Quatro Ciàcoe
Mensile de cultura e tradission vènete
de Pietro Gattolin

Memoria euganea

On paese de la Bassa

Panorama de Solesin da l’alto (foto jakdgl, Solesino).
Panorama de Solesin da l’alto (foto jakdgl, Solesino).
Fra Este, Rovigo e Monsélese ghe xe on paese speciale: Solesin. Paese straordinario! Sensa risorse e sensa se no altro la so gente. Gente che ga savesto deventare on punto de domanda par tuti i paesi là atorno. I Solesinari co la parlantina che la se distingue sùito, basta sentirli parlare te capissi sùito che i xe da Solesin.
Mi a so’ vecio assè e me ricordo prima de la guera quando la miseria (quela vera) la jera granda! La tera sabiosa poco la rendéa, ma i Solesinari, co la bona volontà, i ga savesto darse da fare.
La bicicreta? La granda aleata de i so abitanti: co on portapachi davanti e uno dedrìo, co i copertoni pieni de rinforsi, i viagiava da on marcà a l'atro, spece i frutaroli che i conprava a schei spetare da la unica (alora) grossista del posto, la siora Sieve, na dona bela tonda, ma de na bontà straordinaria. La ghe faséa credito e i frutaroli i se metéa in viajo co na cassea de naranse o de limoni, co na balanseta a piatelo, i ’ndava al marcà, i destirava par tera na querta vecia e i metéa le naranse a mucio e, có i le pesava, col déo pìcolo i sercava de rangiarse, (oto eti a tuti, nove eti a calcun e on chilo a nissun), ma par quelo che i guadagnava la jera na miseria continua!
Questa la jera la categoria de i frutaroli, ma ghe jera la categoria de i pìcoli che vendeva el sùcarocarisia, che i lo inpirava so na naransa e i putèi i ciuciava come che ’l fusse del rosolio; e chi che faséa el tiramola: tacà a on ganso i domava del sùcaro e po’ i lo faséa vegnere come na matita e a tocheti longhi do déi i lo vendéa ai putèi, che chei tenpi el faséa furore.
I primi comercianti (ciamémoli cussì) i se divideva in categorie. I gheva na cassèa tacà a tracola, i ’ndava vanti indrìo ma sensa farse concorensa; alora quelo che ’l vendéa articoli da barba, in te la cassèa el gheva: lamete e machinete da barba, peneli, speceti, saon e petenini, ma anca scàtole da tabaco e cartine da sigarete e soto banco el vendéa anca pierete par i acendini, ma se sa che articoli del monopolio no se podéa vèndarli, e soto banco i vendéa anca i acendini a bensina.
On poco pi vanti ghe jera quelo che ’l vendéa articoli da casa: alora rocheli de filo, aghi, disiali, spile da balia, astico, cordèe, spaghi da scarpe, corni e botoni in gènere, ma anca traverse e astiche da calse; on poco pi vanti on altro el vendéa calse e calseti filo de lana e de coton, ma questi i jera za na categoria previlegiata.
Ghe jera anca na categoria oncora pi mìsera! I jera quei che vendeva foli de cansonete, e a la stagion anca el lunario del Pojana Magiore, co la cana, che nessun contadin no ’l ghe mancava e e1 lo incolava dedrìo a la porta par consultarlo de come ’ndava el tenpo de fare i lavori su i canpi, ma sta spece de moderni striloni i vendéa anca publicassion de crònaca nera de fati che capitava in giro, parché se sa che alora pochi i leséa i giornali, e calcossa i ciapava anca sta categoria de anbulanti.
Ma la categoria principe i jera i strassari, paroni de on careto con el so bravo musso, che i ’ndava in giro sberegando: "Strasse, ossi, fero vecio; el conprava de tuto, el stava via da casa anca on mese, el dormiva sol careto in meso a le so robe, e có ’l gheva fato el so giro el ’ndava dal grossista a smerciare, e se no ’l jera on gran bevitore el se vansava senpre calcossa; bisogna però dire che la categoria de i strassari no i la sorpassava nissun.
Però bisogna dire che a Solesin la bona volontà de la so gente no la xe mai mancà; el tocheto de tera che squasi tuti possedéa el produséa formenton e patate mèriche che se calche volta la ’ndava male calcossa da métare soto i denti se catava.
Le nove generassion, co l'esenpio de i genitori i ga savesto rangiarse, on poco a la volta Solesin el xe deventà famoso par la so elevata tenore de vita, grandi enpori de stofe e marcansia de tuti i generi, e fra l'altro bisogna dire che el xe el paese co la pi bassa emigrassion de la so gente, oncò tuti i sta ben, mi a ghe ne conosso calcun de vecio come mi e có ne parlemo del tenpo de le cassèe e de le naranse destirà par tera, co orgolio i me dise: "Seto, a la go oncora la cassèa e ogni tanto la vardo."
In sintesi questo el xe Solesin al dì de oncò, la gente continua a ’vere la so cordialità, basta de èssare conossìi.
Ma oncora al dì de ’desso, ghe xe restà oncora calche difidensa, tuti ga el so soranome, se te ve in serca de calcun col so nome vero nessun sa ’ndove che ’l sta, pa ’l nome vero nessuni i se conosse, on sospeto che i se ga portà drìo, senò Solesin no ’l sarìa Solesin.
On paese in meso a la Bassa! Come el begnìgolo de na bela dona!

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale de Mario Klein
Leggi l'articolo Cossa vorli sti tosi?
Quelo che gavaréssimo vossudo avere tuti a la so età, ma che l’educazion de la fameja, de la scola e de la Cesa ne faséa capire: "Nò! ’Desso xe massa presto!"
de Mario Klein
 
Costume e socetà
Leggi l'articolo Soto l'ombrela del "Gran Fradelo"
de Marcello Lazzarin
 
Memoria euganea
Leggi l'articolo On paese de la Bassa
de Pietro Gattolin
 
Storie citadine in triestin
Leggi l'articolo El secolo breve
de Luigi Perini
 
Da Adria (RO)
Leggi l'articolo La cesa d’i leun
de Sergio Bedetti
 
Da Verona
Leggi l'articolo Crònaca condominiale
de Giacinta Dall’Ora