Quatro Ciàcoe
Mensile de cultura e tradission vènete
de Vittorio Ingegneri Dinerio

Le storie de Dinerio

Momi Portapégola

Có’l ga visto un gato nero drio traversarghe la strada, Ciano ga inciodà la màchina…
Có’l ga visto un gato nero drio traversarghe la strada, Ciano ga inciodà la màchina…
– Bisogna che te conta questa, barba, chissà che la butemo un fià in rìdere. Te vedo cossì inmusonà stamatina... pare parfin che te gai magnà un caenasso rùzene. Gnanca che fusse la prima volta che te meno a cavarte na nata in testa. Quando i t’à tolto l’ultimo gnoco soto el sbarbusso no te ga sentìo propio gnente... Te ricòrdito?
– Sì, te disi ben ti, Lalo, ma senpre soto i feri cade ca vaga e farme tajare del mio.
– Dài, dài no staghe badare, ’desso scóltame mi. Doménega passà co l’amigo Ciano mustacion, che no te còmoda massa che lo frequenta, semo andà al stadio Euganeo a védare el derbi co ’l “Sitadela”. Mi no xe che deventa mato pa ’l balon, no vago quasi mai a védare le partìe del “Padova”, ma el ga insistìo chel tanto che me so’ lassà convìnsare. Gèrimo anche un fià in ritardo có semo partìi da casa e per tajare fora el tràfico più ingorgà gavemo ciapà la tangensiale. Ben, a un serto punto un gato nero ne ga traversà la strada da destra a sinistra e Ciano ga inciodà la màchina. Mi credevo che ’l se fusse fermà per no ciaparlo soto, invesse, caro barba, s’a te credi, sto mòmolo spasemà voléa tornare indrìo parché el gera fissà che la bestia nera, tajàndone la strada, la garìa portà scarogna. Ma su na strada a senso unico come fasévimo fare inversion de marcia?
– E alora cossa gavìo fato?
– Semo tirà driti, ma l’autista me ga costreto a tocarme le tàtare davanti anche mi che me so’ vergognà come un fabioco. Però te ga da savere anche quelo che xe sucesso dopo. La partìa xe finìa con i biancoscudài che ga perso uno a do, in casa. Siché el mustacio zo inprecassion, inbestialìo contro chel gato maledìo, come che fusse stà colpa sua, pora bestia, se i nostri se gavéa fato infenociare da i granata. No fa rìdere sta cretinada?
– Mi no, seto! Ne la me vita ghe ne go conossù pi de uno ca gavéa ste manìe de fare i scongiuri par na roba del gènare. Te mensionarò on tòtano ca faséa sacramentare chi ca ghe scapussava incoste, pa ’l ris-cio che ’l ghe petesse ’dosso na sgionfa de scarogna, cossì me stravio na s-cianta dal pensiero che fra poco i vegnarà torme co’ la barela. In corte da noaltri, ne i ani Sinquanta vegnéa a meanda on serto Momi Portapègola; no me ricordo el so nome e cognome parché tuti lo ciamava cossì. Sto tissio gera propio on pelacan de quei ca te faséa dabon fastidio incontrarlo. Defati dare el bongiorno par primo a sto diomandà cossì spanìo de jetadura te geri sicuro ca te capitava calche desgrassia, pìcola o grossa che la fusse o tutalpiù ’vanti sera calcossa no filava lisso de sicuro. Me nono gera cossì prevegnùo ne i so riguardi che ’l diséa in giro ca porta sfiga parfin pronunsiare el so nome. Eco parché i lo ciamava co’ sta nominaja. Medigo che sto càncaro el savéa anca lu de èssare on individùo vermegoso da vissinare, tocàndose la batarìa, par no fare la fine del pòro sugaman. Come tuti i portapégola da la nàssita el se metéa senpre na jachetassa nera sora on blusoto griso e do ociài scuri, portài anca a l’inbrunire, ch’i traséa on castagnin rossastro ’fà do culi de goto spurchi da grinton. I meandini ca dovéa chinarse in fusara co’ lu a far sù menevèi ghe staséa on fià a la larga sensa dare massa te l’ocio par no farlo insospetire. Chissà se ’l se cinciava sù cossì malsestà da jeloso parché la zente fusse informà de la so taradura malegnosa? Me nono no ’l gera bon dàrsela a pati de soportarlo a scrocanare vanti-indrìo par l’ara. Pi de calche volta lo go sentìo dire che par cunto suo el dovéa èssare incalmà co ’l diavolo al punto che, essendo stà obligà da la Càmara del Laoro a torlo come colétolo de false atressà par segare el formento ramenà in tera dal vento, có ’l lo vedéa rivare in corte el ghe faséa i corni, sercando de scansarlo. Propio no ’l podéa védarlo gnanca in spiera al sole e i órdani el ghe li faséa dare dal capo òmani. Sicome el m’avéa consilià a mi che par métarme al riparo da la so pégola no bastava tocarse i atributi, ma de scondon bisognava ficarse su pa ’l dadrìo el déo mesan de la man sanca, par sentirse pi sicuro. El se gera racomandà che questo dovéa èssare on segreto fra mi e lu, tanto xe vero che de sta confidensa no go mai sbacià co’ gnissun. Pando solo ’desso ca xe passà on futìo de ani da ’lora. Però par conpletare on scongiuro conplicà te sta maniera gera on bel problema s’a te te catavi in conbrìcola co’ altre persone e magari tel s-ciapo ghe fusse stà anca de le fémane. La mossa podéa èssare mal giudicà. Tanto xe vero che el me vecio giudissioso par fare sta funsion naséa scóndarse in stala o sul fenile. Par spiegarte quanto pegoloso che ’l gera sto Momi, te dirò che na matina, dovéndose gussare la false el xe capità in corte de bonora, catando el porton ancora inluchetà. Siché ghe xe tocà al paron narlo a vèrzare, metendo prima in caena el can, ancora molà da note. Ma subito dopo l’acorto ansian ga ciapà la scala de legno soto el pertegale par nare a furegarse tel pitaro scontovia sul fenile parché a chel’ora in stala ghe gera el boaro drio far tetare i vedèi. La pégola cucà dal Momi xe stà cossì potente che ranpegàndose sù se ga scavessà on piròlo del scalon e ghe xe tocà a me pare menarlo in barachina a l’ospeale co’ na spala insacà da la bòta.
– Càspita, barba! Credo che dopo sta paciolada te vaghi in anbulatorio manco agità.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Fameja: problemi novi
No passarà tanto tenpo che anca qua in Italia vegnarà fato quelo che xe ’pena sucesso in Francia, dove xe stà aprovà la lege che legaliza i matrimoni tra persone del stesso sesso: dona con dona e omo con omo. E in nome de i diriti civili de l’individuo, dovaremo ciamare ste union: “novo tipo de fameja”
de Mario Klein
 
Le storie de Dinerio
Leggi l'articolo Momi Portapégola
de Vittorio Ingegneri Dinerio
 
Da Lendinara (RO)
Leggi l'articolo Antonio Cappellini
storico lendinarese
de Renato Scarpi
 
Da Rovigo
Leggi l'articolo La casa de Mòmolo
de Gianni Sparapan
 
Da Vicenza
Leggi l'articolo La me sità in cartoina
de Ines Scarparolo
 
Da Verona
Leggi l'articolo La sospresa
de Giacinta Dall’Ora