Quatro Ciàcoe
Mensile de cultura e tradission vènete
de Bepin Daecarbonare

Da Thiene (VI) 

El casotelo
Un posto màgico dove, via dal mondo, me popà, ’passionà de osèi e de cacia, passava el so tenpo lìbaro

Dal casotelo, par no rovinare massa i osèi, secondo la dìstansa dove i se posava, el doparava s-ciopi de càlibro difarente…
Dal casotelo, par no rovinare massa i osèi, secondo la dìstansa dove i se posava, el doparava s-ciopi de càlibro difarente…
Dove ghe gera la canpagna de i Ganbarelo co filari de ua e de morari, ’desso ghe xe tute case e strade iluminà: par doparare un tèrmine moderno, ga ciapà posto l’urbanisassion e mi no gavarìa mai pensà de vigner stare de rinpeto al logo dove ne i ani Sinquanta me popà ‘’ndava a trare’. El gaveva na passion mata pa i osèi e par la cacia; el so regno el granaro, dove ralegrà dal canto de no sò quante rasse, curvo sul bancheto, vardà da na stanpa de san Crispin, patrono de i scarpari, e da na fila de scarpe lustre e de savate pronte par la consegna, passava le so giornate sensa el ris-cio de anoiarse.
Oltra al lavoro, che no mancava mai, necessario par mantignere la fameja de oto boche senpre indrìo de fame, el gaveva el so bel da fare par starghe drio a i osèi in cabia. Me digo che gnanca lu el saveva quanti i gera, da i più grossi come i turdi e le gasanele, che magnava e schitava in continuassion, a i pìcoli batùfoli de piume come le perùssole e le montagnole ciapà de sfroso; el gaveva i finchi che có i cantava de bota gera invidià da tuti i apassionà che passava par la contrà e, naso in sù, incantà i se fermava a sentirli. Me mama brontolava parché i sporcava, ma anca parché mantignerli tuto l’ano co pan, late, mejo, cànevo, scajola e altre semense costava schei, e par chietarla lu el prometéa che a fine stajon li gavarìa molà, ma ogni ano i osèi cresséa de nùmaro.
In granaro, soto i quaréi smossi el gaveva l’alevamento de le tarpe, picoli vermeti arancion che divorava de tuto: rosegoti de pan vecio, soèntri, carton, strasse e quanto ghe capitava soto i dente. Ben passùe le gera un boconsin “prelibato” pa i osèi dal “becco gentile” che, tirando el colo col bèco tra i feri de la cabia, i se la toleva da le man de me popà ancora viva e co do scorluni, de bruto i la ingiutiva... pora tarpa!
In agosto, quando i verseva la cacia, me par de védarlo ancora ’desso, có ’l partiva de matina presto co la bicicleta fornìa de du portapachi, uno davanti e st’altro dadrìo, e le gome a balonsin, par soportare mèjo el peso de le cabie co i osèi, na ventina, che in otobre, el mese preferìo da i caciatori pa ’l gran passajo de rasse difarenti, le rivava a più de trenta; zontéghe el peso de me pare, i tri s-ciopi, la cartucera piena, el tascapan co le cartuce de riserva nel caso che no le bastasse, el cortelo da cacia, i ciòcoli e altre carabàtole, credime!, la gera na vera inpresa rivar sani al casoto.
Par fortuna la strada da fare gera poca e, ’pena fora dal Belvigo se verseva la canpagna co poche case drio la strada e sùbito dopo, in meso a i canpi, saltava fora la boarìa de i Ganbarelo, amissi de me popà, che in canbio de calche paro de scarpe o de prussiani giustà a maca, i ghe gaveva risservà, un poco distante da le case, un posto par poder trare.
El casotelo, coverto de tela da soldà e mimetisà co fen e frasche, gaveva do strete finestrele messe par longo par vèdare i osèi có i calava in te le rame, par far passare i spaghi de i sanbéi da tirare al momento giusto, fasèndoli zolare, e a métar fora la cana del fusile par sbarare.
Le cabie co i osèi da riciamo vignéa picà su de i paleti ’te un spiasso rente ’l casotelo vissin a le piante dove insima a la panela gera ligà, ben saldo, un ramo seco par le prime tordine che co i altri osèi., deti “estatini”, come becafighi e séleghe, in agosto gera de passo.
Se pol dire che me popà el gaveva un serto riguardo pa i oséi che ’l copava; difati par no rovinarli massa, secondo la dìstansa dove i se posava e la consistensa, el doparava s-ciopi de càlibro difarente: el dódese (la s-ciopa a do cane) pa i più grossi e distante, el sédese pa i mesanéi, e infine el vintiquatro pa i più pìcoli e vissini.
Le cartuce vigneva fate in casa, doparando i bòssoli sbarà, rancurà in tel prà ’torno el casoto.
La delicata operassion de caricare le cartuce gera risservà a me popà e a me fradéi più grandi che co atension, dopo ’ver sostituìo el ramin al bòssolo i ghe meteva drento la Sipe (marca della polvere da sparo), la bora (tappo di feltro) e i balini de aciaio e de i discheti de carton che tigneva separà pòlvare, bora e balini. Noialtri boce, có i “grandi” gavéa finìo el caricamento, se godìvimo un mondo a parare la manovela de na machineta fata aposta, che girando drento el bordo de la cartucia, fermava l’ùltimo cerchieto co scrito sora un nùmaro par distìnguare le varie misure de i balini. Quei del quatro, più grossi, i serviva se par caso dal sorgo fusse saltà fora el liévore, ma gera pitosto raro... come ve contarò nantra volta.

[torna sopra]

 

Archivio
2017 16 15 14 13 12 11 10 9 8 7 6 5 4 3 2 1  
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Valori e regole
Se pole creare, stabilire e rispetare le regole senza avere valori? E se pole avere valori senza la conossenza e el rispeto de le regole? El mondo, la socetà, la vita civile gai bisogno de valori o de regole?
de Mario Klein
 
I casi de’a vita
Leggi l'articolo ’Na sera de agosto
de Antonio Giraldo
 
Da Belun
Leggi l'articolo Na storia del dì d’ancói
de Luigina Tavi
 
Da Rovigo
Leggi l'articolo El zìmeso
de Gianni Sparapan
 
Da Thiene (VI) 
Leggi l'articolo El casotelo
Un posto màgico dove, via dal mondo, me popà, ’passionà de osèi e de cacia, passava el so tenpo lìbaro
de Bepin Daecarbonare
 
Da Verona
Leggi l'articolo Un museo par Nino Pozzo
A trent’ani da la so sconparsa
de Lucia Cozzolino Masotto