|
Monologo ani ’60
El scarparo
 | | L’ano pròssimo xe deciso che ’ndarà a la grande el blu! Bele, nevèro? |
Entra na cliente “difìssie”:
“Senpre pi bela, la nostra signorina Francesca! Un secondo e son subito da ela. Ècome, pronto a servirla! Scarpe: rosse, da festa, col taco? Sens’altro! Togo la scaeta. Vedemo, n. 37, nò n. 39; ah passiensa! Ècole qua! n. 41! No le xe un bigiù? La le prova!
Come? “no le entra?” Serto! Ghe vole el corno! Me pare inpossibile! Sarà che i so piè xe cussì diicati. No proprio? Alora, ’ndemo su nantro modelo: roba fina! da Parigi! Inùtie: sti francesi, tuta nantra classe! La varda che spicanteza le dona a la cavilia!
Sì, el colore andarìa pi sul bordò ma, proprio questo, ghe conferisse elegansa! Ghe vorìa… un fiocheto? La me scolta: no i xe pi de moda! Nò! Nò! No la se preòcupa! Ghe ne vedaremo de le altre!
Veramente, de rosse, no ghin’ò pi, ma, semo in fondo a la stagion e, l’ano pròssimo xe deciso che ’ndarà a la grande el blu! (Mi, me so’ za fornìo!) Bele, nevèro? Le par fate aposta par ela! Strènsele anca queste? Xe da notar che la pèle de vaca basta calsarla dó o tre volte e la va a penelo! La le vol pi mòrbie? Capisso!
Dunque: camossio! Quelo se adata a l’andamento del piè, come un guanto! De larghessa, ghe saréssimo, ma la toca col déo in ponta? Se le ghe piase, le metemo in forma e doman la vien a tòrsele. Nòo? So’ avilìo, Signorina! Ghe consilio de provar a Padova...”
La sioreta va fora.
“Có la go vista entrar, me xe vegnù i suóri! Ghemo scominsià ben la giornada! Un’ora persa co’ sta genovefa! Sta sofistica! Sta sgréndena, tirà pa’ la gratacasa! Va’! Va’ pure a Padova, a farghe vegnir el cagoto a qualcun’altro!”
[torna sopra]
|
 |
Archivio
| 2022 |
21 |
20 |
19 |
18 |
17 |
16 |
15 |
14 |
13 |
12 |
11 |
10 |
9 |
8 |
7 |
6 |
5 |
4 |
3 |
2 |
1 |
|
|
|
|
Editoriale
Tuti ghemo la nostra crose...
Ghe xe la piena convinzion che la “crose” la xe una de le poche robe, se non l’unica, che no la ghe manca a nissun omo. Par colpa de Adamo o par colpa de Eva, questa sarìa la condana de tute le creature che xe vegnù e che vien al mondo.
de Mario Sileno Klein
Da San Bonifacio (VR)
“I Quaderni di Coalonga”
Storia de ’na publicazion de contrà, nata par scomessa e che la resta senpre viva anca se la crisi la sta sofegando un progno de premi de poesia e tante altre iniziative de natura cultural
de Enzo Coltro
|
