Quatro Ciàcoe
Mensile de cultura e tradission vènete
de Roberto Soliman

Da la Bassa Padovana

L’avaro

Rivà in corte, el tirava via, co on cortelo, la cera che tegnéa fermo el miele…<br />
Rivà in corte, el tirava via, co on cortelo, la cera che tegnéa fermo el miele…
Tute le ave le se tacava intorno al corpo de l’avaro, che ’l faséa senso.<br />
Tute le ave le se tacava intorno al corpo de l’avaro, che ’l faséa senso.
In casa, a le Gronpe de Urbana, verso i primi de setenbre, me nono Narciso el ghe diséa a me nona:
“Elisa, bisogna pareciare le balarine, parché luni a viene l’avaro.”
Mi a jero toseto, ma scoltavo tuto, e sta parola “avaro” la ghéa sentìa a scola da la maestra che la ne spiegava che l’avaro el jera uno tegnoso, che no ’l ghe daséa gnanca i schei a so mojere par fare la spesa, parché el ghéa da “muciare”, insoma uno che ’l vivéa da poareto par morire sior. A ghe jera on vecio, in tel me paese, che i ghe ciamava parfìn “muciamonede”, da tanto avaro che ’l jera; de nantro i diséa che el se scondéa i schei dentro a i mudandoni.
Alora mi me domandavo chi che ’l podesse èssare sto omo che rivava al luni, ma me mama la me ga spiegà che se ciamava cussì l’omo che ghe naséa drio a le ave.
E la ghéa rason, parché al luni a xe rivà in corte sto omo da Casale, che i ghe ciamava “l’avaro”, col “Galeto” de la Moto Guzzi, e dedrìo, ligà ben, el gavéa on atrezo che ’l jera on bidon de lata, con le ganbe de fero, e el lo ga descargà in tel zélase, davanti a la casa.
Intanto el tirava fora on pìcolo solfarin, el lo verzéa e el ghe metéa dentro na straza e on poche de bronze che el catava pronte. El ghe daséa du-tri culpi de aria, strucando e molando la manilia de la màntesa, e el faséa vegner fora on poco de fumo dal bèco. Po’ el naséa verso le casete de le ave, che me nono el tegnéa in te ’l brolo, dopo l’orto e el porzile.
Có ’l rivava vizin a le casete de le ave el ghe cavava el coercio a una, senza paura de èssare becà, el ghe daséa na bela infumegada dentro e cussì le ave le se metéa chiete. Coalche ava la se ghe tacava in te la camisa o in te i brazzi, ma lu el continuava el so laoro. Noantri toseti a ghe domandàvino:
“Ma non bèchele mia?” e lu par maravejarne el se metéa tra i làvari on’ava e non sucedéa gnente, e me nono el ridéa, tra na tirada de pipa e n’altra, diséndone:
“Cuchi! Coelo che ’l s’à messo in boca a l’è on fuco (’na ava mas-cio!) che no ’l beca mia!”
Intanto l’avaro el tirava fora da la caseta i telareti retangolari, gunfi de miele tegnù fermo da la cera fata da le ave, e el ghe ’assava dentro coéi che non jera gnancora pieni de miele, anca par scorta par le ave.
El rimetéa sù el coercio a la caseta e el portava in corte coéi pieni de miele, che i gavéa senpre de le ave tacà, che se vede che le gavéa da finire el ’so laoro. L’avaro el ne ga spiegà che coele le jera le ave adete a la cera, altre le ghe sta drio a la regina e le ghe dà la “papa reale”, altre le ghe dà da magnare miele a coele ’pena nate, altre oncora le va a tòre el pòline de i fiori par dàrghelo a le ave che le lo fa deventare miele e le lo mete dentro a i buseti de cera de ’sti telareti. Dopo a ghe xe coele “spazine” e coele che le fa da ventilatore, con le ale, dentro la caseta par tegnerla fresca d’istà. Inveze i fuchi, dopo che i xe stà con la regina, i li ’assa morire de fame!
Rivà in corte, el tirava via, co on cortelo, la cera che tegnéa fermo el miele, e el metéa i telareti so ’sto bidon, che la jera ’na centrifuga, e che noantri toseti fasìvino girare co on maneton, cussì a naséa fora el miele che ’l naséa zo da on buso in te ’l fondo, indove che soto a ghe jera na terina par rancurarlo.
Cussì anca par chel’altre casete, rimetendo a posto i telareti gudà. La cera, dopo ’verla strucà con le man par farghe nar zo el miele tacà, el se la portava a casa l’avaro, par vèndarla par fare candele o fare novi telareti; el miele, me nona, la lo metéa so le balarine che la ghéa parecià, par portarle in càneva al scuro e al fresco par l’inverno, par fare marenda, par curare la tosse o par fare coalche dolze.
L’avaro el vegnéa ciamà anca coando la regina vecia la naséa via da la caseta, con le so “seguaci”, parché jera nata ’na regina nova, e le faséa on novo favo de cera, tacà a na casa o so on àlbaro.
Alora el pareciava on’antra caseta, e el infumegava tute le ave che gavéa seguìo la regina. El ciapava la regina con la man, in mezo al “sciame” e el la metéa dentro la nova caseta, cussì che tute le altre ave le naséa dentro. A volte, par farne ciapare paura, el se tacava la regina adosso a lu, e tute le ave le se tacava intorno al corpo de l’avaro, che ’l faséa senso. Par non farse becare a me ricordo che ’l faséa senpre movimenti lenti; el paréa coasi on fachiro o on incantadore de serpenti.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Come gheto passà l’istà?
La prima domanda che vien a boca, ’pena che se incontra calchedun, la xe propio questa. E la risposta che de sicuro no tarda a rivare xe: “Cossa vòto che te diga… la go passà come tuti: calda e suta, co le so rogne, i so ciari de luna. Comunque la xe passà!”
de Mario Sileno Klein
 
Vita vissùa
Leggi l'articolo L’ostarìa “Da Gamba”
de Luigi Frosi
 
Da la Bassa Padovana
Leggi l'articolo L’avaro
de Roberto Soliman
 
Dal Veronese
Leggi l'articolo El s’à negà!
de Giuseppe Lavarini
 
Da Maran Lagunare (UD)
Leggi l'articolo Intuissiòn profonda
de Bruno Rossetto Doria
 
Da Verona
Leggi l'articolo El teremoto del 1117
de Wanda Girardi Castellani e Mirco Castellani