Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

Tenpi de ieri, tenpi de ancò

S’a penso a quanti sotopunti, sorafili, a quanto inbastire e desbastire, a quante busete fate a man che le dovéa vegner fora perfete.
S’a penso a quanti sotopunti, sorafili, a quanto inbastire e desbastire, a quante busete fate a man che le dovéa vegner fora perfete.
Xe on bel tòco de tenpo che me son resa conto de come na volta e adesso sia canbià le robe. Che adiritura xe de moda fare el contrario de quel che prima gera na roba normàe, par no dire bea e inportante.
Scumissiemo a parlare de moda, de roba da vestire. Par prima disemo che a mi, par esenpio, i me ciamava la sartorèa o sartina. Adesso xe quasi sparìa sta parola, parché la se ciama stilista. S’a penso a quanti sotopunti, sorafili e punti a crose, a quanto inbastire e desbastire, a quante busete fate a man che le dovéa vegner fora perfete. Tuto questo par inparare a fare la “sarta finita”, parché na volta inparà tuti i punti e fata la so bea scola de tajo, eco che una se podéa ciamare “sarta finita”. Se penso al dì famoso de i esami par la scola de tajo, me viene ancora rabia. Sì, parché i meteva vissin una brava a una scarseta, dó a dó. A la fine mi, par jutare quela scarseta, so’ restà indrìo co le me lession e go ciapà on pontegio pi basso de la me vissina. Come che ghe son restà male, no podì gnanca inmaginarve. Serto che ciapare in man on tochetin de stofa, fùssela stà seda, tela, lino o lana, e trovarte in man na cotoeta, on bel vestito a pieghe, a faldoni, a grespe, beo perfeto vegnù fora da le me manine, la gera proprio na grande sodisfassion. Quei de la sposa po’, co ’l so bel stràssico o quei de le tosete picenine, ricamà sul corpeto a “nido d’ape” la deventava na roba cussì bea, che mi me li vardava come se gavesse fato on’opera d’arte. Sì, el me lavoro me piaseva proprio tanto, ma man a man che cresseva, parlo da pìcola in su, me sentéa dire che se deve saver sì cusire ben, ma anca lavorare a maja. E che contenta che gera la mama quando la me vedéa ciapare in man i feri da calse, la lana o el coton, e ela la me insegnava a scapinare i calsiti del papà. Se ghe faseva la ponta nova e el calcagno e i calsiti i deventava come novi. Me ricordo che na volta, tuto contento par darme sodisfassion, el papà el me ga dà parfin la mancia.
Ma par deventare “na brava tosa da maridare” – alora se diseva cussì – le gera tante le robe da inparare. Anca ricamare, par esenpio, e par queo me insegnava la zia Gilda. Prima go inparà l’orlo a giorno, dopo el punto erba, punto crose, punto onbra, punto pieno, “punto gigliuccio”, “catenella”, ecètera. La passienza gera tanta che ghe voléa, ma in fine de i ricami la gera proprio grande la contentessa de védare sti ricami fati da le to man. Màchine che ricamava no ghin gera e cussì tute se rangiava. Adesso invesse ghe xe le màchine che te fa qualsiasi ricamo.
Canbiando discorso, bisognava inparare a fare anca le tajadèe. Farina bianca, ovi e sale, bisognava inpastare e po’ tirare co’ la méscola on bel sfojo, smissiàndolo pianeto co’ le man, girarlo ’torno la méscola e po’ co on pìcolo lancio le se destirava sora la tola par infarinarle. Ma de passiensa ghe ne voléa tanta par insegnarme e na bea volta go lancià la méscola co’ ’l fojo roejà, on poco massa forte tanto che, beo tondo, l’è ’ndà a finire soto la tola. “Maria santa – ga dito me mama che me xe corsa in aiuto – va’ via par carità, te inpararè nantro dì, senò ancò qua no se magna de serto.” Da lì se ga capìo che la coga no sarìa stà el me mestiere. Anca queste xe stà robe superà; adesso se va a conprare quasi tuti “el tuto pronto”. A chel’età là, adesso non credo che le mame se preòcupa de insegnarghe ste robe parché le fiòe le deventa pronte da maridare, parché ghe ne go visto una proprio stamatina, sentà so ’l cantonsèo de ’a cusina che la traficava co’ on telefonin…
E lavare? E tacare na pèssa sora le braghe có le gera rote? Adesso i le sbrega aposta. Altro che la precision de ramendare on sbrego. On bel ramendo e na stirada e el sbrego gera sparìo. “Sa, le costa de pi ste braghe – diseva una ieri a on so amigo − parché le ga pi sbrighi e busi de le tue…” Mi, lì in parte, scoltava sti discursi, quasi imagà, pensando a tuti i busi e i sbrighi che le done de casa giustava na volta, parché tuti ’ndasse via in ordine. Quanti ramindi go fato anca mi!
E le petinadure de on tenpo come se fa a confrontarle con quee de oncò? Se sa che le mode canbia, ma che no sia miga esagerà che la moda oncò la dise de raparse a zero, pelà e co’ na streja de cavéi driti in mezo a la testa, come se ’l fusse on bruscheto in testa. Me nono, al so tenpo, diséa a chi gavéa tuti i cavéi driti: “Varda, ciò, se piove perle le se inpira.”
E i canti de ’a natura come xei canbià par chi li scolta? L’altro dì go sentìo che uno ga denuncià el vissin de casa parché el gavéa el galo che cantava de matina presto. Nantra denuncia par le canpane che sonava l’Avemaria. Go sentìo na toseta che gera spassientìa par el canto de sigale che el ghe pareva on rumore. “Cossa zelo, mama, sto rumore?” la diseva. “La xe na cicala” gavéa risposto la mama. Mi, lì in parte che gavéa sentìo, no saveva gnanca cossa pensare. Ansi a pensava che, có sento el canto de la prima sigala, el me fa alegrìa, quasi che ’l fusse el saludo de na nova istà.
No ghe mancava che sentire in TV che in futuro se magnarà cavalete roste, scarpioni, griji, ecètera. “Ma in che mondo sémoi drio rivare?” me diseva tra mi e mi. Se penso che i scarpioni me ga senpre fato paura parché i gera velenosi (cussì i ne diséa)! Guai a ciapare on becon dal scarpion. Come dal resto le marissàndoe. Altri i le ciamava secemàndoe. Che paura, fiòi, de ste “salamandre” in italian; speremo che co ’l tenpo no i magna anca quee. De sto magnare del futuro no me piase proprio gnanca l’idea. Pol darsi che le robe canbia anca in ben.
Có’ gera pìcola, mi sentìa cantare: “Nel Duemila / non si mangeranno più / né spaghetti / né bistecche col ragù / ma soltanto poche pillole / e con gran semplicità / la fame sparirà.” Grassie a Dio el Domila xe rivà, ma no canbià come le prevision. Comunque ieri l’è ormai passà. L’oggi, cioè oncò, l’è drio deventare ricordo. Sora el moraro vecio ghe xe on oseleto che canta tuto contento. Ieri sera, soto on sloto de tera drio na piantà de vegne, cantava forte du griji inamorà. Alora, viva el dì de oncò, viva i ricordi de ieri e viva quel che sarà el doman, anca se ’l gavarà scarpioni, cavalete e griji rosti. Quel che inporta xe vìvare sicuri che la natura no tradisse mai. Ricòrdate, omo, pénsaghe…

[torna sopra]

 

Archivio
2020 19 18 17 16 15 14 13 12 11 10 9 8 7 6 5 4 3 2 1  
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Viva la libertà!
Eco na parola che uno el se inpina subito la boca, solo a pronunciarla, ma che xe piena de spini e de trabuchèi pi de on giavasco de russe. Tuti ga la so libertà, ma la mia no pole mai èssare come la tua…
de Mario Sileno Klein
 
Da i Coli Euganei
Leggi l'articolo Tenpi de ieri, tenpi de ancò
de Gemma Bellotto
 
Xe finìa un’epoca…
Leggi l'articolo Mureri a Venessia
de Armando Mondin
 
Da Adria (RO)
Leggi l'articolo L’odore de le polpe
de Sergio Bedetti
 
Da Vicenza
Leggi l'articolo El riso de le Badesse
de Ines Scarparolo
 
Da la Bassa Veronese
Leggi l'articolo Ortensie: la me passion!
de Lucia Beltrame Menini