Quatro Ciàcoe
Mensile de cultura e tradission vènete
de Roberto Soliman

Da la Bassa Padovana

El famejo

D’inverno, se zugava a tónbola: el cartelon la lo dovéa tegnere ela, e a ogni nùmaro che la cavava la ghe faséa el so comento.
D’inverno, se zugava a tónbola: el cartelon la lo dovéa tegnere ela, e a ogni nùmaro che la cavava la ghe faséa el so comento.
La parola “famejo” la xe al maschile, ma in corte indó ca son nato, a le Gronpe de Urbana, el famejo la jera na dona. Se sa che el famejo de solito la jera na persona che naséa a vìvare in te n’altra fameja come che la fusse on fiolo naturale, ma sensa adozion, cussì che la laorava in corte, in casa e in canpagna, e in canbio ghe vegnéa dà da magnare, da dormire, na pìcola paga, e la vegnéa messa in regola par la pension.
De drio de casa nostra a ghe vivéa i Bagolin, in te na casa mezza dirocà. Có xe morto i “veci” e se xe sposà le sorele, a ghe xe restà, da sola, la Rosa, una de le fiole, la pi sfortunà. Sì, parché la jera nata, pi de on secolo fà, con na deformazion in te la vita, diremo che la ghéa na “goba”. La fameja la jera senza schei e cussì non i ghe ga fato portare el busto, e in pi i la ga tegnù a casa da scola, parché senò chialtri toseti i la gavarìa tolta in giro. E cussì la xe restà analfabeta, ma par via de i conti non la superava nessun! La savéa a memoria le tabeline, la conosséa i orari de i treni e de le coriere par nare a catare le sorele sposà distante o par nare a la sagra al Tresto; la conosséa a memoria fòle, indovinèi, orazion anca in te na spece de latin, filastroche, i santi del calendario, le date de nàssita e de morte de on fraco de gente: insoma la gavéa svilupà assè la memoria.
Me nono, coando che la Rosa la xe restà da sola, el la ga tolta in fameja. El ghe ga fato fare na càmara in magazin da dove, de note, la controlava, da on finestrin, le vache che ghéa da “fare”, cussì che la ciamava, batendo co na pèrtega in te i balconi de le càmare, me papà e me zio par far nàssare el vedelo. I vedèi la i alevava ela, la i fasèa latare da so mame e, dopo ’verli messi in te la so staleta, la monzéa le vache a la mattina e a la sera e con chel late me nona la faséa el buro, le formajete e la puìna. El resto del late el ghe vegnéa vendù a Gelain, el lataro, a Urbana.
La Rosa la “goernava” le vache, come la fusse on boaro, la naséa in canpagna a cargare el fen, come on omo, la jutava me papà a far sù el mas-cio, come on “mazin”, e a tola la gavéa el posto rente a me nono, come na fiola. D’inverno, a la doménega sera, se zugava a tónbola, anca con i vizini de casa: el cartelon la lo dovéa tegnere ela, e a ogni nùmaro che la cavava la ghe faséa el so comento, ma guai a farghe osservazion se non vegnéa fora i to nùmari, parché la jera on poco parmalosa. Me papà, che ’l jera bon a tòre in giro, el se godéa a farla rabiare, cussì che la Rosa la ghe “ritirava” la cartela, parché la jera ela la parona de la tónbola. A volte se zugava a “trea” e a “semolete”, ma la jera senpre ela che conduséa el zugo. Par la so passion par el zugo la naséa a métare al Loto ogni setimana; la se ricordava i nùmari in ritardo so la roa de Venessia, e la tegnéa conto anca de i nùmari colegà a i so sogni che de solito i jera de so parenti morti. A se capìa subito se non la ghéa ciapà gnente dopo l’estrazion del Loto, dal “muso longo”. E cussì, a tola, me papà el ghe domandava, co on soriseto: “Gheto ciapà, Rosa?” E ela: “Mati chi mete e mati chi non mete!” e la staséa rabià con me papà par coalche dì.
Con mi e me cusin la ne faséa da seconda mama, la ne contava le fòle fin a l’ora de dormire, che la jera coando la diséa: “Adesso nemo indo’ che non va i cari!” A non go mai capìo cossa che volesse dire! Però se naséa in leto tuti.
Atorno a i zincoant’ani la ga ’vù on pretendente. El jera uno da le Granze, vedovo da poco tenpo, che ’l voléa na dona da sposare. Na sera el se ga presentà a casa nostra con le fotografìe de i fiòi, el ga parlà con me nono par ’vere l’autorisazion par discórare con la Rosa. Me nono el ghe ga dito che ’l vègna dopo on par de sere e alora i du i se xe apartà in tel meale de la porta del tinelo, par on’ora e meza, ma senza risultati. La Rosa la ga preferìo restare con la fameja che la ga jutà e a sto vedovo la ghe ga presentà na so cusina che la lo ga sposà.
La Rosa la laorava sete giorni a la setimana, da la matina a la sera, par tuto l’ano, ma coando che la ghéa da nare a catare le sorele sposà distante, no ghe jera verso de contrariarla. La se faséa el so programa de viajo, la savéa orari de i treni e de le coriere, ma la coriera la jera el so punto debole: la ghe faséa male, cossì che la dovéa tore le pastilie par el mal d’auto. E coà xe nato on episodio che me papà el tirava fora ogni volta che el voléa farla rabiare, e ela la se rabiava ogni volta: nando in farmacia par tòre ste pastilie, el farmacista el ghe domandava: “Valontan?”, riferéndose a on noto tipo de pastilie par el mal d’auto, e la Rosa: “Sì, a vò a catare me sorela a Pavia!”

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Cara dona, te vojo ben…
Bisogna dimostrarlo co i fati, ma qualche volta, sto dono de Dio, la se contentarìa de sentirselo dire a parole. Soratuto quando la vèrze i oci e a la fine de na giornata de fadighe; sicuramente prima e dopo de l’8 de marzo!
de Mario Klein
 
Da la Bassa Padovana
Leggi l'articolo El famejo
de Roberto Soliman
 
Storia, in triestin
Leggi l'articolo Mayerling, 125 ani dopo
de Luigi Perini
 
Da Vicenza
Leggi l'articolo Fernando Bandini
el Poeta (1931-2013)
de Ines Scarparolo
 
Par la Festa de la dona
Leggi l'articolo Na dona de i nostri giorni
Visto che l’è el mese che forsi ghè un poca de pi atenzion par la dona, decidemo de incontrare na dona zóena, specialista de fotografia
de Lucia Beltrame Menini
 
Da Legnago (VR)
Leggi l'articolo Primavera
de Giovanni Rocco Mastella