Quatro Ciàcoe
Mensile de cultura e tradission vènete
de Gianni Sparapan

Da Rovigo

L’ùltimo sposalizio

… e i spusi vien fora de cesa pieni de alegrìa e de risi…
… e i spusi vien fora de cesa pieni de alegrìa e de risi…
A digo senpre che mi, ai matrimoni, a no ghe ’ndarò mai più al mondo. E inveze, o par on motivo o par l’altro, a qualche matrimonio propio no posso mancare, in gnissun modo. L’ùltimo sposalizio ca go consumà in qualità de invitato l’è sta quelo del fiolo de on me amigo del Basso Polésine, che ’l se ga maridà a setenbre.
Ma par no ’ndarghe da mi mi solo, a go ciapà acordi co Nerino e la Silvana. E co luri a se ghemo missi d’acordo de partire, senza magnare, verso le diese, par rivare presto in casa del sposo e poderse calare su le paste fine: canonzini, strode e magari qualcheduna de chele creme de na olta che quando ca te ghe mitivi i denti dessora più che in gola nostra i schizava crema in te i oci de quili ca ghìvino de fianco, par restare co la boca, i daman e le braghe tute infarinà.
E mi a li go spetà, sti amighi, par on’ora intiera: e difati i xe capità a le óndese, scusàndose del ritardo. Propio el ritardo ca ghe voléa par rivare in casa del sposo che sto sposo el jera za partìo da on quarto d’ora e no ghe jera più gnente da magnare in tola, za desparecià de tuti i antipasti.
Insuma za, a semo restà co la nostra vuòja e piutosto avilìi, a ghemo slongà le nostre buste co i schei del regalo a la sorela del sposo.
“Nò – la ne dise sta ragaza –: a semo d’acordo che le buste la vègna dà a la mama de la sposa!”
E alora andemo verso la cesa de sto paese, ignonde ca ghè el piazale pien de màchine lustre e infiochetà da sposalizio. E fin che mi e Nerino a ’ndemo in te on bar a bévarse el cafelate, la Silvana la va in cesa, la se fa insegnare la mama de la sposa e la ghe dà le buste, la mia e la soa.
Ma dopo on tòco la se incorze che i spusi no i xe i nostri, ma no la ga el corajo de farse dare indrìo i schei, e alora la vien fuora a ciamarne e dirne ca ghemo sbalià cesa, mama, spusi e paese e ca bisogna andare a Cavanela d’Adese, el paese de la sposa.
E alora parti, e intanto, in màchina, a se preparemo nantra busta co nantro assegno.
A rivemo a Cavanela ca ghè Aligi che ’l ne speta davanti la cesa, meravejà del nostro ritardo, e rìdare quando ca ghe cuntemo la nostra storia. E cussita, fin che la Silvana e Aligi i va in cesa, mi e Nerino andemo a magnarse na pasta fina al bar, ma cussì fina che la ne va zo senza gnanca mastegarla...
E intanto i sona le canpane ca ne dise ch’i ga finìo el matrimonio e che i spusi i vien fora de cesa pieni de alegrìa e de risi. E alora a se metemo d’acordo che par andare in ristorante la Silvana e Nerino i vaga da luri suli e che mi a ghe faga conpagnìa a Aligi che ’l xe in màchina da lu soo. Ma Aligi el me dise che ’l ga la màchina drìo la stazion de i treni, on fià distante da la cesa. E alora a partemo subito par andare a tore la màchina. Ma, vegnendo in qua, firmi al stop, no vedemo passare la màchina longa e infiochetà de i spusi e drio de luri tuta la fila del sposalizio? E alora a se ghe metemo in mezo a la colona de màchine ca stronbaza, contenti de averli ciapà in tenpo e de podere andare al ristorante senza la fadiga de zercarlo! E cussì, stando comodamente drìo de lore a vegnemo in zo longo la Romea, e dopo avere passà Rosolina a femo el cavalcavìa verso el mare e via de longo, stando de qua de l’àrzare zanco del Po de Levante.
E mai no rivemo al ristorante, na curva drìo nantra, co la fame ca me cresseva fin al barbizolo. Insuma za, el Signore ga volesto ca rivemo a Albarela, ch’i alza la stanga par farne andare drento.
“I gavarà canbià el posto a l’ùltimo momento” a ghe digo a Aligi.
E inveze a jèrino nantri ca ghìvino sbalià el sposalizio. Ma chi ca pensava che propio in te ’l stesso dì, in te ’l stesso paeseto, a se maridasse altri du spusi e che sti spusi i passasse davanti de nantri in te la stessa strada e in te ’l stesso momento!
“Ma tuti onquò, i ga da sposarse!” a go dito, ciamando forte Aligi che ’l zercava la mama de la sposa par darghe le buste.
Ma Aligi che ’l ga fame el me dise ca podarìssino anca magnare lì, visto ca bastava darghe la busta a la mama de la sposa par èssare a posto co tuto.
Par farla finìa, a ghemo fato altri vinti chilometri de strada, tanto da rivare al ristorante giusto del matrimonio giusto, ca jera le do e on quarto, co na deboleza ’dosso cussì granda ca ghìvino solo la forza de darghe la busta a la mama giusta.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Chel mal desmentegon…
El fa girare el mondo, el tien in calda la minestra de i sentimenti, el fa stare in piè la casa, la fameja, la socetà, l’umanità. Epure anca in Italia le done le fa manco fiòi. Cossa xe canbià?
de Mario Klein
 
Memoria viva
Leggi l'articolo El venessian Gaspare Gozzi morto a Padova
Un bel raconto de ’l Papà su ’l tramonto de la Serenissima. Le figure più inportanti in te l’arte del secolo. La vita intensa, gloriosa e tormentà de ’l grande scritore
de Gigi Vaasoin
 
Teatro e Teatri
Leggi l'articolo ’Na rapresentassion dignitosa
Basta co’ i soliti classici inpegnài; ’desso el Teatro ga da divertire!
de Piero De Franceschi
 
Da Rovigo
Leggi l'articolo L’ùltimo sposalizio
de Gianni Sparapan
 
Da San Bonifacio (VR)
Leggi l'articolo Caro diario
de Enzo Coltro
 
Da la Lessinia Centrale (VR)
Leggi l'articolo I dani de l’aqua
de Luigi Ederle