Quatro Ciàcoe
Mensile de cultura e tradission vènete
de Dinerio

Sbiansi de cultura orale

La Màbile, na quartesa rostelona

Se de le volte la faséa minanta da sola, la portava on saco de formento da meso quintale da ela sola... (foto da "Corti rurali")
Se de le volte la faséa minanta da sola, la portava on saco de formento da meso quintale da ela sola... (foto da "Corti rurali")
"Se fora deboto piove, in botega tonpesta. S'a femo fadiga parar 'vanti la baraca noantri vecioti, co quele miserie ca ne scorla ogni mese, no i ga da passàrsela propio col fiore in recia gnanca i botegari al dì d'oncò. Cossa ghe ne disìo vu?"
"Pensève ca ga tacà védarse le buele in man anca el nostro frutarolo che stamatina el ga strulicà de svèndare le suche on tanto al tòco. El le daséa via a usta, tre pa on paro. T'on bàtar d'ocio el ga snetà el casseloto. E mi, arè qua, da pendoina sensa sgussa, in seca de pantasso, co gnanca do euri ghe ne go profità. Goi fato male?"
"Sacranon, Bice, ve vegnarà el scagoto a son de sbafare suca baruca! Va ben che, anca quando gavì vivesto co la jeja inbriagona del vostro omo, quel dandan cerìo sensa arte e né parte, si senpre stà neta come Ana. El bevéa tre onde in mare e de la busta che 'l ciapava el ve lassava 'pena le frégole. Ma dato ca semo in descorso, lassè ca ve diga che par fàrvela deventare tonda a si na quartesa rostelona vu ca pensè domè portar casa tuto quelo ca ve càpita pa 'e sgrinfe a bon marcà o magari de sfroso."
"Tendì ai fati vostri vu, Zita, ca ghi senpre bù na lenguassa merduga! Stamatina me parì insustà, pi pramusa del sòlito tel tajar tabari a na pòra papatasi come mi ca no se tol d'inpasso co gnissun. Ansi qua 'torno in tanti me slonga calcossa e mi contracanbio col dirghe del ben, sgranando el me rosario. Ve goi fato calche malagrassia ca supiè velen fora da i denti cofà na màntesa?"
- Me pare fin d'inpossìbile, barba, che ghe sia 'ncora de le betòneghe che se esprime te sti termini. Te giuro sta brentana de pàciole ponzenti fra le do squaquarone, passàe darente de mi, me ga ciapà de stravento in piassa a Pernumia, stando sentà fora na s-cianta al bar fin che tolevo na cìcara de cafè fredo. La tiritera rebechina fra le marànteghe xe vegnù fora cussì s-ceta e gualiva t'un bòta e risposta pitosto fracà, tirando la boca da na recia a l'altra che no se podéa far de manco de scoltarle, da là 'torno ai tavolini soto el parasole. S'a te credi vegno giusto 'desso dal Conselvan, dove go portà a giustare la me ghitara e me go manedà a riportarte pari pari sto batibeco par no pèrdarme par strada gnanca un sgianso molesto rinbalsà fra le do comare inviparìe. Xe ciaro che go sercà de stare in recia più che go possùo, naturalmente sensa darghe massa te l'ocio. 'Desso però, s'a no te despiase, me darìssito na man sercando de farme capire cossa che xe sta quartesa rostelona?
- Ben, me pare d'inpossibile anca a mi ca cora de longo in volta fora via, a poma de inroscarse, on discórare t'un faelare che 'l garìa na s-cianta del ruzantenesco. Ciò da quel ca saèmo Angelo Beolco xe vissùo propio in chel paese. Par stare al dito de quelo ca te m'à 'pena dito cade ca te mena indrio assè co' i ani. Da bocia go cognossùo na creatura santa, digo mi, na femeneta vita sola, tuta casa e cesa, brava pa 'e so man. La ghe faséa da perpetua a don Albino, el paroco de la Pieve gnonde ca so' stà batezà mi. Sta crestiana la gera brava da tuto: in cusina e in seciaro la gera on bissinelo. No te digo de gucia, la ghe rangiava de quei taconi so le braghe del prete che i paréa intasselà a ricamo. Parfin le solete de i scalfaroti la ghe faséa suso a feri. La staséa drio a l'orto e a raquante galinote da vovi. Le tegnéa la cesa lustra cofà on specio e i altari senpre ben infiorà de fresco. Co 'l sestin del so fare dolse e misurà, fra quele do masselote infossetàe, la mostrava na boca in rìdare che la tirava tuti in sinpatìa da la so parte. Defati, có cascava la stajon de la serca, el prevosto mandava ela a pansa 'vanti in giro pa 'e corte a rancurare suso el quartese, conpagnà dal sagrestan che 'l ghe tegnéa drio co la cariola o co 'l caretin. Se de le volte la faséa minanta da sola, la se metéa in spala anca on saco de formento da meso quintale. Gera gran difìssile che la nesse de sbrindolon e la vegnesse volta a man scorlando, gnanca se la s'inbatéa te calche fameja che faséa piànzare la serca. Par sto fato in paese la ciamava tuti Màbile "la quartesa". Visto quelo che la gera bona portare casa, ansi in canònica, el pàroco xe stà propio lu a tacarghe la scherzosa nominaja de "restelona" anca par destinguerla da naltra Màbile che la gera la mojere del casolin propio co la botega denansi la canònica. Te dirò, fiosso, che quela del quartese xe na usansa vecia cofà el cuco, na tradission che se rifaséa a le Decime Vaticane messe in andare ancora 'torno el 1200. Se tratava de na spece de ordinansa cesarola che obligava le Pieve foravia a pagare anualmente un tributo a pro del Vaticano. L'abitudine de rancurare gènari in giro pa 'e fameje contadine gera difarente da on logo a naltro. In serti posti se scominsiava tirare suso vovi da la Candelora o soto Pasqua. Però la racolta grossa, in stari de formento, vegnéa fata a fine meanda, ossìa verso i primi de lujo. Ghe gera po' anca la serca del sorgo e quela de le patate che se faséa par lo più in setenbre. Da la vendema i massarioti benestanti che gavéa vegnài ben sortìi gera obligài portare in canonica on sesto de ua ogni quaranta de graspi vendemài, possibilmente de grani bianchi, che el prete metéa t'un mastelo, faséa folare e bójare, tiràndose fora on caratelo de vin da messa. Anca se no go mai catà gnente de scrito a conferma de quelo ca te cunto, sarìa tirà a pensare che el quartese podarìa 'vere ciapà el nome da sta regola. Senopì, pensando a la quarta come mesura de biave (quatro quarte faséa on staro) che el mezadro ghe slongava al paron pa 'e onoranse de fine ano, podarìa passarte anca questa come suposission possìbile.
- Barba, te so' grato e farò tesoro de le to confidense anche se sia o no sia atendibili le to suposission su l'origine del termine in question. Quelo che ghe tegnéa savere te me lo ga spiegà cussì ben, che mèjo de cussì no se pole.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo E 'desso... tuti a scola?
No lo prevede el disegno de lege del ministro a l'Istruzion, Mariastella Gelmini, ma 'l ne pare necessario, visto che tanti genitori i difende senpre so fiòi, anca quando che i ghe ne conbina de grosse, metendo cossì a ri-scio l'educazion de i fiòi stessi
de Mario Klein
 
Sbiansi de cultura orale
Leggi l'articolo La Màbile, na quartesa rostelona
de Dinerio
 
Dal Piovese (PD)
Leggi l'articolo Luigi Bozzato
Un omo da no desmentegare
de Umberto Marinello
 
Da i Coli Euganei
Leggi l'articolo I tipi stranbi de on tenpo
de Gemma Bellotto
 
Da Maran Lagunare (UD)
Leggi l'articolo A palmolà
de Maria Damonte
 
Da Isola Vicentina (VI)
Leggi l'articolo Na tèpida sera d'istà
de Gianni Fioretto