" la me dise a la fine, "sèntete zo che ne beemo un cafè in santa pace e te conto ’sa è sucesso."
Anca se me imàgino za che perdarò tuta la matina e sarò intrigà a métar i piati in tola par le do, me sento sul primo sgabel che càpita, ben disposta a ’scoltarla parché me bruso da la curiosità.
"Donca" la taca ela "inte ogni condominio che se rispeta ghè un regolamento da osservar. Anca qua, curto ma ciaro, con tre-quatro disposissioni che no ghe saréa gnanca bisogno de scrìvar parchè i è regole de bona creansa. Ben, la seto l’ùltima? Ghè un inquilin che no ’l sera mai el porton che dà su la strada. Ghè el vento e da l’entrata ven dentro foje seche; pióe e se inbónbega el tapeto e ogni dì me cato davanti moreti che vende nissói, sugamani o struse ben ricurè soto le lesene... insoma no se se salva più. Mi, stufa agra, me son lamentà con l’aministrator e go fato convocar n’assenbléea straordinaria."
"Ma" ghe domando mi, "no elo mia to marì l’aministrator?"
"Sì, bela, e l’è propio par quela che mi trìbulo a darghe na drita a sto condominio" la me risponde ela che, come ogni ’olta che la parla del so omo, la se insusta. "Alora, se riunisse i ‘condòmini’, naturalmente qua, a casa mia (cosita m’è tocà anca far i mestieri), mi me lamento par la porta senpre verta par colpa del ‘single’ del monolocale del piano tera; digo che voléa farghe osservassion, ma che me son trategnùa parché l’è un bestion de omo che par végner dentro el ga da sbassar la testa e da métarse de sbiego, e ‘invito formalmente l’amministratore a prendere i provvedimenti del caso’."
"Cioè?" Ghe domando mi.
"A dìrghelo lu al buteloto che bison serar la porta quando se va e se ven" la me risponde ela càndida come un àngelo del Paradiso.
"E el to omo ghe l’alo dito?" insisto mi.
"Sicuro, anca se lu no l’à capìo gnente. E dopo che el l’à reciamà, l’à convocà n’altra assenblea ‘per riferire l’èsito del suo intervento a tutti i condòmini e per informarli di intollerabili fatti accaduti nel frattempo’" la sentensia ela, po’ la tase, la se gusta el cafè e mi ’ntanto friso.
"Vuto tegnerme ancora un pèsso su le spine?" me informo mi, che la coparéa quando la tase (ma spesso anca quando la parla).
"Cara" la me cria ela, "un àtimo de passiensa! No te volarè mia che me stràngola, era? Alora, davanti a tuti i propietari, el me omo l’à contà che el butel in question el ga na bruta malatìa. Ghe l’à dito so mama, che la ga anca racomandà de far muci, par via de la ‘privacy’."
"Elo sordo?" ghe domando mi.
"Pezo" la me risponde ela. "Pensa che l’è pien de manìe, conpresa quela de no tocar gnente che possa anca solo èssar stà sfiorà da i altri, parchè senò el se ‘contàmina’ e perciò, quando el va fora, el se verze el portonsin con el boton da dentro casa sua e po’ el le lassa verto par no tocar la manilia, parchè la podarea èssar infetà. Stessa solfa quando el ven de ’olta: el infila la ciave aiutàndose con un fassoletin de carta e dopo el spalanca el portonsin doparando el pié, imunizà da la scarpa. Seto come el fa a inpissar la luce de le scale quando el rientra che ghè scuro? Co ’l gonbio, sterilizà da camisa e giacheta."
"Par quela el portonsin l’era verto quando son rivà, ansi ghera spalanchè tute do le ante. No ghe le falo più a passar de sbiego? S’alo ingrassà?" la interonpo mi che voi nàrghene in fondo.
"Nò, ghè tuto verto fora parchè so mama l’è drio far sanmartin, da par ela, pora dona, parché lu i l’à za traslocà a Marsana. Ma ancò ghè in bal ’n altro sanmartin, dal monolocale ’pena dentro dal porton" la me spiega ela e la seita. "Donca, dopo quela del butel, l’aministrator el taca a riferir su i ‘fatti intollerabili’ e cioè che al vènardi e al sabo de note, quando so fiol (che l’è anca me fiol) el ven de ’olta da la morosa, el cata sì el portonsin serà, ma dentro ghè senpre un omo che spassesa par el coridoio a testa bassa, nervoso come un bisso e, soratuto, no l’è mai el stesso omo. Nostro fiol na note el se ferma sul porton, el se inpissa la sigareta e l’è invià a fumar quando el vede vèrzarse la porta de l’apartamentin, vegner fora uno e, asvelto come un spiansiso, nar dentro quel che spetàa, ma ’ntanto ghe ne riva ’n altro e via... con sto mengo. ’Nsoma fin che me fiol l’à fumà tre sigarete, è nà dentro e fora quatro òmeni. Alora mi, visto che me marì l’è l’aministrator, ò ritegnùo, come mojer, de èssar la so vice e me son data na mossa, scominsiando a portar zo le sgauje solo dopo mezanote par controlar el tràfico e, par rispetar la racolta diferensià, ò fato anca i giri diferensiè (100 scalini a giro): ùmido, carta, latine, plàstica, vero... No go mai avùo così destrigà soto ’l seciar. A la fine de ogni viajo vedéa na facia noa in fondo a le scale, ma ’ntanto mi era derenà da sentenara de scalini inte le ganbe e un fiantin spaentà da tuti quei mas-ci e alora ò canbià tàtica: me son messa a spiar da la finestra, sconta dedrìo ai scuri incrosè, cronometrando quel va e vegni e calcolando la media de la... sosta che l’è risultà de oto minuti. Ben, par fàrtela curta, ò magnà la foja na note quando ò visto desmontar da na màchina un tralailò e na bionda che, ’pena desmontà, la s’à comodà ben la pelicia e l’è entrà ne la me casa insieme con lu."
"E alora ’sa ghè de mal?" ghe digo mi e seito: "Penso che anca ti, de note, quando te desmonti da la màchina, dopo na sistemadina a la pelicia, te vegni dentro vissin a to marì."
"Sì, bela" la me risponde ela secà, "ma mi no son mai stà inuda soto a la pelicia!"

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale de Mario Klein
Leggi l'articolo Cossa vorli sti tosi?
Quelo che gavaréssimo vossudo avere tuti a la so età, ma che l’educazion de la fameja, de la scola e de la Cesa ne faséa capire: "Nò! ’Desso xe massa presto!"
de Mario Klein
 
Costume e socetà
Leggi l'articolo Soto l'ombrela del "Gran Fradelo"
de Marcello Lazzarin
 
Memoria euganea
Leggi l'articolo On paese de la Bassa
de Pietro Gattolin
 
Storie citadine in triestin
Leggi l'articolo El secolo breve
de Luigi Perini
 
Da Adria (RO)
Leggi l'articolo La cesa d’i leun
de Sergio Bedetti
 
Da Verona
Leggi l'articolo Crònaca condominiale
de Giacinta Dall’Ora