Quatro Ciàcoe
Mensile de cultura e tradission vènete
de Gianni Fioretto

Da Isola Vicentina (VI)

Na sagra inbrojòna

Ecco qua le famose giostre che ga fato e fa ancor sognare el cor de grandi e toseti. (foto de Maria Giovanna De Franceschi)
Ecco qua le famose giostre che ga fato e fa ancor sognare el cor de grandi e toseti. (foto de Maria Giovanna De Franceschi)
“La Festa de ’e Palme se festejava in ponpa magna co Messa cantà e tante orassion; po’ i ga zontà anca la Sagra e le robe no ’e xe stà pi come prima.” Cossì la diséa na volta me nona Bijeta.
El bon Don Giorgio Bellò, pàroco par tanti ani a Isola Vicentina, el spicìfica che la Sagra xe vegnesta fora dopo el 1906, có gera stà benedìa la nova cesa. Sta cesa la jera tanto bèa e slusente, in special modo el so Presbiterio: so ’e gran ocasion vegnéa inpissà tute ’e candele che lo faséa cossì brilare che te paréa da èssare rivà a le porte del Paradiso.
Da ’lora, da i paisi vissin e distanti, la jente ga scumissià rivare a flote. Pi tardi, ga scumissià a rivare quéi col sesto pien de dolsi e po’ i giostrài.
Ricordo co na serta nostalgia, la spissa e la voja de divertirse che la jente ga demostrà i primi ani, dopo che la guera del ’45 jera stà finìa. Anca i me oci sognava, in chéa primavera piena de sole che basava co dolcessa i me nove ani gnancora conpìi.
Chéa stimana jera passà cossì de pressa, spartìa fra le Quaranta ore de Adorassion e la scola, che me so’ catà in cesa, la doménega de ’e Palme, a scoltar co passion Messa grande cantà. A somejava cossì caressèvoe ’l mondo che, có go traversà la piassa carga de jente col soriso stanpà so ’a boca, el “ciao” de i amissi e po’ sti soni de musica e de canson che me infogava l’ànemo, a me paréa de zolar.
El dopomeodì, svodà fin l’ultimo petachin de ’a musina, go ciapà la strada bianca che portava a ’e giostre, so ’n inboresso de pensieri che mai ghea conossesto. ’Pena de là del ponte de Rasela, la fraca de jente me ga ciapà rento i so ingranaji tanto da somejar spighe al vento sora on mare in burasca, fra on sigar de gioia e de paura fin che, a furia de spentuni, so’ riussìo a vegnèrghene fora proprio davanti ’a botega de Caselaro.
Pi ghe penso e pi me convinso che ’l destin jera lì che me spetava; difati, ’torno on tavoin la jente vardava on sior che soto tri deài da sarto el faséa sparir na picoìssima baéta nera. Vinséa chi indovinava soto qualo deale ghe jera la baéta.
“El vègna vanti lu, caro, co ’a facia da furbo, se ’l vol vìnsare on franco” me ga dito sto omo; “el punta tri schèi so ’l deale che vinse.” Cossita xe scumissià l’aventura e, a farla curta, dopo on po’ tuto el me gran tesoro el gavéa scanbià scarsela.
Có me so’ catà de novo fora da chel sercio malefico che me gavéa incantesimà, el mondo co tuto el so peso me xe crolà ’dosso e a testa bassa, traverso on longo giro de scùrsoli, me so catà ancor na volta so ’a me cara boscheta, che proprio come na mama la ga rancurà tuta la me disperassion. Solo ’lora, fra ’e làgreme, go capìo quanto bauco me gero demostrà.
Quando, dopo non sò quanto, me son ribadìo, el sole ormai straco staséa caressando la Madona so ’l monte Sesila de Canpogrosso.
Spetando ’e onbrìe de ’a sera, me so’ messo scoltar la musica de ’e giostre e come in sordina, pinpian, la ’dolsìa chel gropo amaro che su e zo me rosegava ’a gola e... so ’n ultimo rigolar de comossion, go giurà che mai me sarìa prestà ancora al zugar de schèi.
Do foto stòriche de la Piassa de Isola Vicentina co le giostre per la sagra. (foto inprestà da la Biblioteca)
Do foto stòriche de la Piassa de Isola Vicentina co le giostre per la sagra. (foto inprestà da la Biblioteca)
Quanto difarente me gavéa sognà sta festa, so i me gireti ’nte ’e montagne russe, so i scuntri e, soratuto, so ’e careghete, sfidando i amissi a chi saria ’ndà pi alti. Gavarìa fato anca on gireto so ’e gabie e gustà na spola de sucaro filà e magari anca on gelato.
Me ga fato tanta teneressa ricordare chéa giostrina de du veceti, che i toseti pi pìcoi montava sù co ’a felissità so i oci, anca se ’e carosse jera vece stravece; sti tosatèi se godéa tirar na corda e gustar el fis-ciar del treno, cossì fra ochete, na bicicletina, na pìcola barca e altre figure, i faséa a gara pa’ ciaparse on posto. L’atrassion la ofrìa on musseto, magro, pèle e ossi, che, tacà a la stanga de ’a giostra, come se fusse on zugar sensa fadiga, el faséa nar ’torno tuto sto po’ po’ de roba sensa mai fermarse.
Ormai el scuro gavéa cuerto anca ’e magagne de ’a me sofarensa, cossì me so’ onsà nar fin la fontana de San Rocco: anca l’aqua de sta fontanela paréa ’pena sfiorar el pastrociamento che so ’e massèe e so i oci se jera incatejà.
Có me so’ presentà a me mama, tuta ansiosa la me ga tenpestà de dimande e po’ vardàndome so i oci la me fa: “Varda come te ga ridoto la sagra, no te gavarè speso tuti i schèi, spero?”
A me gavarìa messo criare n’antra volta. Ma ela ga seità: “Sàpia quanta batarìa te ghè magnà, xe mèjo te disi sù le orassion e te vai in leto; doman te vè a scola e bisogna èssare ben rapossà.”

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo No la xe pi l’istà de na volta
Xelo l’omo che ga canbià el mondo o xelo el mondo che ga canbià l’omo? Fato sta che gnanca pi le stajon no le ghe someja a quele che se ghemo lassà a le spale. E che magari rinpianzemo…
de Mario Klein
 
Teatro e Teatri
Leggi l'articolo Giuseppe Adami
de Piero De Franceschi
 
Da Maran Lagunare (UD)
Leggi l'articolo Pescaòr co i guanti
de Bruno Rossetto Doria
 
Da Vicenza
Leggi l'articolo Al Cenàcolo... se traduse in dialeto!
de Ines Scarparolo
 
Da Isola Vicentina (VI)
Leggi l'articolo Na sagra inbrojòna
de Gianni Fioretto
 
Da San Bonifacio (VR)
Leggi l'articolo Caro Dino, eco ’na scola col to nome…
La Scola Elementare de Brognoligo de Monteforte d’Alpone intitolà a Dino Coltro
de Enzo Coltro