Quatro Ciàcoe
Mensile de cultura e tradission vènete
de Luigi Frosi

Realtà vissùa

El vecio strassaro

El gheva un triciclo: un careto spintonà da na bicicreta…
El gheva un triciclo: un careto spintonà da na bicicreta…
Na volta no ghe jera la “raccolta differenziata”, ma tuto gheva el so valore e no se butava via gnente: l’umido, i avansi de la cusina, quel che se podeva se ghe dava a le galine o al porsèo, el resto se butava sul leamaro; se te stavi in sità, in corte tuti gheva na busa e te fasevi el concime par l’orto. Le strasse e i vestiti veci te li adatavi par i fiòi pi picenini o, có te jeri pi grando, che i te meteva calcossa de rifato, i te ricordava el proverbio: Tuta roba di mio zio: morto lui lo porto io. El fero te lo rancuravi par tirar fora qualche atresso che te serviva… Gnente no se butava via: “Meti da parte che pol deventar bon!” se diseva: cussì i ciodi i se sdrissava, le tole dismesse le se meteva da parte, le vigneva bone par fare na scansìa o na scaleta par el ponaro, le bachete le se rancurava par fare le frasche par i bisi e i fasiòi, sinò par tignere sù i pomidoro… Quando che se faseva le pulissie, par far saltar fora i sorsi che gheva fato el gnaro in meso a le ratatuje che jera stà messe da parte, se faseva un bel mucio e te spetavi có passava el strassaro, tanto te gavarissi ciapà qualche francheto.
El strassaro el passava du o tre volte su un mese, te lo sentivi che ’l rivava fin da lontan, sigando a gran vose: “Xe qua el strassaro!… Strasse, ossi, fero vecio! Done, tiro sù anca i corni freschi da la vilegiatura de Sotomarina…” El gheva un triciclo: un careto spintonà da na bicicreta, sora el gheva un par de corni de vaca co tacà do canpanele e do fiocheti ligà sora. El rancurava de tuto, e tuto ’ndava su chel careto, pressapoco come quelo che fa desso l’Amniup co’ na trentina de camion e pi de un sentenaro de lavoratori (operatori ecologici). Par ogni roba che te ghe davi, el te dava qualche lireta: el fero el lo pesava, le butilie le contava e el vero roto lo meteva da na parte: anca massa che ’l te lo portava via; le strasse, anca queste le pesava, magari co la balansa trucà, cussì el faseva par i cartoni e tuto gheva la so parte nel careto. Le scarpe vece, el controlava el curame, se valeva la pena el se le tigneva, sinò el te diseva de piantarghe drento le margherite… a la fine el sentensiava quanto valeva el tuto: “15-20 franchi” el diseva, gnanca par conprarse na ligurissa co un limon, ma pitosto che gnente jera mèjo pitosto.
Ogni stajon gheva el so tipo de racolta speciale: in primavera le jera le strasse de lana fruà durante l’inverno o magnà da le tarme e massa strassonàe par èssare utilisà par ’n altro ano. In autuno el tirava sù le pèle de cunicio e le pene de galina sacrificàe par la pignata. In inverno el passava, spece quando che vigneva copà el mas-cio, e ’lora el rancurava i ossi e anca i peli del porco par fare penèi e spàssole. A proposito a me vien in mente Giorgio, un tosato che lavorava in fàbrica co mi: no ’l jera proprio tanto zóvine, sposà e con na fiola, el jera tanto ingenuo che i ghe faseva crédare de tuto. In fàbrica i lo toleva senpre in giro, e lu ghe cascava come un gnoco. Se contava che na volta el gheva visto drìo l’àrzare un paracaro, de quei che xe drìo le strade: se vede che qualchedun se ne gheva libarà parché no ’l ghe serviva. Lu, el gheva pensà de métarselo fora dal cancèo de casa, rente al fosso, cussì, na sera, co la so Sinquesento, el se ferma sul posto pa’ cargarlo in màchina. El posto el jera na s-cianta fora man, e chela sera ghe jera na màchina ferma co do morosi che i faseva le so robe. Giorgio el jera deciso e, fermo fora da la so màchina, el spetava che i do liberasse la zona. Speta che te speto, a un serto momento el tosato el smonta e el dimanda a Giorgio cossa che ’l speta là inpalà; lu, pronto, el ghe dise la so intension de cargarse in màchina el paracaro, ansi el dise al tosato: “Senti, ciò, se te me dè na man, lo carghemo sù e cussì vago via!”: Podemo inmaginare la risposta che no xe el caso de scrìvarla.
Tornando al strassaro che d’inverno el rancurava anca i péi del mas-cio, anca el nostro amigo Giorgio el ghe xe cascà n’altra volta in fàbrica. I coleghi, par torlo de soja, i lo ga consilià de rancurare le lamete da barba che vigneva butà via in spoliatojo par vèndarle dopo al mas-ciaro che le pagava ben par rasare el mas-cio dopo ’verlo copà. Lu, credéndoghe come al solito, el ga tacà a tirar sù le lamete che ’l trovava in giro. Par farla pi conpleta, i tosati ghe diseva che se le lamete le tajava piassè, i ghe le pagava mèjo. Cussì da chel dì, Giorgio, el se meteva a uare le lamete sul bordo de un goto come se faseva par darghe el filo e riutilisarle de novo.
Eco, forse anca co ste robe alegre contàe, podemo èssare aiutài a deventare pi ecologici e rispetosi de la natura e del mondo ’ndove vivemo par poderlo dare a i nostri nevodi in modo decente.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cossa se dise?...
Eco in sta domanda uno de i primi insegnamenti de la mama o del popà al putin, quando na persona ghe dava on bon-bon, on ciucio o on regalin, parché l’inparesse a dire “grazie”, a mostrarse riconossente verso chi ghe gavéa fato sta gentileza.
de Mario Klein
 
Realtà vissùa
Leggi l'articolo El vecio strassaro
de Luigi Frosi
 
Da Belun
Leggi l'articolo El Sacrario Militare de Milovice
de Luigina Tavi
 
Da Lendinara (RO)
Leggi l'articolo Amedeo Gherardini
comediografo poesan
de Renato Scarpi
 
“La Sguaratà” - Ciàcole adriote
Leggi l'articolo Biétole
de Romano Beltramini
 
Da la Bassa Veronese
Leggi l'articolo La FIDAS l’à catà casa
de Lucia Beltrame Menini