Quatro Ciàcoe
Mensile de cultura e tradission vènete
de Piero De Franceschi

Teatro e Teatri

’Na rapresentassion dignitosa
Basta co’ i soliti classici inpegnài; ’desso el Teatro ga da divertire!

Conpagnìa “Ribalta Veneta” de Mestre: na sèna de “Zente refada” de Giacinto Gallina.
Conpagnìa “Ribalta Veneta” de Mestre: na sèna de “Zente refada” de Giacinto Gallina.
Ogni tanto, salta fora qualchedun che prèdica che el Teatro el xe drio ’ndare in malora, e sùbito no’ manca queli che ghe risponde, che a salvare el Teatro, par fortuna, ghe xe i filodramàtici, che filodramàtici i resta anca se, de le volte, sarìa mèjo ciamarli co’ un nome diverso.
Có semo stà zóvani, co’ tanto entusiasmo, squasi tuti gavemo sercà de fare calcossa par ’sto salvatajo, e de filodramàtici e filodramàtiche ghe ne xe saltà fora un futìo. ’Desso, che la giovinessa la xe passà, se permetemo de dire che, da i teatrini indove se rèssita sensa saver ressitare, e se tenta de fare regìa e senografìa, magari co’ qualche atitùdine ma sensa gnanca un poca de preparassion, no’ xe mai nato gnente che gabia contribuìo diretamente a la vita de el Teatro, se no’, forse, a rèndarlo almanco un poco più popolare. Teatrini par pìcoli e particolari pùblici, che no’ i xe gnanca ’na scola de recitassion; inte ’l mèjo de i casi, i deventa ’na palestra, un “vivaio”, da dove pol èssare tirà fora da el diletantismo qualche bon elemento par scole didaticamente organizà, o portà ’vanti da la guida de esperti ben preparài.
Eco parché, ’desso, mi vorìa che i filodramàtici ghe molasse de crédare che ’na comedia la xe fata ben parché la rispeta i canoni de la “tecnica teatrale”, parché la famosa “tecnica teatrale” la xe ’na stupidità inventà da qualche autore (che autore el vorìa èssare, ma che in verità no ’l xe), de quei che no’ ga mai savudo scrìvare ’na comedia, e i serca de creare, par el so comodo, ’na rason de esìstare, sostenendo, come che le fusse legi, le so asinine deficense. La verità, invesse, la xe quela che ’na comedia, ancuò come ieri, par èssare viva e bela, la ga da èssare proprio ben fata, secondo i comandi de l’arte de chi che la ga scrita.
Xe mia convinsion, ma sò che ghe xe tanti che la pensa come mi, che sia ‘rivà el momento che tuti, professionisti e filodramàtici, i ghe mola par un tòco de portare in sèna Pirandello, Shakespeare, Moliere e tuti quei classici che ga tra de lori, anca a distansa de secoli, ’na streta parentela, se no adiritura anca ’na vera e propria somejansa.
Molarghe, parché xe oramai tuti stufi de védare ’sti lavori teatrali, fati, rifati e strafati, e che par questo ga bisogno de èssare messi in pension; stufi al punto che no’ xe pochi quei che, ogni ano, no’ rinova più l’abonamento ai Teatri più inportanti de le nostre çità venete, co’ el vivo dispiassere de le conpagnìe tute (che forse no le se rende ’ncora conto de el parché), de védare senpre manco spetatori in platea, se no’ adiritura védare che i se alsa da la carega za a la fine de el primo ato.
El Teatro, che vien fato in ’sti ultimi ani, e che el piaze tanto, ne fa védare e anca capire, come l’arte de la recitassion, a l’istesso livelo de tute le altre arti, la pol èssare fata da tanti bei spetàcoli, che no’ xe vere e proprie comedie, ma temi moderni, fati de monologhi o dueti de atori ben preparà, che sa tegnere viva l’atension de el pùblico presente par più de do ore, sensa stufare e ciapando a la fine ’na carga de longhi e meritài batiman.
La zente, al dì de ancuò, va a teatro parché la ga bisogno de divertirse, par rìdare, par desmentegarse tute le magagne e disgrassie che ogni dì ghe càpita inte le spale.
Fusse anca quel “teatro comico”, che oramai da tanti ani el xe proposto da un autore, e dizémoghe pure anca atore padovan; no’ xe che a mi personalmente ’sta forma de spetacolo la me piaza tanto (almanco lu ga provà a propore calcossa de diverso e, visto el sucesso otegnùo, pare proprio che el ghe sia riussìo!), ma no’ me piaze gnanca el personajo parché lo vedo senpre inpegnà de farse belo solo lu, magari co’ qualche batuta volgarota, sensa preocuparse tanto de insegnarghe a ressitare e farghe fare bela figura (come che jera usi fare i capocomici de ’na volta) a quei pochi atori, che in ogni so comedia, el ga bisogno de métare in sèna. Xe evidente però che ghe xe bisogno anca de ’sto tipo de teatro; e la zente, de qualsiasi cèto sociale, che vol divertirse e vol rìdare, de ’ste comedie la ghe ne va mata e la inpinisse ogni volta i teatri indove che le vien rapresentà. Mi, personalmente, vedo che ’na giusta via de mezo, tra el classico e comico, la podaria èssare quela de riportare inte ’l palcossènico l’inestimabile repertorio dialetale de el Teatro Veneto, par el quale ’sti ultimi quaranta ani me ga senpre visto inpegnà par la so salvaguardia, la so rivalutassion.
Un Teatro che pol èssare fato benon da professionisti e da filodramàtici (che da i professionisti i podarìa tanto inparare); un Teatro fato de bele e senplici comedie, veri capolavori, che no le ga la pretesa de tegnerte inpegnà el çervelo, ma che le sa divertire (e anca qualche volta farte vegnere el gropo in gola), senpre lassàndote drento de ti calcossa de morale, che ai tenpi de ’desso, no’ fa mai male.
L’arte de la recitassion la xe una, la xe senpre stà una, e senpre una la sarà, anca quando la xe rapresentativa de quel dialeto veneto, che da tanto tenpo se dize de voler recuperare.
Basta solo che chi se vol çimentare co’ ’sta arte, lo fassa co’ la consapevolessa che, parché ’na comedia la possa èssare considarà bela e bona, no’ basta inparare a memoria un copion, vestirse in màscara e saltare sora un palco, ma bisogna soratuto ’vere rispeto de el pùblico, darghe quelo che el vol védare e che el ga bisogno de védare, ma anca saverghe dare, co’ tanta passion, preparassion e soratuto sensa inprovisassion, ’na dignitosa rapresentassion, rispetosa de quele che xe stà le intension de l’autore có el ga scrito quel copion.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Chel mal desmentegon…
El fa girare el mondo, el tien in calda la minestra de i sentimenti, el fa stare in piè la casa, la fameja, la socetà, l’umanità. Epure anca in Italia le done le fa manco fiòi. Cossa xe canbià?
de Mario Klein
 
Memoria viva
Leggi l'articolo El venessian Gaspare Gozzi morto a Padova
Un bel raconto de ’l Papà su ’l tramonto de la Serenissima. Le figure più inportanti in te l’arte del secolo. La vita intensa, gloriosa e tormentà de ’l grande scritore
de Gigi Vaasoin
 
Teatro e Teatri
Leggi l'articolo ’Na rapresentassion dignitosa
Basta co’ i soliti classici inpegnài; ’desso el Teatro ga da divertire!
de Piero De Franceschi
 
Da Rovigo
Leggi l'articolo L’ùltimo sposalizio
de Gianni Sparapan
 
Da San Bonifacio (VR)
Leggi l'articolo Caro diario
de Enzo Coltro
 
Da la Lessinia Centrale (VR)
Leggi l'articolo I dani de l’aqua
de Luigi Ederle