Quatro Ciàcoe
Mensile de cultura e tradission vènete
de Antonio Giraldo

Da Arzergrande (PD)

Fotografie

Quatro Ciàcoe
Jèra un fià nùvoeo e un fià seren. L’aria eà becava parché jèrimo in genaio, ma el cieo no’ se capiva ben cossa che ’l voesse fare. Ghe jera soeo da stare dentro sarà in casa. No’ gavevo robe inportanti da fare fora, e go pensà che a maearme gavarìa fato senpre in tenpo. Cossì me xe vegnùo in mente de vardare ’e foto de qualche ano fà… Inùtie dire eà nostalgia, risultarìa banàe, ma, a vardarle serte fotografie me xe stà ùtie par fare ’na pìcoea riflession. Foto co’ fameje intiere, amiche de i me genitori, ’e riportava i tanti conponenti. Mama, popà e almanco quatro o sinque fiòi, quando che no’ i jera de pi. A questo se zontava i patriarchi, i paroni de casa, noni de i tosi e mama e popà de i genitori, insoma almanco ’na diesena de persone a vìvare tute insieme. Prima de tuto me xe vegnùo spontaneo domandarme come che faséa ’e mame de eora a starghe drìo a tuti chei tosi e a fare i mestieri de casa e anca a jutare par i canpi. Oncò quando che so ’na fameja ghe xe un fiòeo xe quasi massa. Sì, eò sò che xe canbià i tenpi, ma credo che, un fià tuti, ghemo messo da parte chel tochetin de senso de ’a vita che dise che eà vita stessa xe i fiòi. A sto punto qua eà discussion eà vegnarìa intensa parché ghe xe anca de i motivi de fondo che porta ’na copia a no’ generare fiòi. Uno de i motivi xe i schèi, i euro. Ghe xe chi che dise che el vile denaro xe l’ultima roba a eà quae pensare. Soto un punto de vista moràe el xe un discorso san, ma soto el punto de vista de ’a sopravivenza i schei serve, purtropo. Senza euro un fornaro poe anca dàrteo un chìo de pan, ma ’na volta soea però, dopo bisogna afidarse a eà Providenza. Questo xe uno de i motivi, l’altro xe queo de ’a libertà personàe.
Du tosi zóvani no’ i xe pi disposti a sacrificarse ’pena sposà, co’ panoini da canbiare, co’ pìcoi che pianze e da far zugare. I tosi voe èssare lìbari, almanco fin che no’ i se stufa. Dopo, có l’età xe pi consapévoe e cossiente, se tenta anca de métarlo al mondo un fioeo, ma eora podarìa èssare tardi. Xe ciaro che a quarant’ani ghe xe pi problemi che no’ a vinti. Insoma, queo de métare al mondo de i fiòi el comissia a deventare un problema esistensiàe. E cossì, so chea jornata crùa de genaio, go butà eà mente e el cuore dentro de ’e scàtoe de fotografie vece, come mi e anca de pi e, fra ’e altre robe me xe tocà constatare che xe qualche ano che me mojere e mi no’ se femo na foto. Eà machineta xe là so un canton e ’desso xe fadiga anca trovare i rolini parché se fa tuto digitàe e dopo ’e se inserisse so ’l computer, ma no’ eà xe eà stessa roba. Me piasarìa vèrsare un album o un racolitore qualsiasi e vardare ’e foto pitosto che tacare el pc, eà me senbrarìa ’na roba pi naturàe, ma, xe vero, quéo che jera naturàe jeri oncò no’ eó xe pi: bisogna adatarse a i tenpi e noialtri de ’na volta semo zente che se adata. Par ’desso se contentemo de ’e foto che trovemo dentro ’na scàtoea, doman no xe ’ito che no’ se possa inparare a èssare atuài e a seguire el mondo co’ tute ’e so modernità. Chissà, quando che i neodi, un dì i verzarà ste scàtoe piene de foto sbiadìe, cossa che i pensarà. I se metarà a rìdare o forse i se rendarà conto, vardàndoe ben, che chel mondo là, anca senza computer o altre modernità, el jera un mondo vero e vissùo fin in fondo, forse pi de ’desso.

[torna sopra]

 

Archivio
2017 16 15 14 13 12 11 10 9 8 7 6 5 4 3 2 1  
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo A ghe xe poco da rìdare…
La xe na verità. Però a xe on pecato, parché chi ride el xe paron del mondo. E l’omo el pole rìdare solo so sta Tera, parché dopo no ’l podarà pi farlo né a l’inferno nè in purgatorio, e tantomanco in paradiso: no sarìa tanto conveniente. Quindi…
de Mario Sileno Klein
 
Padova che canbia e che resta
Leggi l'articolo La “drogheria”
de Luigi Frosi
 
Da Arzergrande (PD)
Leggi l'articolo Fotografie
de Antonio Giraldo
 
Da Maran Lagunare (UD)
Leggi l'articolo Nasrudin e la mujer
de Bruno Rossetto Doria
 
La nostra gente
Leggi l'articolo Andrès Quiroga Sedeño
on spagnolo a casa nostra
de Lucia Beltrame Menini
 
Da Legnago (VR)
Leggi l'articolo L’ultimo giorno de Carnevale
de Franca Isolan Ramazzotto