Quatro Ciàcoe
Mensile de cultura e tradission vènete
de Sergio Bedetti

Da Adria (RO)

El borgo

’N antro posto de ritrovo par lore el podeva èssere al canale, có le ’ndava a resentare…
’N antro posto de ritrovo par lore el podeva èssere al canale, có le ’ndava a resentare…
Tacà a i Maciti – nomenaja de casada – ch’i staseva inte la prima casa del Borgo, gh’jera dó fameje che ’ndava dentro par la stessa entrada: la prima gheva la so porta ’pena dentro dal curidojo e st’altra la ghe l’eva in fondo. Tra l’una e l’altra i jera in tanti. La tersa porta menava da na fameja ch’i jera in diese: marì, mujere, tri fiòi mas-ci e sinque fémene. Vegneva po’ la quarta; lì i jera solo in sinque: i du veci, na fiola maridà in casa e n’antra zitela sensa speranse, ma cativa come na bissa. In fondo, na rede serava la corte fata a vela, davanti a ste case. La corte scuminsiava in streto, zo da na caladina da l’àrzare, a la prima casa, ma po’ l’andava slargàndose tra case e àrzere de la strada, finendo in fondo, co na rede. Solo un sentierin permeteva de passare avanti. In banda gh’jera un giardineto, tajà in meso da dó filari de burso, indove un marciapiè de cemento menava a la quinta casa, la più grande. I jera i più siori de cla stiva de case, parchè i gheva non solo la casa grande, ma anca la botega de casulin; i jera paroni de n’ostarìa in centro e de drio i gheva ’n orto tanto grande ch’a pareva d’èssere za in canpagna. Anca lì, méterse a cuntarli in quanti ch’i jera l’è ’n problema: i du veci, quatro mas-ci, e du de lori co mujere e fiòi e po’ ’ncora dó fiole, za drio pèrder le speranse par maridarse; tegner cunto de noni, pari, mare, fiòi, nevodi e cugini a gavrìa volesto na calcolatrice, che gnancora jera in véndita. I se distingueva da tuti st’altri abitanti del Borgo par via d’i so nomi strafàlfari, ch’i ricordava posti de la prima guera mondiale o fati e personagi d’i movimenti anarchici de i primi del Novesento. Più in ’à gh’jera na stradela che menava in fondo al Borgo, che praticamente el somejava a na “T”, e de là da questa, n’antra stiva de case tute a du piani, alte conpagne; la vila de gente co quatro palanche e qualche sedicesimo de nobiltà conpletava la riviera, parchè più in ’à se destirava un gran tòco de tera, ch’i ghe ciamava orto, ma la jera propio canpagna, co vidare, frutari, sculine e coltivassion diverse. Le case le scuminsiava da novo dopo raquanti sentanari de metri, fasendo ’n antro borgo. Lungovia la stradela se desgranava case semenà par de qua e par de là; in fondo, l’ultima serava la stradela, ormai deventà un sentierin, e de drio se verzeva la canpagna fin a la strada provinciale.
Co tante case gh’jera anca tante fameje e in tute quante a l’ora de sena se vedeva na gran levà de sculieri. I bocia i se catava a zugare par la stradela, inte ’l tòco de corte sul davanti, inte la marzana del canale, dessora de la strada. I òmeni i se catava al “Taroco” – n’ostaria lì poco distante – dove ch’i podeva farse in santa pace n’onbra o un giro de brìscola prima o dopo sena; le done le faseva i so filò a la ponpa, anca quela tacà a l’ostarìa. Intanto ch’a s’inpeniva le sece, le podeva fare el so comarò tranquile. ’N antro posto de ritrovo par lore el podeva èssere al canale, có le ’ndava a resentare; tra na sbatù de nissòi e una de mudande le se podeva cuntare co calma i fati de chi altri e tajare tabari su corni, morosi e vedove alegre. In tanta comunela jera fàssile che nassese anca amori, più o meno seri e le fiole le jera subito su la boca de tuti. “Ato visto che la Marieta la jera soto el lanpion co Giorgio?” “M’à dito la Nena che la Lineta l’à scuminsià a smorosare co Nadale…” “La Irma i l’à vista jeri sera ch’la vegneva a casa, dopo che ’l sole jera za ’ndà zo da ’n tòco, in conpagnìa de un serto Checo Cortelina…” Insuma le fiole zóvane no le podeva fare un passo s’a no gh’jera qualchidun – disemo mèjo: qualchiduna – ch’a no ghe tendesse. Se po’ gh’jera qualche movimento sospeto su qualcheduna maridà, sàlvete tera!, int’un gesùmaria a lo saveva tuto el Borgo e anca più in ’à! S’a se tratava de qualche par de braghe che ’ndasse in serca de còtole, i discursi i se faseva istesso, però gh’jera senpre la giustificassion “Ma lu l’è ’n omo!” Un fato ch’à lassà spassio a ciàcole par parecio tenpo l’è quelo de Tulo e la Mariàngiola. Ma questa l’è na storia ch’a ve cuntarò nantra volta.

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo ’Desso ghemo du novi Santi
No podemo propio non consegnare a la pìcola storia de la nostra rivista el ricordo de on avenimento cossì straordinario: du Papi che fa Santi du Papi. Robe mai viste e che forse mai pi se ripetarà.
de Mario Klein
 
Da i Coli Euganei
Leggi l'articolo Quanti zii…
de Gemma Bellotto
 
Zente de Padova
Leggi l'articolo Francesco Squarcione
de Arturo Baggio
 
Da Lendinara (RO)
Leggi l'articolo Fetonte
cascà intel Po polesan
de Renato Scarpi
 
Da Adria (RO)
Leggi l'articolo El borgo
de Sergio Bedetti
 
Da San Bonifacio (VR)
Leggi l'articolo Caro Rademisto
a cura de Enzo Coltro