Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

Da na porta a l’altra

Eco qua el moeta che passava da na casa a l’altra… (foto Italo Colombo)
Eco qua el moeta che passava da na casa a l’altra… (foto Italo Colombo)
“El magna come on deslubià”, se diseva on tenpo se uno magnava in pressa e mae. E l’è on sercanton, se diseva invesse, o anca on preocòn, se el ’ndava in giro, domandando qualcosa sensa tanta creansa.
St’altro modo de dire, invesse “el va de singanon da na porta a l’altra”, se ghe diseva a chi o ’ndava a ciacolare par le case, opure el ’ndava par carità. Sì, parché alora no se diseva “a elemosina”, ma par carità, fermàndose davanti a tute le porte che alora le gera quasi tute des-ciavà, verte insoma, sensa ciave, e pian pianeto te sentivi dire: “Carità par l’amor de Dio”.
Pì tardi, da na porta a l’altra, “di porta in porta” se dirìa adesso par talian, gavéa scumissià a vegnere tanta gente, ognuno in serca de qualcossa. A la matina presto rivava el fornaro, on toso biondo che se ciamava Carlo o Carleto. El saludava la zia Gilda col so bongiorno alegro, e po’ fis-ciando el partìa da novo, portàndose drio on odore de pan cussì bon da farte vegnere voja de magnare.
Da Solesino rivava invesse el pessaro, co la so casseta de sardine coverte de giasso. El desmontava da la so bicicreta e, ogni volta che ’l rivava el gavéa senpre qualche storieta nova da contare. Gera cussì che noantri tusiti se ghe girava ’torno curiusi par scoltarlo. “Savìo, parona…” me ricordo che ’l diseva na volta, “parcossa che la sela de la me bicicreta la xe cussì streta e dura? Parché la me maca lì sol sentare e cussì mi a coro de pi, par rivare a casa in pressia.” La paréa proprio on pesse longo e seco sta sela de bicicreta e cussì lu, tra na ridada e l’altra, el vendéa el so pesse. “El me pare straco” diséa a volte la zia. “Védeo che oci chel ga?” “Ma, siora, par forsa l’è straco, co tuta la strada che ghemo fato! E sì che lo go senpre portà!” Sì, el gera proprio sinpàtico el pessaro de Solesin, e el faseva alegrìa có ’l rivava co la so casseta de pesse quasi senpre straco (vecio), in mezo al giasso.
Ma el rosso gainaro no ’l gera de manco. Queo gera al contrario del pessaro, grasso, co le ganbe che lo tegneva in piè co fadiga. El se strapegava drio la so bicicreta e, quando che ’l montava sù, te vedivi che la sela la se sbassava, anca se la gavéa le mole grosse rinforsà e la gera cussì larga che la ghe somejava al panareto de la poenta. Rosso de facia, par questo i lo ciamava “el rosso gainaro”, co on capèo vecio in testa, color maron, te lo sentivi che ’l gera ancora in strada có ’l ciamava disendo: “Ei, parona, me ghio ciamà? Ghio gnente par mi?” E noantri se coreva in strada a vardarlo passare. Pi de na volta el ne faseva córare, dato che se gavéa le ganbe bone e lu no, par dire in casa: “Xe rivà el gainaro, mama, xe rivà el gainaro!” Se ghe gera qualche polastrèo da vèndare, lu el ghe supiava sora le pene, par védare se el gera san, e po’ el voea darghe pochi schei, tirando fora senpre na magagna, anca se el gaeto gera beo san.
El strassaro rancurava strasse de tute le qualità, fora che i retaji de sartorìa. El le pesava co la so balanseta, e el gera proprio poco quel che se ricavava. A meno che no se ghe zontasse qualcossa altro da vèndare, parché questo rivava sigando: “Strasse, ossi, fero vecio, péo de mas-cio, megóe de suca…” Penseve valtri, cossa in chel tenpo se butava via, proprio gnente. Tuto se rancurava, tuto gavéa el so valore.
Me ricordo anca el veceto che, senpre in bicicreta, rivava co na sporta vecia tacà al manubrio, piena de tòchi de buro. El diséa che ’l gera speciàe, fato in casa, e alora la mama la me ne conprava on tocheto par mi, ca gera la pi delicata e el consiero de mas-cio o de arna el me gera massa pesante.
Alora se faséa in casa anca el saon, co i ossi e na polvareta conprà in farmacia, el tuto bugìo drento on calieron. Anca i biscoti ne faséa la mama. Anca le scarpete fate col vecio capèo de pano, tute strapontà a man.
Co le stofe sora el portapachi de la bicicreta, passava anca la Antida, rivà senpre da Solesin. E l’ometo che vegneva torse la naranseta, me pare ancora de védarlo, curvà soto el so saco sora le spae, tuto pien de ste erbe inprofumà. Che adesso, par talian, se ciamarìa melissa, bona pa far tante robe, e che da noantri ghe ne jera tanta drio le siese ’torno i canpi. Ghe gera anca quei che rancurava i fiuri de tilio. El decoto se lo faseva anca el popà, de le volte, co i tili. El faseva ben par la tosse. La gramegna gera par le vie urinarie, ma quea nessun passava a sercarla.
El moeta? Queo che gera el personajo pi sinpàtico de sti anbulanti in bicicreta, el gera proprio el moeta. Noantri se cantava in coro le so canson e se se divertìa proprio tanto. “Signori, xe qua el moeta, che xe che vol molar, vegnì tuti in freta le forbici a portar. Cortèi e tenperini portèi qua da mi, no ghe xe nessun al mondo, che mola come mi. Me pare faséa el moeta, mi fasso el moetin, e morto che sia me pare, el moeta farò mi.” Serto che se ghe penso ben, el vien proprio da tanto distante sto canto del moeta…
Eco vedì che, anca se ghe gera pochi soldi, e poco progresso, i nostri vendituri se daseva da fare istesso, par ciaparse on franco.
Serto che la roba bea, pi curiosa, che ne faséa bàtare el core de contentessa e de curiosità xe restà la sporta de la mama. Có la se vedeva rivare tacà al manubrio de la bicicreta, spenzù da la mama su par la salita al ritorno dal marcà, la nostra gera tuta na corsa. E i nostri oci sercava lì drento, indovinando cossa la mama ne gavarìa portà de novo. Na canotiereta, na faneleta, do mudandete, o on par de calsetini? Qualche volta magari solo na naransa o do carobe. No gavéa inportansa el valore, parché chei momenti de atesa gera par noantri pìcoi on qualcossa che podéa ciamarse felissità.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo No ne resta che vardare in sù
Xe un tòco che vardemo basso, parché ne pare che ne manca la tera soto i piè. L’alternativa xe quela de provare a alzare i oci al zielo e sperare che on filo de luce, on lanpo, na sita, on s-ciantiso el ne ilùmina la strada da ciapare
de Mario Klein
 
Da i Coli Euganei
Leggi l'articolo Da na porta a l’altra
de Gemma Bellotto
 
Da Adria (RO)
Leggi l'articolo È scuminsià le scuole
de Sergio Bedetti
 
Da Isola Vicentina (VI)
Leggi l'articolo Personaji de na volta
de Gianni Fioretto
 
Da Verona
Leggi l'articolo Un indorador gran brao
de Giacinta Dall’Ora
 
Da San Bonifacio (VR)
Leggi l'articolo I pronomi de uso… personale
de Enzo Coltro