Quatro Ciàcoe
Mensile de cultura e tradission vènete
de Enzo Coltro

Da San Bonifacio (VR)

“I Pistonieri dell’Abbazia” de Badia Calavena

El vecio presidente de i Pistonieri de Badia Calavena.
El vecio presidente de i Pistonieri de Badia Calavena.
Badia Calavena, in cinbro Àbato, l’è un paeseto de montagna gran belo, situà in provincia de Verona. El so teritorio el va dai 450 ai 920 metri de alteza e l’è caraterizà dal verde de i prà e de i boschi, con un variar de colori che solo le stajon le sa pareciar.
La storia la ne insegna che un s-ciapo de Bavaresi l’è emigrà te ’l Veronese nel 1053, par colpa de ’na carestia ch’è durà dies’ani. L’autorizazion a vegnèr da nantri la gh’è stà dà dal vescovo de Verona Walther, che l’era un todesco. Nel 1287 el vescovo Bartolomeo de la Scala el ga dà el parmesso a do fameje todesche a stabilirse in Lessinia.
Col tenpo, Badia Calavena la se ga inpienà de Cinbri e sta popolazion l’è deventà la pi inportante del logo, tanto da rivar a domandar un capelan de lengoa todesca parché ormai no se parlava altro.
Sul colmo del Monte San Piero è stà costruìo un castel beneditin e pi tardi un monastero volù dal vescovo de Verona Werther. Sti monti i è stà disboscà e la tera l’è stà laorà da i coloni todeschi.
Nel 1892 la vecia abazia l’è croà zo par colpa de un teremoto e l’è stà rifata, ma difarente da come l’era prima, tenpo dopo.
L’8 majo 1992, a Badia Calavena se ga costituìa l’Associazion Folkloristica ciamà “I Pistonieri de l’Abazia”. I pistonieri i sbara co ’n’arma da fogo ciamà in diverse maniere a seconda de i loghi: tronbin, tronbon, piston, spingarda, s-ciopo da sbaro, s-ciopo grosso e s-ciopo da sagra.
Te ’l primo documento (1839) se parla de tronboni e pistoni, e ci li dòpara i è i pistonieri che sbara le pistonà. Nel 1907 se parla inveçe de tronbini.
El tronbin, caraterizà da ’na cana co ’na gran svasatura, pare che no ’l sia mai stà ’n’arma da ofesa. I Cinbri i difendèa infati i valichi da i so nemici doparando lance e s-ciopi (archibugi), secondo la relazion del 1616 del capitano Giovanni Contarini.
El piston da cacia del ’600, secondo G. Rapelli, l’è stà el prototipo de i tronbini de ancò. L’evoluzion pare che la sia avegnùa in tenpo de pace, dopo el scontro tra Venezia e l’Austria del primo ’500.
El tronbin l’è deventà cossì ’n’arma da doparar in tante ocasion de festa: dal matrimonio a l’arivo del novo pàroco, a le sagre de paese, par saludar el novo ano e par tante altre ocasion.
Un pistoniere che sbara col so tronbin.
Un pistoniere che sbara col so tronbin.
I pistonieri, co i so sbari, i ghe dà un çerto colore a tute le cerimonie indò i è invità e i tronbini i vien amirà par la so fatura assè particolare, par le scrite che se leze sul calcio e par le figure che ghè scolpìe.
Par descrìvar come l’è fato un tronbin basta dire che ’l ga un calcio cossì esagerà che no se pol postarlo a la spala e gnanca se pol métarlo par tera, parché el sbaro el lo farìa saltar par aria.
A ’n’alteza ’torno al mezo metro, ’ndò ghè la càmara de scopio, scominçia la cana, de un calibro pi grando del normal; in sto stesso ponto la cassa la forma ’n angolo de 45 gradi. El tronbin el finisse co ’na canpana metalica roersa, senza batocio, e in più gh’è l’inesco e el grileto par sbarar.
S’a l’è vera che i fusili i è classificà o da guera o da cacia, el tronbin no l’è donca gnanca un de i du e alora calche studioso l’è rivà a pensar che sicome i Cinbri par disboscar i se slontanava assè da le contrà, có i era in perìcolo i lo sbarava par domandar aiuto. La bòta l’era cossì forte che la se sentéa da assè distante.
El mese passà son nà a catare el presidente de i Pistonieri de Badia Calavena, Nereo Stoppele, un tòco de omo bien piantà e pien de entusiasmo par l’atività che ’l rapresenta. Mi era insieme a ’n amigo e da lu ghemo savù tante robe che no conossévimo. Par esenpio i veci del paese i ciama “s-ciopi grossi” ste arme parché i tronbini, pur somejàndoghe e ’sendo sbarà a la stessa maniera, i è pi pìcoli. Uno de i tri s-ciopi de la fameja Ferrari el pesava 48 chili e sti atrezi i se tramandava da pare in fiolo, cossì come la passion par sbararli. A ogni modo i tronbini i pol pesar da i vinti ai quaranta chili e oltra.
L’è gran belo védar in azione el grupo de Pistonieri, co i tronbini ben lucidà e i so costumi cossì particolari.
El tronbin el se càrica co pólvare da sbaro e parché ’l s-ciopo “no ’l vaga par erba” (no ’l scapa for da le man) ghè tuta ’na manovra da far. Bisogna infati adatar i movimenti de l’omo al rinculo del tronbin, fato assorbir da la rotazion de l’arma stessa che, al momento del sbaro l’è postà al brazo sinistro del pistonier e a la fine la se cata co la cana postà a la spala sinistra, dopo aver fato ’na rotazion de 180 gradi. Mia fàçile!
Nereo Stoppele el ne ga contà che so nono Euprepio el faséa fabricar un tronbin ogni olta che ghe nasséa un fiolo. El nono el gavéa un famoso tronbin che se ciamava “Boca Mora”. Tuti sti s-ciopi i gavéa el so nome: Lustrin, Stabat Mater, Teremoto, el Basalisco…
Ma el sbaro del “Boca Mora” l’era ’na roba da far restar a boca verta. Euprepio el gavéa fato fabricar el so giojelo a San Bortolo, paese de la Lessinia situà subito dopo Bolca, nel 1904 e el so sbaro el se sentéa a chilometri e chilometri de distanza e el faséa parfin saltar in tocheti i véri de le finestre.
El tronbin.
El tronbin.
Sti ani ogni paese el gavéa i so artesiani che fabricava i tronbini. A Badia Calavena ghera Virgilio Pellicari, che l’è riussìo a fàrghene ’na trentina. Par finìrghene uno el ghe metéa sie-sete mesi, ma el faséa de i capolaori, scolpendo el calcio co le figure pi svarià e co scrite che faséa meditar.
A partir da i ani ’50, el spopolamento de la Lessinia e in più el regolamento de le arme da sbaro i ga messo te un canton la tradizion del tronbin, ma par poco, parché ga scominçià a nàssar de le associazion folkloristiche col scopo de valorizarlo: tra le altre a San Bartolomeo de le Montagne nel 1976 e nel 1992 a Badia Calavena. El grupo “Pistonieri de l’Abazia”, forte de 15 elementi, el sta promovendo el tronbin soratuto in Germania, indò esiste za de i grupi de sbaradori.
Par conclùdar sto artìcolo, vorìa riportar la frase scolpìa sul calcio de un tronbin:

Vedermi ti fo spavento
Provami che resterai contento
Abbi maniera nel caricare
se in terra non vuoi andare
il piacere che tu mi fai
sempre in spalla
in terra mai.

da: “I Pistonieri dell’Abbazia”- Il trombino - 1998. (Grafiche Busti, Colognola ai Colli-VR)

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Ormai la xe na strage
Più se ghe ne parla e più se zerca de métarghe on freno a la violenza su le done, più aumenta i deliti contro “l’altra metà del cielo”. El fenomeno xe in continuo aumento: solo in Italia, vien copà pi de 100 done ogni ano. Cossa dire? Cossa fare? Cossa sperare?
de Mario Klein
 
Teatro e Teatri
Leggi l'articolo Gino Rocca e el so teatro
de Piero De Franceschi
 
Da la Marca
Leggi l'articolo Cachi e piostri
de Emanuele Bellò
 
Da Maran Lagunare (UD)
Leggi l'articolo Me insumievo de zorno
de Bruno Rossetto Doria
 
Fantasìa visentina
Leggi l'articolo L’apalto
de Maria Penello Mingardi
 
Da San Bonifacio (VR)
Leggi l'articolo “I Pistonieri dell’Abbazia” de Badia Calavena
de Enzo Coltro