Quatro Ciàcoe
Mensile de cultura e tradission vènete
de Annalisa Pasqualetto Brugin

Da Mestre-Venezia

Cioca rosa e cioca celestina

Ne la foto el Vilagio de Ca’ Brentele, come el gera ne i ani Sinquanta.
Ne la foto el Vilagio de Ca’ Brentele, come el gera ne i ani Sinquanta.
Có riva Nadal, ghe xe de tuto par far festa in casa: el pin, co le so balete e bonboni picài, el presepio, oramai ficà su un canton, ramete de vis-cio, pareci de ogni gènare e tanti recordi ne la testa.
Vardando le cioche rosse, de oro, de arzento tacàe dapartuto, par acòliar Gesù Banbin che nasse, me sovien de dó cioche, una celestina e una rosa, fate ani indrìo par anunsiar che gera nati dó putèi.
Gera ’na coriera blè, che sgorlava da mati i malcapitài montài sù, quela che ogni dì portava me mama maestra ne la scola picenina de Ca' Brentele, ’na contrà tacà a Malcontenta, dove ’na volta su ’na mucià de casete, tute conpagne, a un pian e tute bianche, gera ’ndà a star fameje pitoche e desgrassiàe, desfratàe da la Giudeca de Venessia. Mi, che gavevo pochi ani, tante volte ’ndavo insieme co ela e ogni volta restavo maravegiada e sbasìa da quel che vedevo in quele casete e da chi che ghe stava drento, par no parlar de le usanse e modi de vìvar. El viagio stesso gera n'aventura, el bilieter sigava el nome del posto de la fermata: “Casa Rossa, Gesù Lavoratore, Rana, Fornace… Ca' Brentele”: eco, la gera la nostra; ’na volta smontàe, bisognava far un tòco a pìe, la strada par rivar a ’sta borgada no gera stada gnancora sfaltada e par trovar la scola se passava davanti a tute le “casete”.
Gera l’ultimo sabo de april del 1961, i fumi de le fàbriche de Marghera no i scondeva el sol che faseva baussète inframèso le rame de le piope, ne l' aria el bon odor de le prime rose; un s-ciapo de boce ranpegài come simioti su par i tabeloni de fero dove gera petàe sù liste de nomi par le votassion, desbrassàndose sigava:
“Maestra, el xe nato, xe nato Icio! El xe nato proprio stanote.” Xe stà cussì che me so trovada co me mama ne la casa de la Violeta. No gera raro che me mama ’ndasse drento le casete, gera un onor par le fameje ciamarla a bévar el cafè, co l' ocasion i ghe domandava consilio su come sistemar i malani de coalche fìo o fìa.
Quela matina, prima dona de Ca' Brentele gera la Violeta che gaveva partorìo, se pol dir da sola, visto che la “comare” svegiada de bruto, gaveva fato ’pena in tenpo a inpirarse sù còtola e camisa, tor sù la valiseta e córar. La conosseva ben la Violeta, la gera al so sesto putin, e ogni volta la gera senpre più svelta a métarlo a ’sto mondo. Icio (Fabrizio), gera rivà dopo sinque fémene, e a bona rason el pare gera in ostarìa a far festa co tuti i òmani che el conosseva e anca co quei che no el conosseva, el pagava da bévar a tuti!
Xe stada proprio la comare a tirarne drento la caseta bianca, anca se a dir el vero el bianco gera un recordo; me par ancora de védarla in pìe co le man su i fianchi, un donon su la sinquantina, sicura del fato suo e praticona, la tendeva le done de la zona che cronpava, la saveva tute le volte se el sarìa stà mas-cio o fémena: “pansa inpontìa, ’na bela fìa, pansa a pomelo, un bel putelo”, la sentensiava, e no la sbaliava mai. Tuti la stimava e rispetava, ne le so man ghe gera ’na nova vita. La ne ga fato subito ’ndar in càmara, dove nel leto matrimonial, come su un trono gera sentà la Violeta, la ne ga vardà co oci slanguorìi e tènari, po’ tegnéndose in bon, la ga inpirà ’na man soto el covertor e la ga tirà fora un fagotin: Icio! Gero imatonìa! Go visto un mostricio rosso, rosso co la pèle tuta piena de grinse, ma par la Violeta el gera el più bel tato su ’sta tera. No desmentegarò mai l’odor agro e dolsin che stagnava ne la càmara, sul bufeto ghe gera 'na botilia de Marsala e un paco de Savoiardi, regalo de le amighe, e rodoli de fasse pusài sul comò. Me mama ga caressà la testina peloca de Icio e tanbascà a mesa vose co la Violeta, parché el sogeto no gera adato a mi ancora putèa, capivo solo tòchi de parole, ma go capìo ben, quando la comare ga dito:
“Maestra, doman partorisse ela!” Gera vero, me mama spetava un putèo, ma mancava ancora tenpo, e po’ la gera drìo ’ndar a far scola. La nàssita de Icio gaveva messo el rebégolo in corpo a tuti i scolari che gaveva manco voja del solito de inparar, el fato po’ che el pare gavesse promesso de pagar a tuti un giro ne la giostra de le barchete, postada proprio tacà a la scola, par la festa de la Madona, li gaveva tuti agitài e inboressài. Me mama, ga fato scrìvar su un folieto de quaderno ’na frase de auguri par dar el benvegnù al novo banbin e ga parecià ’na gran cioca celestina de carta crespa, che dopo xe stà tacada a la porta de la casa de la Violeta…
Tornando, me pareva che me mama caminasse pianeto e anca che la fusse infastidìa dal viagio in coriera, però no ghe go fato caso; ma quela note ghe xe stà un gran tranbusto e ’pena che se ga alsà el sol me papà me ga portà da ’na visina de casa, intanto prima del previsto e in furia xe nata me sorela Laura, in casa, jutada da la levatrice so amiga. Me mama, gaveva fato scola fin el dì prima. Tante xe stà le visite par vegner a védar la nova picenina, ma quela che più ga ingropà me mama par l'emossion xe stà quela de ’na diesena de done de Ca' Brentele, che xe rivàe co la botilia de Marsala e i Savoiardi, come da usansa. Ghe gera anca la comare che, ridaciando, la ga dito:
“Lo gavevo capìo mi, maestra, che ghe mancava poche ore par partorir!” po’ la ga pusà sora el leto ’na scàtola da scarpe, che ghe gaveva dà la Violeta, co la racomandassion de tegnerla da conto e métarla proprio ne le man de me mama; drento ghe gera ’na cioca de nastro rosa. La cioca xe stada subito picada sora la cuneta de me sorela, e me mama la ga tegnùa tra i so recordi più cari… Proprio come a Nadal ghe gera stà un scanbio de regali. Me mama e la Violeta no ghe xe più, me sorela ga un toso ormai grando, e Icio? Cossa faralo Icio? No lo sò.

[torna sopra]

 

Archivio
2018 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Nadale insieme e… piassè boni
Eco l’ocasion pi adata par pensare, volere e donare la pace, l’armonia, l’amore, la solidarietà… Ma no la xe na roba da fare da soli: ocore volerlo e farlo insieme. Senò, che Nadale xelo se ’l vien pensà, visto e vissùo come quelo de on polastro sarà da elo solo in caponara?
de Mario Sileno Klein
 
Da la Bassa Padovana
Leggi l'articolo Spetando Nadale, tra fòle, storie e stracaganasse
Prima de l’arivo de la corente elètrica anca ne le canpagne, bastava uno bon de contar storie par tegnere sveja ’na contrà, ma senpre con ’na morale. ’Desso l’eletricità e la television ne tiene sveji, ma con la morale del Grande Fratello Vip!
de Roberto Soliman
 
Da Mestre-Venezia
Leggi l'articolo Cioca rosa e cioca celestina
de Annalisa Pasqualetto Brugin
 
Da Venezia
Leggi l'articolo I nizioeti
de Armando Mondin
 
Da Lendinara (RO)
Leggi l'articolo Regali de Nadale
de Laura Viaro
 
Da San Stefano de Zimela (VR)
Leggi l'articolo Mas-cio e dintorni
de Antonio Corain