Quatro Ciàcoe
Mensile de cultura e tradission vènete
de Arturo Baggio

Zente de Padova

Gianfrancesco Mussato

Statua del leterato Giovanni Francesco Mussato, in Prato de la Vale.
Statua del leterato Giovanni Francesco Mussato, in Prato de la Vale.
Gianfrancesco Mussato, da no far confusion co Albertino, celebre umanista so assendente, xe nato a Padova el 3 setenbre 1533 da Alvise, so pare.
No se sa come e dove el gabia fato i so primi studi, serto xe che el ga ’vudo na profonda preparassion su tute tre le lingue che a chel’epoca gera le più inportanti: la lingua usà par parlare tuti i giorni, che se voleva ciamare “el volgare”, el latin e el greco. El ga inparà anca l’ebraico e el se ga aprofondìo su la filosofia e sul dirito canonico.
In sostansa, in quel periodo storico la so preparassion fazeva de lu na persona de profonda cultura, tanto che più volte ghe xe stà proposto de insegnare al Studio Padovan, che sarìa stà la nostra Università, e che lu ga senpre rifiutà.
La fama de “erudito” za circolava su la so persona parché nel 1562, al 30 de novenbre, el xe stà nominà fra i esecutori testamentari de l’erudito Michele Sofianòs.
A l’insegnamento universitario Gianfrancesco Mussato ga senpre preferìo espore le so idee e i so insegnamenti ne le aule de le Academie che a Padova le gera numerose. Da i so scriti e da quelo che ga scrito i storici, salta fora che lu frequentava le Academie de i Eterei, de i Elevati, de i Gimnosofisti, de i Infiammati, de i Rinascenti, de i Animosi, de i Avvinti, de i Oplosofisti, de i Ricovrati. In tarda età Mussato el xe stà eleto anca a l’Academia Delia.
Ne le aule de ste associassion el ga ’vudo modo de tirarse sù alievi che ga dà lustro al panorama letarario e storico de l’epoca. Fasso de i nomi: Antonio Frigimelica, Alvise Lollino grecista e Vescovo de Belluno, Antonio Quarenghi leterato e bibliofilo, Andrea Morosini storiografo e senatore, Lorenzo Pignoria, Martino Sandei, Vincenzo Contarini, Ottavio Menini giurista.
Ghe xe na vastissima documentassion sul so insegnamento e su quanto lu ga lassà scrito, conservà in gran parte ne la Biblioteca del Seminario de Padova. Ghe xe intere lessioni o apunti, tra i quali xe da ricordare na “Oratio… de ascensu caeli ex Platonicorum doctrina” e un discorso in latin su la dignità del studio del greco e del latin. Ghe xe anca un comento fato su l’inissio de la “Poetica” de Aristotele.
Ma ghe xe tanta altra roba conservà su Mussato: scriti giovanili, esercissi de tradussion dal latin, trascrission de testi classici.
Insieme a foli trascriti da lu, ghe xe tanti libri stanpài de autori greci e latini, comentài da so “postille” scrite a man.
Quelo che resta de lu, oltre a tuto quelo che go dito de sora, xe i studi storico-genealogici su le Academie padovane e su l’origine de la so fameja ciamà “De Mussatorum origine”.
Come podì imaginare el nome de Gianfrancesco Mussato xe deventà famoso par l’alto grado de la so cultura e questo ghe ga dà modo de entrare in contato co i personagi più in vista del mondo culturale de chel tenpo. Esiste un vasto cartegio in gran parte ancora da studiare che conferma ste notissie. Un tipico esenpio de sti raporti xe la consulensa che Antonio Riccobon ghe ga domandà par el so comento a la “Retorica” de Aristotele. Gian Vincenzo Pinelli xe stà in raporti col Mussato che ga vudo ocasion spesse volte de domandarghe el parere su la so produssion de poesia, spece in greco. Fra i dó ghe xe stà un scanbio notevole de pareri su problemi de caràtere filologico e lessicografico. Ma oltre a sti colegamenti de caràtere letarario, sti dó i xe stà unìi anca da na passion: la botanica.
Senpre par parlare del cartegio del Mussato co le personalità del so tenpo xe da ricordare anca Alessandro Campesano che nel 1572 el se ga rivolto a lu par mandarghe na racolta de versi latini scriti da Lazzaro Bonamico prima de la publicassion. Pantani nel 1983 el ga trovà un paro de létare che el ghe ga scrito a Alberto Andrasione, el precetore polaco de so nevodi Alvise e Marco Antonio Mussato.
Fin qua ve go descrito el Gianfrancesco Mussato leterato e amante de la cultura in na vivace colaborassion co i mèjo personagi de chel tenpo. Ghe xe ’n altro lato interessante de la so vita: el so inpegno nel canpo de la politica. Conservà senpre ne la Biblioteca del Seminario de Padova na notevole quantità de carte ciamàe “Suppliche e discorsi fatti in Consiglio”. In ste carte figura tanti interventi fati al Doge in materia legale e finansiaria e che dimostra el so interessamento anca par la vita politica. Fra i discorsi, che a chel tenpo se ciamava orassion, de magior rilievo ghe xe stà quelo a nome de la comunità padovana par la partensa de Marino Grimani che nel 1589 el gheva finìo el so incarico de procuratore a Padova. Altro discorso, quelo fato in lode del Doge Sebastiano Venier e quelo fato pa la partensa da Padova de Giovanni Cornaro có ’l ga finìo de èssar podestà.
Oltre a i personagi che go descriti sora, Gianfrancesco Mussato ga ’vudo raporti de amicissia o de corispondensa co el medico francese Claude Acantherus, el veronese Giovan Battista Pona, el grecista Ascanio Persio, el matematico e filosofo Giacomo Zabarella.
El xe morto a Padova el 15 setenbre 1613. El ga dovudo spetare fin al Setesento parché l’Academia dei Ricovrati ghe fazesse fare na statua in Prato de la Vale.
Mi no vojo zontare nessun comento su sto nostro consitadin, ma me pare che el gabia dà lustro e gloria a la so sità.

[torna sopra]

 

Archivio
2017 16 15 14 13 12 11 10 9 8 7 6 5 4 3 2 1  
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Imigrati. Mandémoli via!?
La xe na question che ormai xe drio deventare vecia incancrenìa, la xe na malatìa crònica. La mancanza de regole precise par afrontare con serietà i problemi creà da l’imigrazion la fa nàssare ne la socetà difidenza, preocupazion e paura. Cossa fare?
de Mario Sileno Klein
 
Zente de Padova
Leggi l'articolo Gianfrancesco Mussato
de Arturo Baggio
 
Da Maran Lagunare (UD)
Leggi l'articolo Le prevision de Nasrudin
de Bruno Rossetto Doria
 
Robe de Ciósa
Leggi l'articolo “El Cristo” de San Doménego
a cura de Angelo Padoan
 
Da Lendinara (RO)
Leggi l'articolo Gineto: l’ultima nina nana
de Renato Scarpi
 
Da la Lessinia Centrale (VR)
Leggi l'articolo Moto nóe e moto vece
de Luigi Ederle