Quatro Ciàcoe
Mensile de cultura e tradission vènete
a cura de Angelo Padoan

Robe de Ciósa

L’isola del Bon Castèlo

’Na ricostrussion fantastica del ponte del Bon Castèlo fra le dó Cióse, la Magiore e la Minore.
’Na ricostrussion fantastica del ponte del Bon Castèlo fra le dó Cióse, la Magiore e la Minore.
L’isola del Bon Castèlo. (foto Gianluca Sambo)
L’isola del Bon Castèlo. (foto Gianluca Sambo)
Chi ze stà anche ’na sola volta a Ciósa e a Sotomarina, no avarà fato demanco de andare a védare chel gigantesco Crocifisso che se trove ne la cèsa de San Doménego, chela cèsa che se alse in te l’isola omònima dopo avere traversà un ponte che la unisse al centro de Ciósa (’na volta a gera de legno). Fato ’sto ponte, proprio dadrìo de la cèsa, da la parte del campanile, se gode ’na magnifica vista: se vede tuta Sotomarina, divisa da Ciósa dal canale ciamà Lusenzo. Fra le dó, però, ghe ze un’isoleta, che adesso ze in parte ’bandonà e in parte ocupà da un cantiere de barche. La se ciame “Isola del Buon Castello” o “Pocastello”. La esisteva fin da i tempi de la guera de Ciósa (1378-81) e la gera munìa de un bel castèlo fortificà, come che se pòle védare da la mapa. Pertanto, le dó Chiogge, la Chioggia Maggiore (quela d’adesso) e la Chioggia Minore (la vècia Sotomarina rasa al suolo da i Zenovesi) le gera unìe da un ponte, costruìo in epoca imemorabile, denominà “ponte del Castèlo”, che partiva proprio dadrìo de la cèsa de San Doménego, al lato est, e finiva presso l’isola del “Buon Castello” (co ’sto nome esisteva anche un fondamento de saline ne le vicinanse, demolìo nel 1522). Da qua ghe ne partiva ’n altro che univa questa co l’abitato de Ciósa Minore. Naturalmente a gera un ponte fato de legno, esistente fin dal 1290, ricostruìo sempre in legno nel 1780, girevole, pi tardi ancora ricostruìo in legno e finalmente in pièra nel 1949-50 come che a ze adesso. Da no confóndarlo co el ponte che se fa adesso per andare da Ciósa a Sotomarina o viceversa, che a chel tempo, oviamente, no esisteva (a ze stà costruìo prima in legno a mo’ de passerela nel 1921 e po’ dopo in muradura solo nel 1939).
Ma tornemo al ponte del Castèlo. A ze stà distruto nel 1298 dopo la róta de Cùrzola per paura che i Zenovesi, sbarcando a Ciósa Minore, i podesse assaltare la Magiore passando per el ponte. Nel 1303 el Magior Consilio, al tempo del podestà Andrea Zeno, deliberava de ricostruirlo. Finìa la guera de Ciósa co la vitoria, come che se sa, de i Venessiani insieme co i Ciosòti, el ponte dev’èssare stà ricostruìo, secondo sèrti storici, fin che, diversi ani dopo, a ze stà destruto per sempre. Però ze restà, come che se dize in italian, le “vestigia”. Difati, quando che ze stà costruìo l’ora desmesso convento de i Gesuiti, a sud de la cèsa, per posare le fondamenta, scavando s’à trovà anche le fondamenta de la “testata” del ponte stesso. Questo, oltre a ’na tore, l’aveva in mezo anche el so bravo ponte levatoio. La testimoniansa de l’esistensa de ’sto ponte vien da ’na lastra in marmo greco, che fin a qualche ano fà gera murà sul lato est del campanile e adesso, per salvarla da la rovina, la ze stà portà al Museo diocesano e sostituìa da ’na copia: la rapresenta el podestà Andrea Zeno, costrutore del ponte, inzenocià davanti a la Madona. I caràteri che se vede scolpìi i ze in gotico corsivo.
Ma i soliti “storici” no i ze d’acordo su l’ano de ricostrussion del ponte. De ricostruirlo – i dise - se parla in te ’na delibera del Magior Consilio, ma l’òpara ze inissià dó ani dopo, nel 1305 soto el podestà Nicolò Querini. El ponte ze restà in vita fin a la fatidica guera de Ciósa fra Zènova e Venessia, in quanto l’isola de San Doménego gera deventà ’na sorta de sitadèla fortificà, difesa come ’na ròca. El ponte ze deventà el centro del scontro fra le dó rivali, tanto che Zenovesi e Padovani i aveva promesso un premio de 150 ducati a chi avesse da’ fogo al ponte. Ze stà un zenovese a portare a compimento l’impresa e el fumo che s’à solevà à costreto i difensori a ritirarse a Ciósa Magiore cossì ch’el ponte, el 10 de agosto del 1379, ze ’ndà del tuto distruto.
S’à decretà ’n’altra ricostrussion nel 1422, ma no la ze stà fata. Adesso chi vòle ragiùngere l’isola del Bon Castèlo deve servirse de ’na barca.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Vinsarà l’amore?
No ne xe gnancora passà el magon par i fati terìbili de morte, che ga colpìo l’Europa in sti ultimi tenpi. Da st’altra parte del mondo ga risposto la pi grande prova de stima e de amore che la storia possa ricordare.
Vinsarà l’amore o dovaremo fare i conti co l’angossa e la minacia del male?

de Mario Sileno Klein
 
Da Arzergrande (PD)
Leggi l'articolo Trentasiè ani co ’e persone giuste
de Antonio Giraldo
 
Ricordi de guera, in veronese
Leggi l'articolo Varda che te caschi…
de Giuseppe Lavarini
 
Da Maran Lagunare (UD)
Leggi l'articolo A scola de… Nasrudin
de Bruno Rossetto Doria
 
Robe de Ciósa
Leggi l'articolo L’isola del Bon Castèlo
a cura de Angelo Padoan
 
Da Vicenza
Leggi l'articolo La Candelora
de Ines Scarparolo