Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

Quanti zii…

Eco la zia Gilda che sta inpissando el fogo de la stua a legna.
Eco la zia Gilda che sta inpissando el fogo de la stua a legna.
Bisogna dire che in te sti ultimi tinpi, sia par na roba o par naltra, de feste ghi ne xe stà inventà tante. Quée de ’a mama, del popà, quea de le sarèse, del bacalà, quea de la poenta, de i ranpùssoi, e così via. Ma, a pensarghe ben, no go mai sentìo parlare de la festa de i zii. E sì che zii ghi ne xe proprio tanti. Se po’ voesse parlare de i me zii, beh, i gera proprio na bea conpagnìa. Digo i gera, parché la magior parte i xe tuti partìi par el Paradiso. Ma fin che i gera qua, ghe go voesto tanto ben a sti zii, on ben che xe stà anca ricanbià.
Comissiemo a parlare del zio Gioanin, che ’l vivéa in casa nostra, essendo el fradèo pi pìcolo del popà. Có gera picenina e de le volte faséa qualche birbonata, eco che lu gera senpre da la me parte a difèndarme. “La ga da inparare” el diséa el popà, “bisogna che la sapia conportarse ben e no a rispóndarghe indrìo a i so genitori.” “Lassèa stare, poareta, ve la ciapèo senpre co ela?” me difendeva el zio. Questo no gera vero, parché semai mi, essendo la prima, de le volte gera la pi contentà.
Quando, on po’ grandeta, gavéa scumissià andare a inparare a far la sarta, eco che lu se godéa a torme in giro e, a la me risposta senpre pronta, el diséa: “Varda, varda sta sartina, la xe proprio birichina, la ga na lengoa che cuse e taja, come na spada in batalia.” Mi faséa finta de rabiarme, e lu se la rideva proprio divertìo. Ma de indovinèi, batute, proverbi, modi de dire el zio Gioanin ghi ne savéa proprio tanti. Lu ogni tanto el ne li contava e noantri el se scoltava incantà, a boca verta. Del so tenpo de militare po’, fato a Roma, quante volte el ghe ne parlava. El se ricordava a memoria tante, ciamémoe marachèe, sue e de altri conpagni de caserma. Quando che i parlava de le vie de Roma po’, vegnéa fora de chele discussion che no finiva pi, co lu e el popà, so fradèo co qualche ano pi de lu. “Par de là ghe gera la via Merulana e la via Nomentana e la via Parnesperna, el Quadraro…” “No, caro, la gera da naltra parte” diséa el popà che gera stà a militare a Roma anca lu. E sti discursi no finìa pi.
La stessa roba sucedéa có i parlava de musica, i se confrontava co la scala de ’e note: “Do – Re – Mi – Fa – Sol – La – Si – Do. Do – Si – La – Sol – Fa – Mi – Re – Do”. Eco el zio che solfegiava qualche canson e, a dire el vèro, la gera na musica che tirava longa, fin che rivava le zie a dirghe: “Basta, la musica deventa massa longa.” Inutile dire che par noantri el gera on divertimento. Qualche volta el popà tirava fora la so chitara rossa e el zio el so mandoin e la festa deventava conpleta. El popà gavéa studià musica a tenpo perso, invesse el zio el sonava a recia, come se diseva in chel tenpo, ma i sonava ben tuti du. Che bei ricordi! Che bee serate!
Senpre in casa co noantri ghe gera do zie, sorèe del popà. La zia Mània, ciamà cussì, ma el so nome vero gera Germana, anzi Germania par on sbalio del nono. Ela la gera la prima de oto fradèi: sete de vivi e uno mancà da picenin. No ghe gera alora le medesine de ancò e ogni tanto se sentìa la canpana che la faséa on son diverso. Se capiva alora che el “transito” gera par dire che se tratava de on toseto. No ghe gera soldi par i fiuri alora e le tose pi grande vegneva da la zia Gilda a fare le rose de carta bianca par farghe la ghirlanda. Le tajava le foje (i petali) una a una e po’ col fero da calse, rodolà e ligà co on fereto rivestìo de carta verde, e la rosa gera fata.
La savéa fare proprio tante robe la zia Gilda, la pìcola de la coà, “l’ultima rassaura de la mesa”, i ghe diseva so fradèi par fare alegrìa. Anca la zia Gilda gera restà da sposare e cussì se gera in te na bea conpagnìa. La ne insegnava a lavorare a l’uncineto, a ricamare, a lavorare a feri. Po’ no parlemo de indovinèi che gera la so passion insieme co i proverbi. Ma de quei in casa nostra i ghe ne savéa tuti, parfin el barba Gigio, zio del popà, che in fameja el se ciamava Barba, sì proprio el Barba Gigio. Uno gera questo: “Na formiga e na sginsala ga fabricà na tore e on mussoin co la cariola ga portà tuto el material che ocore.” E so conpare ridendo gavéa dito: “Quanto gavaralo spenzù co ste do lachète…” E nantra, senpre del Barba Gigio: “Te ricòrdito, conpare, quando che se ’ndava a Messa soto le nogare? Eh sì, tanti ani xe passà, e le robe al mondo le xe canbià.” E intanto i se la contava, magari in qualche stala a far filò, bevendo on goto de piòna o de graspìa, parché del vin ghe ne gera poco a chel tenpo.
Serto che sti deti i gera veci za alora, pensemo on poco quanti ani i gavarà. I ne fa però capire che na volta no ghe gera tute le esigense de ancò, che savemo o pensemo de saver tanto, ma se gavemo desmentegà forse de queo che contarìa de pi. No ghe xe pi intaresse par scoltare cossa che dise i zii, no ghe xe pi tenpo. No ghi ne xe gnanca par i genituri in serti casi, figurarse se se ocupemo de i zii. Epure mi go inparà tanto da i zii, parlo de ben, de afeto naturalmente. Quante cartoine go mandà mi a i zii che abitava distante. E che beo che gera quando ’ndaséa a trovarli, védare la streja de cartoine, che ghe gavéa mandà, tute in fila, tacà via sol muro o sora la credensa. Alora se usava cussì.
Me acorzo adesso de aver ancora tante robe da contare su i zii e tute bee e interessanti. Del zio Rodolfo da Torin, no go gnancora parlà. Quanto se gavemo scrito mi e lu. Lu lavorava in fàbrica, a la Fiat, ma el giornale “La Stampa” el lo lezeva ogni dì. Có ’l vegnéa zo a trovarne, se faséa insieme de le bee cantade. Quea che ghe piaseva cantare pi de tute gera: “Partirono le rondini – dal mio paese freddo e senza sole / cercando primavere di viole, nidi d’amore…” Lu scumissiava a cantare e mi ghe ’ndava drio. “Non ti scordar di me...” e via che se cantava. Beh, la so storia la contaremo nantra volta. Gera partìa co l’idea de contarve l’inportansa che ga ’vù par mi i zii e on poco credo de èssarghe riussìa; el resto sirà par nantra volta.
Vardo fora, l’aria xe tuto on giro de fiuri de mandolara e de persegaro, portà via dal vento e in mente riva on ritornèo: “Primavera baciata dal sole / c’è nell’aria profumo di viole. / Sotto il pesco tutto in fior / si sussurrano l’amor / lo studente e la sartina birichina…” Chi sarà stà tanti ani fà a insegnàrmea? La zia Gilda o qualche altra zia? E co on pochetin de umido che riva in te i oci, no me resta che dire on “grassie” a tuti i zii e on “evviva” a tuti i zii del mondo.

[torna sopra]

 

Archivio
2021 20 19 18 17 16 15 14 13 12 11 10 9 8 7 6 5 4 3 2 1  
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo ’Desso ghemo du novi Santi
No podemo propio non consegnare a la pìcola storia de la nostra rivista el ricordo de on avenimento cossì straordinario: du Papi che fa Santi du Papi. Robe mai viste e che forse mai pi se ripetarà.
de Mario Klein
 
Da i Coli Euganei
Leggi l'articolo Quanti zii…
de Gemma Bellotto
 
Zente de Padova
Leggi l'articolo Francesco Squarcione
de Arturo Baggio
 
Da Lendinara (RO)
Leggi l'articolo Fetonte
cascà intel Po polesan
de Renato Scarpi
 
Da Adria (RO)
Leggi l'articolo El borgo
de Sergio Bedetti
 
Da San Bonifacio (VR)
Leggi l'articolo Caro Rademisto
a cura de Enzo Coltro