Quatro Ciàcoe
Mensile de cultura e tradission vènete
de Gigi Vaasoin

Memoria viva

El venessian Gaspare Gozzi morto a Padova
Un bel raconto de ’l Papà su ’l tramonto de la Serenissima. Le figure più inportanti in te l’arte del secolo. La vita intensa, gloriosa e tormentà de ’l grande scritore

El venessian Gaspare (Gasparo) Gozzi, nato a Venezia nel 1713 e morto a Padova nel 1786, giornalista, scritore e poeta.
El venessian Gaspare (Gasparo) Gozzi, nato a Venezia nel 1713 e morto a Padova nel 1786, giornalista, scritore e poeta.
Gera i ultimi giorni de l’istà de ’l ’45 e ’na sera a sena co ’l Papà parlàvimo de ’l destin de Trieste, che ancora no’ se saveva se la sarìa tornà italiana. El discorso gera, no’ me ricordo parcossa, passà a la storia de ’l Veneto e, in particolare, de Venezia che gera stà par più de mile ani ’na Republica potente e indipendente.
“Ma in te ’l 1797 – ga dito el Papà – la Serenissima, co’ la so ‘neutralità disarmata’ xe cascà cofà un pero in boca de Napoleone I Bonaparte, che ga ocupà tuto el teritorio. Questo xe stà passà a l’Austria co ’l tratato de Campoformido, po’ xe tornà a la Francia da ’l 1805 al 1815, par dopo deventare austriaco fin al 1866. Ma, pare inpossìbile, el secolo de ’l 1700, che ga visto cascare viliacamente la Serenissima in man de ’l foresto, probabilmente xe stà el periodo più inportante, da un punto de vista culturale, de tuta la storia milenaria de la Repubblica!”
“Parcossa?” go domandà mi, inpressionà da la portada de ’ste ultime parole. E alora el Papà, co’ la solita calma e ciaressa, ga spiegà che ne la pitura ghe xe stà Tiepolo, Canaletto, Guardi, Longhi, Bellotto, Carlevaris, Rosalba Carriera, Piazzetta, ne la musica Vivaldi, Tartini, i Marcello, Albinoni, ne la scultura Canova e Bonazza, e in fin ne la leteratura Giacomo Casanova co’ le so interessantissime “Memorie”, Apostolo Zeno, Francesco Algarotti, Scipione Maffei e i do fradei Carlo e Gaspare Gozzi.
La boveta de Santa Chiara, dove che Gaspare Gozzi ga tentà de suicidarse in te ’l 1777, ma el se ga salvà par la poca aqua che ghe gera nel canale.
La boveta de Santa Chiara, dove che Gaspare Gozzi ga tentà de suicidarse in te ’l 1777, ma el se ga salvà par la poca aqua che ghe gera nel canale.
“Cossa dìzito?” – el me ga domandà. “Digo che te ghe razon che par inpossìbile, ma, sentindo tuti ’sti nomi in varie parti de la cultura, penso proprio che sia cussì. Ma uno de i fradèi Gozzi no’ ga scrito la storia de ‘Turandot’ che ga servìo a Giacomo Puccini par fare quea belìssima opera lirica, che go visto qualche ano fa?” go domandà. “Queo xe Carlo Gozzi nato a Venezia in te ’l 1720 e morto in te ’l 1806. El ga fato tante polemiche contro Goldoni, consideràndolo passà de moda e in ’sto contrasto el ga scrito ‘favole’. ‘L’amore delle tre melarancie’, ‘Turandot’ e ‘L’augellin bel verde’ e soratuto le ‘Memorie inutili’; el ga fato un quadro pien de colore e ironia de la Venezia de ’l tenpo. Par tute el ga ‘vudo un sucesso clamoroso.”
El Papà xe ’ndà ’vanti co ’l discorso, precisando che, a parere suo e de tanti altri, el più inportante da i do fradèi gera Gaspare o Gasparo, come xe scrito su qualche libro. El gera nato a Venezia in te ’l 1713 e el xe morto a Padova in te ’l 1786. I do fradèi gera dissendenti da ‘na fameja nobile, dove che se respirava aria de leteratura e de poesia tuti i giorni. El pare, Giacomo, gera un bon omo, amante de la cultura, ma spendacion in cavali e cani e in tante altre robe. Fin che ’l ga possudo, el ga mandà a studiare in colejo Gaspare e l’altro fradèo più vecio, Francesco. Ma no ’l ghe la ga fata par Carlo e le do sorèe che ga dovudo studiare in casa. Ma, proprio in casa, Carlo ga possudo èssare presente ai ricivimenti che dava la fameja co’ la partecipassion de parsone colte, e dove no’ mancava la recita de boni passi leterari e de versi.
Le finanse de ’l pare xe ’ndà in malora e el xe morto praticamente in miseria. I tosi, par vìvare, ga dovudo tirarse sù le màneghe e rangiarse. “De Carlo ve go dito prima – ga contà el Papà – co’ le so ‘Favole’ e le ‘Memorie’, co’ articoli e sagi leterari. E ‘desso vignemo a Gaspare!” El ga continuà contàndone che “madre natura” ghe gaveva dà ’na granda fortuna: quea de saver scrìvare ciaro, lìnpido, colorìo, interessante, co’ ‘na granda capacità de piasare ai letori.
Dopo de aver tentà in vari mestieri che no ghe dava sodisfassion, el ga trovà la so strada ne ’l giornalismo. Se poe dire che ’l sia stà uno de i pari de ’l giornalismo italian, che fin a quel momento no’ gaveva ’vudo storia. ’Sto riconossimento ghe xe stà dà da tuti i storici e i esperti de ’sta profession. Lu ga fondà fra el 1770 e el 1771 el giornale “Gazzetta Veneta” e la rivista “Osservatore veneto”. I storici e i esperti xe tuti d’acordo che quanto che ga scrito Gaspare Gozzi, soratuto ne la rivista “Osservatore veneto” xe el più bel afresco de i usi, de i costumi, de i caràteri venessiani. I do giornài ga vudo al tenpo un successo strepitoso.
“Se ti te vardi – me ga dito el Papà – el me libro su la storia del giornalismo che go in biblioteca, te te rendi conto de la grandessa de Gaspare Gozzi, no’ solo ne ’l Veneto, ma in tuta l’Italia. Gaspare, oltre a èssare un grande giornalista, gera stà un buon poeta, publicando ani prima el libro ‘Sermoni’ e un otimo critico leterario. In polemica co ’l gesuita mantovan Saverio Battinelli che gaveva espresso tante riserve su la ‘Divina Commedia’ el ga scrito el sagio ‘Difesa di Dante’ rissevendo calorosi consensi da diversi leterati.”
“Dopo un matrimonio infelìsse co’ Sara Cenet sul quale no’ credo de entrare in particolari, senò andaréssimo ’vanti fin a note – ga continuà el Papà – Gaspare, vedendo un calo in qualità e quantità de ’l so lavoro, se ga trasferìo a Padova. El xe ’ndà a stare in borgo Vignali che se ciamava cussì par i vigneti e piante da fruto che ghe gera; ’desso quea strada se ciama Galileo Galilei parché el ghe gaveva casa el grande astronomo e matematico che, avendo ‘na fameja pesante, tigneva anca locanda par studenti e professori.”
Na grande strada che Padova riconossente ga dedicà a Gozzi, dal Ponte sul Piovego fin al Tempio de la Pace.
Na grande strada che Padova riconossente ga dedicà a Gozzi, dal Ponte sul Piovego fin al Tempio de la Pace.
El Papà ga spiegà che in quel tenpo, Gaspare sofriva de un forte esaurimento nervoso che lo torturava e che no ’l ghe parmeteva de concentrarse, de scrìvare. No ’l gaveva preocupassion finansiarie parché a le spale el gaveva la protession de la potentissima venessiana Caterina Tron che, forse, xe stà anca la so amante. Ma Gaspare gera scontento de se stesso, al punto che in te ’l lulio de ’l 1777 el ga tentà el suicidio. El se ga butà in te la boveta de S. Chiara che core da ’l ponte de le Torricelle fin a la boveta Alicarno vissin a l’Orto Botanico. Par so fortuna in quel giorno la boveta gaveva poca aqua e, dopo un bel spavento, el se ga salvà.
“Gaspare Gozzi ga passà i ultimi ani senpre a Padova serto senza la brilantessa che gera stà la so carateristica de i so mèjo periodi de giornalismo, de poesia, de leteratura, stando come prima in Borgo Vignali. El xe morto praticamente ancora bastansa zóvane in te ’l 1786, vinti ani prima de so fradèo Carlo. El xe sepelìo, senpre a Padova, in te l’Oratorio de la Scola de ’l Santo.”
El Papà ne ga fato presente che la nostra sità, riconossente a Gaspare per la so sielta de vignere i ultini ani a Padova, ghe ga dedicà ’na strada larga e tanto inportante che xe quea che da la fine de via Porciglia, passà el Ponte sul Piovego, va drita fin a sbocare su via Tommaseo. El beo xe che proprio el Tommaseo ga trovà ’na serie de versi scriti da tuta la fameja Gozzi: papà, mama, zia, cugnà, sorela.
“Go vossudo dirte tuto questo – ga concluso el Papà – parché Gaspare Gozzi xe stà un elemento determinante del secolo XVIII venessian, pien de arte, anca se no ’l giustifica l’umiliante resa sensa condission de la Serenissima.”

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Chel mal desmentegon…
El fa girare el mondo, el tien in calda la minestra de i sentimenti, el fa stare in piè la casa, la fameja, la socetà, l’umanità. Epure anca in Italia le done le fa manco fiòi. Cossa xe canbià?
de Mario Klein
 
Memoria viva
Leggi l'articolo El venessian Gaspare Gozzi morto a Padova
Un bel raconto de ’l Papà su ’l tramonto de la Serenissima. Le figure più inportanti in te l’arte del secolo. La vita intensa, gloriosa e tormentà de ’l grande scritore
de Gigi Vaasoin
 
Teatro e Teatri
Leggi l'articolo ’Na rapresentassion dignitosa
Basta co’ i soliti classici inpegnài; ’desso el Teatro ga da divertire!
de Piero De Franceschi
 
Da Rovigo
Leggi l'articolo L’ùltimo sposalizio
de Gianni Sparapan
 
Da San Bonifacio (VR)
Leggi l'articolo Caro diario
de Enzo Coltro
 
Da la Lessinia Centrale (VR)
Leggi l'articolo I dani de l’aqua
de Luigi Ederle