Quatro Ciàcoe
Mensile de cultura e tradission vènete
de Gemma Bellotto

Da i Coli Euganei

La manteina militare

Cussì sto amigo l’è ’ndà a casa contento co sta bela manteina.
Cussì sto amigo l’è ’ndà a casa contento co sta bela manteina.
Dovarìa ciamarla mantelina, par capirse mèjo, ma volendo parlare co ’l nostro diaeto, la ciamarò manteina. Serto che la ne ga servìo par far tante robe e par tanto tenpo. Adesso ve spiegarò on pochetin tuto. Se trata de na vecia manteina militare portà a casa dal popà có l’è vegnù casa da militare.
Noantri a chel tenpo no se ghe gera de certo, ma co ’l passare del tenpo semo rivà anca noantri tri fradèi, se podarìa dire in fila, parché in pochi ani se xe nati tuti tri.
El popà, quando che gera bruto tenpo, ghe piaseva tanto a contarne le storie de la so vita e a noantri ne piaseva tanto a scoltarlo. On dì che ’l gera soto la Naia (questi gera i termini de alora) on so caro amico el gera stà ciamà da casa, parché uno de i so tanti fiòi picenini se gavéa malà. Avendo na manteina vecia, malandà, el ga dito:
“Sinti, Gildo! Me darìssito in prestio la to manteina che dopo, quando torno, te la darò de ritorno? La mia xe bruta e me vergogno ’ndare a casa messo cussì.”
El popà ben volentiera ghe la ga prestà e cussì sto amigo l’è ’ndà a casa contento. Po’, quando xe stà ora de vegnere a casa, no ’l se ga pi contà el popà de domandarghe indrìo sta manteina, ansi, el ghe ga dito:
“Tièntela, valà!” pensando a quanto poareto gera sto amigo e a i tanti putèi che ’l gavéa. El popà ga piegà sta vecia manteina e el la ga messa in vaisa, portàndola cussì a casa, pensando che la gavarìa servìo a qualcossa. Difati, có gera bruto tenpo e fredo, bela neta e lavà da la mama, qualche volta la servìa a covèrsarse in leto come coverta, insieme co la s-ciavina. La s-ciavina gera na querta fata de strasse vece. Le se tajava a strissie tute longhe e dopo le se intreciava ben, tanto che in ultima vegneva fora na coverta bea pesante; anca se no la faseva tanto caldo, la servìa parché alora de querte de lana ghi ne gera molto poche. Penseve che a chel tenpo i contava che in te na casa sora al monte, uno che sonava l’armonica el se meteva sora i nissòi par covèrzarse anca l’armonica. Po’ a la note, có ’l se girava, i sentìa l’armonica che se faseva el frin-fron, che svejava quei che gera indormessà e penso che i gavarà fato anca qualche ridada.
Tornemo a la nostra manteina che in te le sere tanto calde, la se destirava soto el peraro grande de piri sanpieròi e lì se staseva frischi, vardando le stée e scoltando el canto de qualche ultima sigala che la gavéa sentìo el caldo e la pensava che ghe fusse ancora el soe. Se ghe penso ben, la servìa anca a quèrzare el tinasso dove se faseva la graspìa. Quando el mosto gera deventà ormai vin, se ciapava le graspe e le se metéa drento el tinasso; le se coverzeva con qualche fassina de legna e sora se ghe metéa na s-ciavina vecia e, se no bastava, sora de tuto se destirava la vecia manteina. Ormai la gera vecia, ma la servìa ancora. Dopo on poco de tenpo se verzéa el canoin par sentire se la graspìa gera pronta. Questa sarìa stà la bibita che ne servìa a noantri in te i dì caldi. Alora de bibite no ghe ne gera de serto.
Prima che la deventasse vecia proprio se la metéa sora le spae el popà có ’l vegnéa torme a la fine de la scola in te i dì che pioveva, portàndome la onbrèa. Có vedéa le prime giosse, mi on poco spaventà me metéa córare e me consolava có vedéa da distante la figura del popà che ’l rivava in pressa. Ciapàndome par man, el diséa:
“Sinti che manine frede che te ghè, métete qua arente a mi!” e cussì disendo el me roejava arente a lu co la manteina, po’ el verzeva l’onbrèa e via in pressa verso casa. Mi gera cussì contenta e sicura che me paréa de zolare. Se nevegava forte po’, el se metéa so le spae la manteina e i scarpuni in piè e el portava in casa, sfidando el vento, du bei balochi de neve. Che batiman, gente, quando drento el goto co na s-cianta de aséo o on sculierin de vin moro turbio vegneva fora el gelato o la granatina. Da chel tenpo, de pi bona no se ne ghe avéa mai sentìa. El tenpo xe passà e par adesso opure in te sto momento, no me ricordo altro de la nostra manteina, anzi, me la ricordo in tòchi; forse, con qualche tòco, la servìa a netare le scarpe, dato che le deventava bee lucide, essendo de pano de lana bona.
E adesso me pare che tuti sti ricordi cussì lontani de on tenpo poareto, in fondo el fusse pi beo de adesso e me xe vegnù on poca de nostalgia. Tuto se doparava alora, anca on tochetin de carta o i scartossi de le pagnoche che, tajà a tochiti e incrosà, se faseva vegner fora de le bele sporte par la spesa e no le faseva de serto inquinamento.
L’altra sera go visto par television uno che faseva reclan al so partito e el se ciamava de cognome come l’amico de me popà che ’l ghe gavéa dà la manteina vecia in canbio de quea nova. Go capìo, pensando dal paese che ’l vegnéa, che ’l ga da èssere stà proprio uno de chei putèi de l’amico de me popà. Da i discursi che ’l faséa me gavarìa piasesto dirghe qualcossa… “Mèjo de nò” me son dita; ogni tenpo ga le so storie. E go saludà co ’l pensiero chel tenpo co nostalgia, ma contenta de avere ancora fra le man la nostra pressiosa vita.

[torna sopra]

 

Archivio
2018 17 16 15 14 13 12 11 10 9 8 7 6 5 4 3 2 1  
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Se no ghe fusse la parola…
… a sarìssimo come le bestie. Solo le bestie no ga la parola; magari lore le ga naso, istinto, sentimenti, inteligenza… che ghe permete de raportarse tra de lore, ma ghe manca la possibilità de comunicare con noantri umani, anca se no xe dito che le ne capissa anca massa in quelo che disemo o femo.
de Mario Sileno Klein
 
Da i Coli Euganei
Leggi l'articolo La manteina militare
de Gemma Bellotto
 
Da Roma, in diaeto de Este-PD
Leggi l'articolo Stranbarìe
de Mario Piccolo
 
Da Maran Lagunare (UD)
Leggi l'articolo L'erba cativa
de Bruno Rossetto Doria
 
Dal Basso Venezian
Leggi l'articolo La lissia
de Toni Zamengo
 
Da la Bassa Veronese
Leggi l'articolo Reliquie de guera
de Lucia Beltrame Menini