Quatro Ciàcoe
Mensile de cultura e tradission vènete
de Gigi Vasoin

Memoria viva

El martire Ugo Bassi a Padova
’Na interessante conversassion co ’l Papà durante la guera. Le storie conplesse de la Republica Romana de ’l 1849. La ritirata de Garibaldi in mezo a la Italia co’ i garibaldini, Ugo Bassi e Ciceruacchio

El frate Ugo Bassi rinegà da la Cesa, fusilà a Bologna, dopo la ritirata co’ Garibaldi.
El frate Ugo Bassi rinegà da la Cesa, fusilà a Bologna, dopo la ritirata co’ Garibaldi.
Gèrimo in te la primavera de ’l ’44 a tola ne la nostra casa de Conselve, dove gèrimo sfolài par la guera. El Papà gaveva sielto quel paeseto parché el gera nodaro de Conselve e de Tribano. El gaveva studio anca a Padova, ma, in quel periodo, el ghe ’ndava solo do giorni a la setimana. Mi e me fradèo dovévimo invesse ’ndare tuti i giorni a scola al Liceo "Tito Livio". Partìvimo in tran de la "Veneta" có faseva ancora scuro e, fra un alarme e l’altro, tornàvimo quando che gera possìbile.
Quea sera, dopo la sena, parlavo co ’l Papà, e ghe contavo la lession che ne gaveva fato a la matina el professor Bonanno de strora e filosofia. El ne gaveva spiegà la nàssita de la Republica Romana in te ’l 1849, parlàndone prima de la morte de Pellegrino Rossi messo da ’l Papa Mastai-Ferretti, Pio IX, a dirìgere el Stato Pontificio, po’ la fuga a Gaeta de ’l Papa, ospite de i Borboni, po’ ancora la formassion de la Repubblica Romana che, dopo un breve periodo transitorio, xe stà governà da un triunvirato formà da Mazzini, Armellini e Saffi, co ’l comando militare afidà a Garibaldi.
A ’sto punto el Papà me ga interoto e ga vossudo spiegarne, co’ la so parola ciara e calma, che la rivolussion che gaveva portà a la morte de Pellegrino Rossi e a la fuga de ’l Papa, gera dovuda al fato che un ano prima Pio IX gaveva tanto iluso i patrioti co’ qualche riforma de libertà e el gaveva fato intèndare che ’l se sarìa messo a capo de ’na "Confederazione". Questa voleva dire la liberassion de l’Italia da i stranieri. Po’ el gaveva bruscamente canbià tuto, tornando a pezo de prima.
"Ghe gera stà un periodo – ga dito el Papà – che a cavalo fra el ’47 e el ’48 el Papa gaveva mandà un so esercito par conbàtare i austriaci. Questo reparto pontificio xe vignù anca a Ppadova che el 8 febraro 1848 gaveva cassà via i cruchi e ’sti soldài xe stà utili in qualche conbatimento in provincia de Vicenza e a Venezia. In mezo a ’sti soldài pontifici xe stà mandà un capelan militare, el ferarese Ugo Bassi che gera tanto votà al patriotismo, tanto da partecipare anca ai conbatimenti. Fin che ’l xe stà a Padova, el frate Ugo Bassi ga fato ’na grande propaganda contro i austriaci, el ga parlà in Piassa dei Signori, in Domo, creando l’entusiasmo patriotico de i padovani, favorendo la racolta de schei par finanziare la resistenza, invitando i zóvani a deventare volontari conbatenti. In tute queste manifestassion, Ugo Bassi e l’altro frate Gavazzi ga provocà un formidabile patriotismo che ga ciapà anca i più insensibili. Purtropo – ga continuà me Papà – i austriaci xe vignù da novo dentro a Padova. Le trupe pontificie e i do frati gera za tornà a Roma par ordine de ’l Papa. Ma no’ se ferma qua la storia de ’l frate Ugo Bassi che ga dà subito la so adesion a la Republica Romana, conbatendo ai ordini de Garibaldi. Intanto el Inperatore de Francia Napoleone III gaveva mandà a Roma un forte esercito comandà da ’l generale Oudinot par far tornare el Papa al so potere tenporale; infati Napoleone III doveva ricanbiare i favori che i tanti francesi catolici ghe gaveva fato, sostenéndolo su ’l trono."
El Papà xe ’ndà ’vanti co’ la storia, dizéndome che i patrioti italiani ga fato ’na resistensa tanto valorosa ai francesi, co’ infiniti sacrifissi de vite e de ferite. Xe morti Dandolo, Mameli, Manara. "Le ‘grandi doti’ militari de Garibaldi sercava de covèrzare ogni spassio ai francesi, ma ogni giorno che passava faseva intèndare la fine de la resistensa."
Mi e me fradèo scoltàvimo co’ passion le bee parole de ’l Papà. El argomento gera afassinante, anca parché in casa gérimo stà fin da pìcoli a sentire l’amore de Patria e la riconossensa par i òmini che gaveva conbatudo par liberare el nostro Paese da i stranieri, co’ el ideale de la Unità de la Italia.
La Piassa de i Signori dove che i frati Bassi e Gavazzi i ga tegnù "vibranti" discorsi patriotici contro i austriaci.
La Piassa de i Signori dove che i frati Bassi e Gavazzi i ga tegnù "vibranti" discorsi patriotici contro i austriaci.
"Xe vignù el momento – el ga dito – che, co i francesi ormai dentro a Roma, co’ poche riserve alimentari, co’ pochi patrioti in vita, co’ tanti feriti, la Republica Romana ga acetà la resa. E qua salta fora da novo Ugo Bassi!" "Parché?" ghemo domandà. "Calma e atenti che ve spiego tuto. Nessuno voleva restare ne le man de i francesi. Da la parte sud-est de la sità, Garibaldi ga riunìo sentenari de patrioti e el ghe ga comunicà che gera so intension de traversare i Appenini e de ’ndare a Venezia che alora, in te ’l 1849, resisteva ancora ai austriaci co’ la Republica de Manin. Garibaldi ga precisà però che l’inpresa gera pericolosa e, dizendo la famosa frase, ghe sarìa stà ‘lacrime, sudori, sangue’. Ma pochissimi no’ ghe xe ’ndà drìo e squasi tuti ga acetà. Fra questi Ugo Bassi e el famoso popolan Ciceruacchio co’ do fioli. Garibaldi ga ’vudo ’na discussion co’ la mujere Anita, che gera incinta e no’ la voleva fermarse a Roma. Lu gera preocupà e no ’l voleva che in quee condission la se sorbisse tuta quea strada su un cavalo. La Anita gera tanto gelosa de ’l marìo, parché la saveva che ’l ghe piaseva tanto a le done. Fato sta che cussì i xe partìi."
El Papà ga continuà diséndone che i ga traversà i Appenini, scapando co’ abilità e corajo a tre eserciti: queo francese, queo spagnolo e queo austriaco. Ma le dificoltà de la strada ga inposto a tuti tante fadighe e patimenti, soratuto a la pòvara Anita che resisteva eroicamente. Fra i canbi de diression, fra inteligenti scondariole ne’ i boschi e ne le caverne, i xe rivà finalmente ne la Republica de San Marino, dove, par la "extra territorialità" i ga possudo riposare e ciapare fià. A ’sto punto Garibaldi ga pensà ben de siòliare el so pìcolo esercito, parché in pianura fin a Venezia sarìa stà inpossìbile tirare ’vanti. Xe restà co’ Garibaldi solo dozento òmini, e naturalmente Anita. Ghe xe stà longhe tratative fra le autorità de San Marino e i austriaci, ma questi no’ ga vossudo molare gnente.
La Catedràe de ’l Domo dove Bassi e Gavazzi ga spinto i padovani a resìstare.
La Catedràe de ’l Domo dove Bassi e Gavazzi ga spinto i padovani a resìstare.
"Le robe xe ’ndà a finire – ga dito el Papà – che Garibaldi ga deciso de ’ndare a Venezia par mare. I xe stà boni da passare traverso i reparti austriaci e ’rivare a Cesenatico, dove, co’ tanta fadiga, i ga noegià trèdeze barche. El inbarco xe stà difìzile, parché el mare gera in tenpesta e i barcaroli indoenti e scansafadighe. Finalmente i xe partìi e i ga fato tanta strada, ma da Cesenatico xe partìa la informassion de l’inbarco e i austriaci ga mandà drìo ai garibaldini el brigantin ‘Oreste’ che, tanto più potente, li ga ciapà e caturà dieze barche. Parte de i garibaldini xe stà fusilà. Fra questi Ciceruacchio e i do fiòi; el secondo gaveva solo trèdeze ani. A proposito de Ugo Bassi, el frate xe stà bon de scapare; el se ga sconto in un pìcolo albergo de Magnavacca, dove però squasi subito el xe stà arestà e portà in manete a Bologna, insieme a un ufissiale garibaldin."
El Papà xe ’ndà ’vanti co ’l discorso; Ugo Bassi e l’ufissiale a Bologna i xe stà processà e condanà a morte. Qualche cronista ben informà ga dito che Ugo Bassi xe stà "degradato" e, par questo, dato che in precedensa el gaveva ciapà co’ le man la "ostia consacrata" i preti ghe ga portà via i déi e spelà el palmo de le man. Poco tenpo dopo i xe stà fusilà tuti do.
"Ugo Bassi xe ‘ndà incontro a la morte co’ serenità e fermessa de ànima, dando un esenpio maravejoso. Quanto a Garibaldi che, co’ Anita e el capitano Leggero, se gaveva sconto in te la pineta tacà a Comacchio, dopo un travalio longo e difìzile, i ga trovà riposo in te ’na fatoria de serti Ravaglia. Anita però là la xe morta. Garibaldi, disparà, e Leggero, dopo tanti passagi de guide favorevoli, xe stà iutà da ’l paroco de Modigliano, don Verità, a passare in Toscana. Garibaldi se ga inbarcà a Chiavari par andare, dato che ’l gera sercà da polissie de tuto el mondo, a New York, dove che ’l xe stà ospite e colaboratore de ’l fabricante italian de candele, Meucci, che, dopo qualche ano, gavarìa inventà el telefono. ’Desso basta, parché so’ stufo. Volevo solo che ve ricordassi ben de Ugo Bassi, ’na eroica figura poco ricordà!"

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo L’ora de religion a scola che dà cussì tanto fastidio
La sentenza n. 7076 del Tar del Lazio, che esclude, ne i scrutini de fine ano, la valutazion par i studenti che frequenta l’ora de religion, xe l’ùltimo colpo gobo par scancelare l’insegnamento de la religion catòlica ne la scola
de Mario Klein
 
Ultime o quasi da l’Altopiano
Leggi l'articolo In ricordo de Mario Rigoni Stern
de Luigi Frosi
 
Memoria viva
Leggi l'articolo El martire Ugo Bassi a Padova
’Na interessante conversassion co ’l Papà durante la guera. Le storie conplesse de la Republica Romana de ’l 1849. La ritirata de Garibaldi in mezo a la Italia co’ i garibaldini, Ugo Bassi e Ciceruacchio
de Gigi Vasoin
 
Memoria euganea
Leggi l'articolo El marcà de Mossélese
de Pietro Gattolin
 
Da Adria
Leggi l'articolo Là ’ndó coreva el Canalin...
de Sergio Bedetti
 
Da Thiene (VI)
Leggi l'articolo El me paese: Sarsedo
... La parte alta del teritorio la gera tuta un’onda dolse de colinete e montesèi...
de Bepin Daecarbonare
 
Da Bovolon (VR)
Leggi l'articolo Te ricòrdito, nona?
de Nadia Zanini