Quatro Ciàcoe
Mensile de cultura e tradission vènete
de Bepin Daecarbonare

Da Thiene (VI) 

El me primo bolario
Custode de tanti pìcoli tesori che te fa conòssare el mondo e le persone e, soratuto, viajare co la fantasìa in posti da sogno

La copertina del me primo bolario e la pagineta co i boli de l’Abissinia.
La copertina del me primo bolario e la pagineta co i boli de l’Abissinia.
L’altro giorno me nevodo Mateo de nove ani, che ’l xe vignù a trovarme co so mama, dopo scola, el me ga domandà se ’l podeva ritajare da la busta de na létara rivà da l’Australia i boli tinbrà, tacà sù par la spedission, e mi tuto contento ghe go dà la fòrbese. Intanto penso: “Vuto védare che ’l ga ciapà la passion de so nono?” Anca mi a oto-nove ani rancuravo i boli da ’e cartoline de auguri e da ’e buste de le poche létare che rivava a casa, e i dopioni i baratavo co i me conpagni de scola che, quasi tuti, gaveva el so “bolario” dove, co na lengueta de carta gomata ’pena inumidìa, i tacàvimo, divisi par Stati e, credime, par noaltri, colessionisti in erba, la gera na grossa inpresa, parché propio no se capiva da dove i vignesse serti boli. A riguardo ve fasso un esenpio, avendo sotoman el me primo e caro bolario: un libreto de sentimetri oto par trèdese, da la copertina nera e i folieti a quadreti, che de sòlito el serviva a notare la spesa dal casolin, che go doparà par tacarghe i boli, na otantina, vintidò italiani e i altri de Stati difarenti, come i risulta scriti in matita, fra i quali: Nederland, Finlandia, Abissinia, Africa, India Postage, Croata... propio na bela interpretassion!
A dire el vero quela de i boli, na passion che da boce, magari solo par poco tenpo, ga vudo quasi tuti e par tanti come mi la gera na seconda maestra de scola. Difati sti grassiosi tochiti de carta stanpà co torno tanti dentini i te mostra posti mai visti, piante, fiori e animali de tuto ’l mondo; i te fa conòssare le scoperte de l’omo e i so inventori e i te fa galopare co la fantasia te un mondo de sogno.
I più bei e che vigneva da distante te li catavi dal tabachin, drento a bustine de cartavelina trasparente, e mi co la mancia de la doménega, rinunciando al cinema e a qualche ciucioto, fasevo sù i schei par cronpàrmeli. Ogni bustina gera na vera sorpresa, sia par la forma che par le figure e anca pa i Stati mai sentìo mensonare. Cossì, vardando l’Atlante o el mapamondo a scola, jutà da la maestra, par savere indove se catava sti Paesi, sensa volerlo, se faseva lession de giografìa.
El catalogo premi 1957-1958 de “Astra Francobolli”.
El catalogo premi 1957-1958 de “Astra Francobolli”.
Intanto i ani passa e la passion par la “filatelia”, na parola difìssile doparà da i grandi ’ndà in uso tel 1864, che voléa dire “raccolta di francobolli o di altre carte-valori postali” (prima la vignéa ciamà timbrofilìa e timbrologia), invesse che smorsarse come tante altre robe scomissià e perse par strada, la cresséa de continuo, deventando quasi na manìa.
Me ricordo che nel ’50, de genaro soto la Stria, ruscando te un casseton, in granaro, go catà un libro grosso do déa, longo e streto co la copertina de carton rigido: la curiosità gera tanta, el core me bateva a pì no posso e có lo go verto, na vanpà de calore me ga infogonà le massele e da l’emossion me ga tocà sentarme te na carega, mèsa despajà, lì rente. Savìo cossa contegnéa le pàgine inzalìe dal tenpo? Boli veci, ansi “antichi” de Stati che esisteva prima de l’Unità d’Italia, visti solo in qualche “catalogo”. Ghin gera del Lonbardo-Veneto, uno de i primi che ga stanpà i boli (1850), qualchedun del Stato Pontificio e del Ducato de Parma e tanti altri de l’Italia Regno fin l’avento de la Repùblica. Forse i valeva schei o magari poco o gnente, ma par mi sta “scoperta” gera un pìcolo tesoro che gnanca me popà e me mama no saveva de chi el fusse e come mai el se trovava sconto in sofita.
Pi ’vanti ghemo canbià casa e tante robe vece xe stà trate via e, par sbalio, magari anca el “pressioso” bolario, parché no ’l xe pi saltà fora, un duro colpo par mi che ancora ’desso sto male solo a pensarghe e siben sia passà un saco de ani, qualche note, tra veja e sòno, me vedo balare davanti i boli del Lonbardo-Veneto sparìi tel gnente.
Quando nel ’51 a 16 ani go tacà a lavorare e disponevo de 500 franchi al mese, anca la me colession de boli ga vudo i so vantaji e via-via la se arichiva de serie nove e conplete, cronpà in te le boteghe specialisà in “filatelia e numismatica”.
Visto l’intaresse de tanti tosi che ’fà mi gavéa pa i boli, xe nati “Club” e grupi filatèlici dove se faseva scanbi e aquisti a pressi scontà. Nel ’57 me so’ notà al “Club Astra Francobolli” de Roma, a dita de lori “la più importante ed attrezzata organizzazione filatelica d’Europa al servizio dei giovani” e a dir la verità el servissio gera inpecàbile. Ogni 20-25 giorni te rivava un libreto de boli de tuto ’l mondo e te pagavi queli che te tratignevi e mi, da quanto bei i gera, s’a ghesse possudo i garìa cronpà tuti.
Copertina Catalogo GLORIA de i boli de ITALIA-TRIESTE-VATICANO-S. MARINO, del 1964.
Copertina Catalogo GLORIA de i boli de ITALIA-TRIESTE-VATICANO-S. MARINO, del 1964.
Par la Befana, st’ano, a Mateo vojo farghe na sorpresa, regalàndoghe un bolario, mèjo un classificatore moderno, co tanti boli rancurà fin da la me infansia e so’ sicuro che ’l restarà a boca verta e anca par mi sarà come parare indrio l’orolojo de quasi setant’ani.

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Salvemo la speranza!
Eco on invito che vale par tuto quelo che riguarda la vita in generale, conpresa Quatro Ciàcoe che la sta in piè par na scomessa: fin che ghe sarà uno che scrive in dialeto vèneto, e uno che lèze, faremo i salti del simioto par contentare l’uno e l’altro: anca questo se ciama speranza!
de Mario Klein
 
Coando jera buteleto
Leggi l'articolo La vita de la me Contrà
Feste, laori e usanze de ieri ne la Contrà Cazzè de Bonavigo
de Giovanni Mastella
 
Da la Marca
Leggi l'articolo Erica Boschiero
de Emanuele Bellò
 
Da Lendinara (RO)
Leggi l'articolo Un fià de Veneto inte le rizete de l’Artusi
de Renato Scarpi
 
Da Adria (RO)
Leggi l'articolo Le do sorele
de Sergio Bedetti
 
Da Thiene (VI) 
Leggi l'articolo El me primo bolario
Custode de tanti pìcoli tesori che te fa conòssare el mondo e le persone e, soratuto, viajare co la fantasìa in posti da sogno
de Bepin Daecarbonare