Quatro Ciàcoe
Mensile de cultura e tradission vènete
de Wanda Girardi Castellani

Da Verona

Quando le done le faséa "spesa"

Na mama (Wanda a vint'ani) drio farghe el bagneto al so butin (Mirco Castellani, 54 ani fa!) te 'na brentela de zingo.
Na mama (Wanda a vint'ani) drio farghe el bagneto al so butin (Mirco Castellani, 54 ani fa!) te 'na brentela de zingo.
L’èra ‘sto qua el comento de le nostre done quando che le vedéa passar ‘na qualche sposota co’ la pansa par-aria; "la fa spesa" e ai buteleti de casa che incuriosidi e preocupadi i dimandava la causa de ‘sto strambo fenomeno, se ghe rispondéa che l’avéa magnà massa polenta e fasói!
Quando po’ ‘na bela matina te catavi ne la cuneta ‘na sorelina o un fradelìn’ i te diséa che i era andà a cronparlo, con un bel muceto de schei, se l’èra un mas-ceto, e con de manco (naturalmente) se l’èra ‘na butina. Dove po’ ghe fusse quel tipo de marcà... no’ se savéa: mistero!
Se capitava che el papà e la mama i gavesse le scarsele ude podéa sucédar che el "tato" se lo catasse "gratis" ne l’orto... magari viçìn a ‘na pianta de rose. Mi, cisa parcosa, i m’à inveçe trovà sora un bròcolo, ne l’ortesel de la casa de i ferovieri a le Golosine andó i mei i era andà a stàr ‘pena sposadi co’ ‘na càmara e uso de cusina.
In quel’ortesel ò po’ ris-ciado de tornarghe in volo. quando me pare, stufo marso de far le noti bianche causa ‘sta fiola che no’ dormiva mai, l’à tentà de lanciarme da la finestra. Bona che è rivà i "nostri"... (cioè, me mama) a métarme al sicuro. A ‘sto punto inveçe che mi è finì ne l’orto el quadro "a sogeto religioso" picà via al ciodo sora el leto. Bisogna saver che ’l me vecio, convinto che "no’ se mova foja che Dio no’ voja", quando magari el se pestava un déo col martel, sbaliando un ciodo, el sacramentava a arco opur l’andava su e zo par casa co’ i indici puntà in fora ne la speransa de cassàrghene, na olta o l’altra uno in un ocio se fusse sta vera che "Lu" l’è in ciel , in tera e in ogni logo...
Par impossibile, ma ai me tempi te rivavi a quindes’ani sensa gnancora saver i mecanismi de la natura. Ancora, a disdot’ani, se te ciapavi un baso t’èri convinta d’èssar incinta. Te ghe credéi a santa Lussia e a santa Apolonia... anca se sotovento a ‘sta qua te ghe davi de la spilorcia quando al posto del dente che te t’avéi cavà ligàndotelo co’ un spago a la manilia de la porta e tirà co’ un straton da uno de casa, te catavi sul camin 10-20 schei.
Ma tornando a la "spesa"... de solito i fiói se i faseva in casa come le paparele. Quando l’èra el momento se andava a ciamar la "comare" (o levatrice) che la se la cavava da par ela, metendo però a "paneto"(dopo aver mandà fora da i pié òmeni e buteleti) tute le done de casa: ci a far bójar l’aqua, ci a pareciar el coredin e ci a far ‘na "napoletana" de cafè dopo l’altra... Qualche òlta la comare la se vedéa costreta a dimandar l’aiuto del dotor ma sucedéa de raro e più ancora de raro l‘era che se dovesse ciamar l’autoanbulansa.
E che qua in Alta Italia èrimo, rispeto a altre zone, avanti ben! La zia de me marì, levatrice a Fagnano Castello, zo ne la Sila, quando se presentava un caso dificile la faséa ligar su ’na carega la dona e cusì, a pié, i la portava a Olona. Naturalmente parlo de ‘na sessantina de ani fà, quando a Fagnano no’ gh’èra gnancora la luce eletrica e a mi, in visita dal "richìssimo" nord, i me faséa l’inchino, ciamàndome "dona Wanda".
Ma tornando a bomba... ’pena nato el butin, fin che la "comare" la se ocupava de la neo-mama, le done le ghe faséa el bagneto in ‘na brentela de zingo o de fero smaltà. Intanto, ’pena la notissia del lieto evento l’andava fóra par el borgo, cominçiava a rivar le vìsite. No’ gh’èra perìcolo che qualchedun vegnesse co’ le mane de pingolon; de solito i te portava ‘na fogassa casalina o ‘na casseta de pan de Spagna e la inmancabile botilia de marsala a l’ovo. par tirarte sù in pressia la petorina.
Quando che son nata mi se usava infassar i "tati" come de le mumie. Dopo averghe messo el camisolin e la bustina, prima se li involtolava in un quadrato de tela, sora ghe andava la "zipa" (n’altro quadrato più pesante, felpato) e par ultimo la fassa che da i pié la andava fil soto le lesene. Pori bocia... quando a la matina se li desfassava, pieni de pipì e pupù... leteralmente i fumava!
De panoloni "usa e getta" no se ghe ne parlava gnancora... al più, quando a far fiói m’è tocado a mi, era entrà in uso i "ciripà" de tela (sul model de quei che i portava in Argentina i "Gauchi"). Cavado ‘sto ciripà, se spassolava zo el contegnudo nel WC (adesso semo più civili; butemo caca e tuto nel cassoneto!) po’ se lo lavava e se lo meteva ne la varechina.
Par via de la dieta del neonato... ghè da dir che done che no’ latava ghe n’èra poche e se andava avanti fin quando el bocia no’ l’andava a tórse el late de la mama co’ la caregheta. El sen, fin a qualche tempo fà, più che par belessa come ai dì de ancó, el serviva a quelo!
Rivà al momento che la latarìa la serava botega, se tacava co’ la panà (pan coto par ore co’ l’ojo) o con le minestrine de verdura, pomi coti, qualche biscotìn oswego e aqua de rubineto.
Prima del bateso gh’èra da osservar ’na cerimonia inportante; la mama de la sposa e un altro par de done de fameja con in man un mòcolo del tipo da "crésema" le conduséa la neo-mama a tór la benedission e ‘l "perdono" a l’altar de la Madona. Su la porta de la cesa ghe vegneva incontro el prete, anca lu co ’l mòcolo e co ’na stoleta bianca che ’l ghe meteva sul brasso. Da li, pian-pian el la portava a l’altar dove davanti a Maria (l’unica dona al mondo a aver partorì sensa "pecato") la "penitente" la ricevéa la "lissia" (par el neo-papà, naturalmente, gnente "lissia").
E rivemo a la prima cerimonia de la vita de ogni cristian: el bateso! Par el bocia se pareciava el "portanfan" bianco ricamado e cusì le fasse, la vestina, la scufia. In cesa, davanti al fonte batesimal, se strenséa la fameja e a tuti ghe scapava un soriseto quando el butìn, giustamente scocià, el tirava un sigo a la spiansada freda che i ghe faséa su la suca! I invitadi a bateso i se presentava col so brao regal e se tratava de camisine, pajasseti, scarpine e (da parte de i padrini) ‘na medajeta d’oro, ‘na colanina o un bracialetin. Ancó i ghe regala za el computer, el telefonin celulare o el videofonin ultimo model.
Dio, che nostalgìa de quei tempi!! Qualche giorno fà m’è tornà in man destrigando el vecio baul de la dota, un par de scarpine de lana azura fate a feri da me mama par el me primo fiol, Mirko... e:
"No’ par vera... ma quel ‘tato’ che à portà sta robetina ‘l s’à cronpà el 45 propio giusto stamatina!"

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo El bosco ga perso la so "vose"
La montagna veneta no sarà pi la stessa. Ai boschi de l’Altopiano ghe mancarà la quinta stajon, quela che ghe regalava el "Grande Vecchio", senpre lì a vigilare e a difèndare la natura e le so creature
de Mario Klein
 
Tradission
Leggi l'articolo La sagra de la siola
de Luigi Frosi
 
Da i Coli Euganei
Leggi l'articolo La Fiera de San Lorenzo
de Gemma Bellotto
 
Vardando indrìo
Leggi l'articolo El tajo de i cavéi
de Daniele Marcuglia
 
Da Schio (VI)
Leggi l'articolo Na tore antica
de Piera Rompato
 
Da Verona
Leggi l'articolo Quando le done le faséa "spesa"
de Wanda Girardi Castellani