Quatro Ciàcoe
Mensile de cultura e tradission vènete
de Luigi Frosi

Robe che càpita

La "teresina"

A go la testa senpre in confusion, dotore...
A go la testa senpre in confusion, dotore...
I ani passa, te deventi vecio, la memoria scuminsia a fare cileca: se se ricorda le robe vece, quele de na volta e no te te ricordi gnanca quelo che te ghe magnà a mesodì. Te parti deciso pa’ ’ndare in te un posto e có te rivi là no te te ricordi gnanca parcossa che te si là; se la te va ben, có te torni indrìo te vien in mente el parché e lora te torni su i to passi e te te dè na paca su la testa. I dise che la xe la "teresina", na malatia che ciapa i veci, faséndoli passare par inseminìi, magna e desméntega, insoma da conpatire e ciaparli par quelo che i xe.
Me xe capità tenpo fà de èssare dal mèdego e un vecioto, có toca el so turno, el va dentro a l’anbulatorio e co na vose alta assè el taca parlare al dotore. Nialtri, fora che spetàvino el nostro momento par ’ndare dento, a se ghemo vardà ’torno, no podéimo sararse le rece pa no sentire quelo che st’altro contava al de là de la porta: la gheva co so mojere parché da un tòco de tenpo la insisteva che l’andasse a farse védare. El diseva che la jera esagerata, che bastava na pìcola robeta e suito la ghe faseva la diagnosi e la ghe dava anca el rimedio necessario: na tisana, na pastilieta, un siropo o qualche altro bevarajo che secondo ela jera indovinà par rimétarlo in sesto. El ghe conta al mèdego che qualche sera prima la gheva scominsià la solita solfa: che ’l se fasesse védare parché no la jera disposta a dover portare spasso un omo meso rinbanbìo, uno che no ’l se ricordava gnanca ’ndove che ’l gavéa la testa. "La xe esagerata, salo, dotore!"
Po’ el continua contàndoghe che na note el jera ’ndà al cesso par orinare e da la pressa el se gheva desmentegà de tirare sù la toeta del vater: "Solo do giosseti, salo, dotore, parché me son inacorto suito e me son fermà." Po’ el continua disendo che la roba la jera sucessa ’n’altra volta ma che no jera stà par cativeria o par na svista, jera che chela note la toeta del vater la jera verta e lu la ga tirà zo, pensando che la fusse sbalià. Po’ el se ga giustificà disendo che se xe talmente abituài a fare serte manovre, che a volte te anticipi quelo che dovarìa èssare fato dopo, come quando che te buti via na caramela pensando de tirar via la carta che te ghè ’pena cavà o quando che te meti in scarsela un fuminante inpissà e te porti la scatola par inpissarte la sigareta che te ghè in boca. "El fato el xe, sior dotore..." el continua disendo che ’l ga tanto da fare e che ’l ga tanti pensieri par la testa: la politica, quelo che ’l ga da fare el dì dopo, fare bastare i schei fin a fine mese... "A go la testa senpre in subulio!" Cussì, el dise che ’l so servelo el jera come un conpiuter, tanti cassetini, tuti sconparti dove te meti dentro i pensieri e le robe da fare e te li riciami quando ca te ghi n’è de bisogno. El male jera che ’l se ricordava solo le robe vece, e pensare che da toso el ghe rideva drio a so pare quando che ’l diseva: "Cossa soi vegnù a fare qua?"
Po’ el continua disendo che la sera prima el jera stà al supermarcato e quando che ’l jera rivà a la cassa, el se ga catà na cassiera che la jera la fine del mondo, co do oci da gato... e lu, invesse de métare la spesa ne la borsa el se meteva le robe dentro par le scarsele. "Che figura, dotore!" Anca qua el continua disendo che jera passabile par la tosata cussì bela, ma par le done de drìo che le rideva come mate la jera stà proprio na massada.
El ghe conta ancora che la sera prima, de ritorno dal bar co la machina, sora pensiero, el ga ciapà la strada in senso vietato e la zente che l’incontrava la ghe urlava drìo faséndoghe versi: "Svéjate, vecio rinbanbìo!"
"Questo, sior dotore, xe stà el motivo che me ga portà qua sta matina... Cossa dìselo? Che sia proprio cussì grave?" El dotore dopo el ga tacà a parlarghe, solo che lu el parlava pi pianeto e no semo riussìi a capire el resto. El comento fora xe stà: "Pori veci, come ca se se riduse quando la ‘teresina’ te bate in testa..." e ’n altro vecioto el ga sentensià: "Passiensa e filo, che prima o dopo, ghi ne sarà par tuti!"

[torna sopra]

 

Archivio
2018 17 16 15 14 13 12 11 10 9 8 7 6 5 4 3 2 1  
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Adesso... podemo gòdarse!
Finalmente ghemo catà chi che xe stufo de sentirse frenà da tuti sti “questo sì, questo nò”. Xe ora de scancelare tute ste paure de questo e de quelo, ste règole e ste limitazion che te ’sassina sti quatro dì ca semo qua...
de Mario Klein
 
Robe che càpita
Leggi l'articolo La "teresina"
de Luigi Frosi
 
Vardando indrìo
Leggi l'articolo Na volta... na volta...
de Marisa Da Riz
 
Da la Marca
Leggi l'articolo La festa de la renga
de Emanuele Bellò
 
Ciàcole visentine
Leggi l'articolo El Grupo Ciclisti de Longa
Da quìndese ani i amanti de le do rode i pedala insieme su le strade vissin casa o su le tape pi difìssili de ’l giro d’Italia
de Giordano Dellai
 
Vita de paese (in basso veronese)
Leggi l'articolo La vecia botega de mercerie
de Lucia Beltrame Menini