Quatro Ciàcoe
Mensile de cultura e tradission vènete
de Luigi Ederle

Da la Lessinia Centrale (VR)

I dani de l’aqua

I contadini de na òlta i meritaréa ’n monumento par come i tegnéa la tera.
I contadini de na òlta i meritaréa ’n monumento par come i tegnéa la tera.
Tré, coatro setimane fà, son ’ndà a na conferenza ’ndó i parlàa de i dani che fa l’aqua. Parolone grosse de stà dite tante, cifre da far girar la testa a coalsiasi banchiér, per far coalcossa, par fermar le frane, i smotamenti, crepi, busi e ci pi ghe n’à, pi ghe ne meta! È stà parlà de la Bassa Italia, con le so grane, par via de frane e de tute le malore che ghe va adrìo. Mi ò scoltà e no’ ò dito gnente, ma, no’ posso pensar e no ricordarme de come l’era gestìa l’aqua pioana ne le canpagne da le me parte.
Calche pìcola frana, la taca èsserghe anca chi ne la Valpantena e Bassa Lessinia. Tuto da i ani Sessanta è sta sconvolto e adesso ven al pètene i grópi. Da le nostre parte, i è al momento grópi pìcoli, ma de coà o de là, la paura e la realtà i è diverse.
Ma come érele le astussie che i òmeni de la tera i faséa par no’ èssere schiavi de l’aqua? Se uno el riva al paese de Gressana, el se guarda atorno e ’l vede monti, montesèi, rìe brute e rìe manco brute, e coesto se ’l vede: a drita, a sanca, a nord e solo a sud ghè piano, ma na òlta rogne no’ ghe n’éra. Parché? Tuti i canpi, le stradele, le scaessagne, le strade, i senteri, i copi de le case, i casoti che gh’éra par i canpi, tuti e dapartuto, ghéra la busa par l’aqua. Le scaessagne, le gavéa le so ciàeghe, che porta l’aqua ’nte na canaleta e ogni tré, coatro ciàeghe, ghéra na busa che fermàa: aqua, sassi, tera, caùci, boasse, fóje e tuto coel che l’aqua la catàa sù. Ogni tré, coatro buse, ghéra ’na póssa che tegnéa vinti, trenta quintài de aqua; serte pósse i’éra de muro, incimentè e coeste coerte con de le fassine, altre i éra verte e con i salgari piantè atorno. Tute ’ste buse o pósse, ogni tanto le vegnéa netè, dal paltan che se binàa rento. Ne i canpi ’n rìa, in fondo a ogni macia granda o a do, tré se i éra mace pìcole, ’pena soto l’àldaro, ghéra na cuneta che portàa fóra l’aqua ’n caso de bruti temporài, ’ste cunete le portàa l’aqua su le scaessagne e ne le solite pósse o buse; se par caso ghéra vissin ’n vajo da la póssa partéa ’n canaleto, che se par caso l’aqua la naséa par sora, la fenéa nel vajo.
… e se la tera l’è ben tegnùa, la vita l’è pi bela…
… e se la tera l’è ben tegnùa, la vita l’è pi bela…
Le strade che ghéra piane ’n sima al monti, anca coele, tute con le so ciàeghe, con le so buse e con le so pósse. Le strade comunali e che porta da ’n paese a l’altro, anca coeste con: ciàeghe, cunete e pósse; coeste i éra tegnùe nete da i stradini, e coesti i ghe faséa canalete par l’aqua che da la strada fenéa ne i canpi confinanti. Da le me parte, no’ ghéra le giassare, ma pi ’n su, verso el Sèro, là le pósse i éra grande par binar l’aqua, par far de inverno el giasso. Zo par la Valpantena, l’aqua la fenéa nel progno, e se vede ’ncora de i posti ’ndó i contadini i tiràa fóra l’aqua par molarla par i canpi, canpi piani che ghéra adrìo al progno; ghéra de i canpi preparè par èssere anca alaghè, se par caso interessàa alagarli. ’Nsoma, ci a na maniera, ci a n’antra, l’aqua l’era ben controlà e dani no’ la de faséa.
Me ricordo ben de ’n fato che ne i primi ani Sessanta ’n omo che mi conosséa, el s’à comprà de i canpi adrìo a na strada e el primo laoro che l’à fato, l’è stà coel de far na grossa póssa, par ciapar l’aqua de la strada. Cossì par sincoe, sié feste de matina, ’n tri, coatro butèi semo né a jutarlo a far ’sta busa. Tuta geto de cimento e giara, far el geto col bail, cariola e rento e fóra su de le asse con la cariola piena de geto. Da le sié de matina fin a le una. Sento franchi a l’ora, a le una a casa, magnar minestra ’n brodo e la pearà coasi freda, na lavada a la fontana, e dopo ciapar la Vespa e nar a butele con le mane e i brassi che faséa ’n mal da morir. Ma alora se ghéa vinti ani!
A pensarghe ben a ’ste cose, mi credo che i contadini de na òlta, par come i tegnéa la tera, la cura che i gavéa par tute le pìcole e anca grande esigense, (adesso s e’l vede) i meritaréa almanco ’n monumento! Su ’n sima ai Dói, ghéra fin ai benedeti ani Sessanta, la strada che la coréa ’n sima al monte e la ’ndàa sù coasi piana, l’éra a coéi tenpi, (come tute le strade) con le so ciàeghe, con le so buse, con le so pósse, senpre nète… Adesso i l’à slargà de almanco el dopio, l’è ’ncora bianca, ’na òlta a l’ano, i passa con ’na ruspa larga, i spiana tuto, ogni do-tresento metri con la pala de la ruspa, i sfonda ’n po’ da la parte che pènde la strada, parché se ferma l’aqua, ma i è scusaóre e a ogni tenporal serio, la strada la diventa ’n vajo. L’è na strada comunale e pochi i passa da lì; i contadini i va zo par i prè con i tratori e la strada, che na òlta l’éra bela assè, adesso no’ la me piase pi gnente. Par le stradele che ghè par i canpi, ghè sì gente che va a caminar, ma nissuni che ghe dà na sapà o na sbailà a le strade.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Chel mal desmentegon…
El fa girare el mondo, el tien in calda la minestra de i sentimenti, el fa stare in piè la casa, la fameja, la socetà, l’umanità. Epure anca in Italia le done le fa manco fiòi. Cossa xe canbià?
de Mario Klein
 
Memoria viva
Leggi l'articolo El venessian Gaspare Gozzi morto a Padova
Un bel raconto de ’l Papà su ’l tramonto de la Serenissima. Le figure più inportanti in te l’arte del secolo. La vita intensa, gloriosa e tormentà de ’l grande scritore
de Gigi Vaasoin
 
Teatro e Teatri
Leggi l'articolo ’Na rapresentassion dignitosa
Basta co’ i soliti classici inpegnài; ’desso el Teatro ga da divertire!
de Piero De Franceschi
 
Da Rovigo
Leggi l'articolo L’ùltimo sposalizio
de Gianni Sparapan
 
Da San Bonifacio (VR)
Leggi l'articolo Caro diario
de Enzo Coltro
 
Da la Lessinia Centrale (VR)
Leggi l'articolo I dani de l’aqua
de Luigi Ederle