Quatro Ciàcoe
Mensile de cultura e tradission vènete
de Enzo Coltro

Da San Bonifacio (VR)

Ultimo de l’ano a Salisburgo

Hallstatt: uno de i paeseti pi bei del mondo.
Hallstatt: uno de i paeseti pi bei del mondo.
Ciò, a me son dito, prima che ’l governo el me magna i quatro schei che go messo da parte te ’na vita, l’è mèjo che ghe daga un fià de aria mi. Co i tenpi che core, el spred che ’l fa el mato, nando sù e zo come in scunarola, l’Imu e le bolete che piove sul gropon cofà la tenpesta su i armelinari, no se sa pi come la narà a finir. Alora cossa volìo métar via? A ghi ’n vol cossì tanti ancò che no val la pena de vìvar come i piàtari. S’a se ga quatro franchi pin pianin i diventa tri, po’ du e infin a te te cati lustro come un candelabro de oton fregà col Sidol. E no parché te voji spèndarli ti, ma parché i te li cava fora da le scarsele i altri!
Alora mi, me mojèr e ’na copia de amiçi cari emo deciso de métar in pratica chel che uno el predicava prima che s-ciopasse de colpo la crisi. Ve ricordo che ’l parlava de ristoranti e de aroplani tuti pieni e donca che no l’era gnente vera che la nesse mal, anzi! Dopo se ghemo catà inveçe, for che i siori, tuti in braghe de tela co i tassèi.
Noantri, inveçe che in aeroplano, a semo partìi in màchina e, dopo un viajeto de çinque ore, semo rivà te la çità de Mozart. A Salisburgo tuto se move ’torno al grande musicista, parfin i ciocolatini; infati le “bale” de Mozart a i è conossùe dapartuto e tanti se le porta a casa par lori o i le regala a parenti e amiçi. Ghè da dir che Salisburgo l’è ’na gran bela çità…bela e cara. Là se paga par visitar tuto, però s’a se conpra ’na tèssara che se ciama Salzburg Card, co 35 euro se pol entrar quasi dapartuto e anca viajar te i bus e te le gabinovìe.
Semo partìi vènardi 28 dicenbre e semo tornà el 1° genaro sera. ’Sa ghemo visto? Tuto o quasi. Èrimo senpre in volta. Se partiva la matina dopo colazion e se tornava la sera par la çena. Ghemo visità la residenza de i arcivescovi co la colezion de quadri de pitori famosi, el Domo, le varie piazze, la forteza Hohensalzburg co de le sale e de le stue de ceramica da vardar a boca sbalancà. Emo visità anca la casa indò stava i Mozart e ghemo visto chela indò l’è nato el musicista. Po’, te ’l cimitero de San Sebastian se semo fermà davanti a la tonba de i genitori de Wolfgang: Leopold e Constanze. Chela del musicista no la esiste, parché có l’è morto l’era cossì in boleta che l’è stà sepelio te ’na fossa comune.
A Salisburgo, çità de arcivescovi, ghè un progno de cese tute gran bele; penso che noantri le ghemo visità quasi tute!
In funicolare semo nà sul monte Untesberg (1853 m) e ve confesso che mi no go mai vardà fora dal finestrin par no nar incontro a calche problema fastidioseto!
L’unica olta che semo nà fora da Salisburgo, l’è stà par védar el paese pi belo, penso, de tuta l’Austria. Se ga tratà de Hallstat, costruìo su piloni inpiantà te ’l lago Halstättersee, parché ghera massa poco spazio su la costa. Gavéa nevegà calche giorno prima e el navigator el ne ga segnalà ’na stradeta un fià stretina par rivar prima. Ben! Semo passà in mezo a paesagi che se pol solo insognarse. La neve la cuerzéa tuto, boschi e case e nantri a sgranar i oci a vardar tuta la maraeja che ne ofriva chei posti…Po’, eco el lago e el paeseto de sogno.
Fora zona ghemo ’vù el tenpo de védar anca el Palazo de le Terme frequentà da Sissi e dal Kaiser Franz Joseph (“Ceco Bepe”), cossì come la Kaiservilla piena de trofèi de cacia de l’Imperatore. Tuta sta roba l’emo ’ista fin al 30 dicenbre. L’ultimo de l’ano lo ghemo dedicà a i giardini Mirabell. ’Torno al 1606 l’arcivescovo Wolf Dietrich el ga fato costruir apena fora da i confini de Salisburgo el castelo de Altenau par la so convivente, Salomè Alt, che la ghe ga regalà 15 fiòi! Prolifico, no?, sto arcivescovo, però a un çerto punto i lo ga messo in gatabuja proprio par sta atività mia massa indicà pa’ un religioso. Ma èreli po’ de i religiosi i arcivescovi de chela çità? Dopo de Wolf i altri i ga ingrandìo el posto, i lo ga ciamà Mirabell e i lo ga fato deventar la residenza estiva de altri arcivescovi.
Soratuto el dopomagnà de l’ultimo de l’ano l’è senpre dedicà a concerti de musica de Mozart, a Salisburgo. I ghi ’n fa dapartuto! Noantri semo restà a scoltar chel de Yu-Yang Zehetmair Cello, ’n’artista cinese brava assè a sonar el piano (paréa che la gavesse quatro man, no do!) e el violoncelo.
Rientrà in albergo, a St. Leonhard, ghemo trovà pronta la çena, po’ ghemo ciapà sù e semo tornà a Salisburgo par festejar l’arivo del novo ano.
Le piaze le era tute strapiene de zente. Za co’ ghera ancora ciaro, verso le tre del dopomagnà, i gavéa scominçià a molar i foghi e se sentéa scanonar dapartuto. Dopoçena no ve digo cossa è sucesso. I sbarava come mati in ogni parte de la çità. Se vedéa rivar a s-ciapi le butele e quasi ogniuna la gavéa la botilia de spumante soto ’l brazo. Par le strade i vendéa brazadele de tuti i gusti e de tute le forme, e fora da i bar ghera zente che se scolava goti de bon augurio. El brulè, po’, el scoréa a fiumi, anca parché ghera un bel frescheto e el vin el scaldava ben le ganasse e le rece…’Na goduria che no ve digo!
A mezanote è sucesso de tuto: ci sonava, ci çigava, ci saltava , ci se basava…tuti strucà cofà le sarde in te un barile. Udà le botilie, i le spacava par tera e bisognava star ’tenti a no farse mal, pestàndoghe sora. I raudi i scopiava in mezo a i piè de la zente… Paréa de èssar in guera!
I ga seità a sbarar foghi fin quasi a matina, a cantar e a çigar. No podéndoghene più, a un çerto punto ghemo batù in ritirata, pensando a cissà quanto laoro ghe sarìa tocà a i stradini el dì dopo. Da ’na parte semo stà anca un fià sodisfati de tuto chel ch’era capità parché a se semo diti che çerte robe no le sucede mia solo da nantri e che no gavemo çerto da inparar gnente da i altri.
El dì dopo semo rientrà in Italia. Me desmentegava de dir che a Salisburgo, e in gènare in Austria, la roba la costa pi cara che da nantri (un cafè du euri e mezo), ma da lori gasolio e benzina i costa de manco.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Salvemo la dona!
Telegiornài e giornài de sti ultimi tenpi, quasi tuti i giorni i taca co notizie che riguarda la violenza su le done. Pensemo che sia ora de afrontare seriamente el problema e de inpegnarse tuti, par far cessare sta guera ingiusta contro le done
de Mario Klein
 
Na storia vera
Leggi l'articolo La storia de Bruno
de Anisetta Codogno
 
Posti da conóssar
Leggi l'articolo Venessia misteriosa
de Armando Mondin
 
Da la Marca
Leggi l'articolo El pesse fìnto
de Emanuele Bellò
 
Da Adria (RO)
Leggi l'articolo La mi prima màchina
de Sergio Bedetti
 
Da San Bonifacio (VR)
Leggi l'articolo Ultimo de l’ano a Salisburgo
de Enzo Coltro