Quatro Ciàcoe
Mensile de cultura e tradission vènete
de Luigi Frosi

Tradission

Come zugàvino na volta

...xe vignù fora i trenini, prima a mola e dopo anca elètrici.
...xe vignù fora i trenini, prima a mola e dopo anca elètrici.
Xe passà da poco Nadale e la Befana, stajon de regali par grandi e pìcoli (de preferenza). Par ste ricorense la zente se trova in crisi: “Cossa regalémoi a sti tosati, che al dì de incò i ga tuto e pi de tuto?!” A me vien in mente quando che jero putèo mi: no ghe jera i zoghi de incò, no ghe jera el compiuter, la pleistession, i videoregistratori, no ghe jera l’“appy meal” de Mac Donald, gnanca i Pokemon, i cartoni animati e la television che ancò tien i putèi inpegnài tuto el dì.
Però, anca alora come incò, ghe jera i grandi che diseva che quando che i jera pìcoli lori no ghe jera i zoghi che ghévino nialtri. Spece dopo la guera, co la Befana Fassista, ghemo tacà védare le prime bale vere, de goma, qualche s-ciopeto de legno, le figurine, el mecano, el trenin elètrico par i pi siori… A chei tenpi no ghe jera tanti zoghi come ancò, se divertìvino co robe pi sènplici e naturài, epure disemo senpre che se divertìvino tanto e jèrino pi contenti de i tosatèi de ’desso; ma xe vero anca che có vedemo i nostri nevodeti zogare, a se divertirìssimo anca nialtri a ciapare in man uno de chei strafanti ’letronici e farghe védare che no semo proprio cussì rinbanbìi!...
A go leto che i zoghi par i putèi, el xe un modo par simiotare i grandi ne i so lavori de tuti i giorni; infati, da quando ghemo visto le prime màchine par le strade, i putèi, ga scuminsià a zogare co le machinete; da quando se ga visto i treni córare, xe vignù fora i trenini, prima a mola e dopo anca elètrici. Po’ pensemo a le bànbole, prima le se fazeva co na calsa vecia inpinìa de segaura, un giro de spago par far vegner fora la testa, do botoni par i oci e co na pena se disegnava la boca e el naso, na ligadina in fondo par no far scanpare la segaura par soto e via a vestirla. ’Desso invense ghe xe la Barby co tuti i so guardaroba in mile version, bànbole che parla... che pianze... che se bagna soto e tute e atressadure pi moderne...; par i mas-ceti, invesse, tuti chei mostri giaponesi, le pistole ’letròniche… e cussì i inpara a deventare grandi. Xe da dire anca che i grandi i dòpara le robe come se le fusse de i zughi; par esenpio, el “telefono cellulare”: i grandi i lo dòpara come se ’l fusse un zugàtolo; intanto i lo ciama za “telefonin”, i se diverte métarghe na sonerìa spiritosa e alegra e quando che i lo dòpara, anca par la strada, i parla de afari, de schèi, de clienti e apuntamenti vari.
Ai nostri tenpi, invesse, i zughi doveva èssare preparài e costruìi. Chi no se ricorda el caro armato, che fazévimo co i rochèi del filo de la nona: un rochèo, un elàstico passà par el buso e inciodà da na parte, un bachetéo da st’altra, caricàvino l’elastico e via, la gara scuminsiava e quelo che fazeva pi strada el vinseva. Senò el pìndolo, co un vecio mànego de scoa: co un tòco se fazeva el baston par tirare e co un tocheto pi pìcolo se fazeva el pìndolo co la ponta parte pa’ parte e via la sfida a chi lo tirava pi lontan. E zugare a scaja su le pissinare dopo la piova, a chi ghe fazeva fare pi salti dizendo la filastroca: “uno, due, tre scagafasolo”. O se te ghevi un s-ciopeto de legno, fato dal papà parché te jeri stà bon, a te paréa de èssare un generale e te marciavi cantando: “Andemo a la guera col s-ciopo par tera, col s-ciopo par man, pin, pun, pan!…”
E, ve ricordèo el “trabìcolo”, el caretin de tola co tre cussineti a sfere, magari robà dal mecanico, e via a spénsarse, na volta mi na volta ti e, che gratàe su i déi có te catavi na buseta e lu l’andava co le rode par-aria e ti drìo. Sensa parlare del ”scalon”, su ogni sélese ghe ne jera uno disegnà, col gesso portà casa da scola, sensa farse védare dal bidèo, o co na scaja de piera e saltando, anca là la so cantilena: “A la larga, a la streta, pinochio in bicicleta, oilì, oilà, pinochio xe cascà!” E tuti i zoghi de le putèe: quelo de a “coca”, co i ossi de armein o de pèrsego, a tirarli sù uno a la volta senza métare zo st’altri, o do a do e via a chi che jera pi brava.
Me ricordo che mi me piaseva assè lavorare col traforo e ’lora, co i ritaji de conpensato che ’ndavo tore dal falegname Camporese, a ghe fazevo i mobieti par le bànbole a me sorele che le zugava senténdose come signore. D’istà invense jera el tenpo de i cuercèi, le piste segnà par tera par fare el giro d’Italia, e dentro ai cuercèi la figurina de i coridori pi famosi de l’època, Copi, Bartali, Magni, Cotur, Girardengo…, co le montagne e i passaji pi difìssili parché el zogo fusse pi emossionante. Sinò se dàvino da fare par tirar fora qualche bela forcela da le siese par farse la fionda, do strisse de caramadaria e un tocheto de curaméa eco fato el tira-sassi, do tre bussoloti sora la mureta e via.
Quanti zughi: a ghe vorìa un libro intiero par segnarli tuti, e ancora no bastarìa parché, la testa lavorava dì e note, e de giorno la nostra creatività se sfogava par trovare un modo novo de divertirse. Che tenpi, ragassi, altro che la television che te insiminisse su: la va ben par nialtri vecioti, che ’romài a se svejemo ogni matina co na magagna nova…

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo 8 marzo: Festa de la dona?
Come ricorenza storica, par ricordare le 129 operaie, morte parché le se ga ris-cià protestare, la podarìa anca starghe, ma come festa par le conquiste sociali realizà da la dona, ghe xe poco da festejare
de Mario Klein
 
Sgiansi de sagessa antica
Leggi l'articolo Costumaje d’un vìvare vilan
’Delia e Vana, do comare in confidensa tra de lore, rovijando tra rogne de fameja, invia un filò in pescarìa, fregàndosene de st’altri che scoltava
de Dinerio
 
Tradission
Leggi l'articolo Come zugàvino na volta
de Luigi Frosi
 
Da Maran Lagunare (UD)
Leggi l'articolo A pescà con la togna
de Luigi Frosi
 
”La Sguaratà” – Ciàcole adriote
Leggi l'articolo La Pina “Donata”
de Romano Beltramini
 
Da San Bonifacio (VR)
Leggi l'articolo Laudato si’, per sor’aqua...
de Enzo Coltro