Quatro Ciàcoe
Mensile de cultura e tradission vènete
de Armando Mondin

Da Venezia

I nizioeti

Quatro Ciàcoe
Quatro Ciàcoe
Quatro Ciàcoe
Te pareva che a Venessia anca ’a toponomastica no ’a sia scrita in maniera unica sul nizioeto? Intanto disemo che el nizioeto el ze na pitura muràe su fondo bianco, contornà da un pìcoeo bordo nero, dove xe scrito el nome de na cae, un ponte, na fondamenta e cussì via per tute ’e indicassion stradài.
Ghe ne xe restà na parte, quasi come in origine, scriti in venessian, altri in parte scriti co un misto de italian e venessian. Sti ultimi i xe stai rifati ne l’800, ma anca qualche ano fà in un triste tentativo de italianizar conpletamente ’a nostra ’engua.
Anca i numeri civici i xe scriti su nizioeti più pìcoi, bordài de rosso.
Escluse alcune ecession moderne, ’e scrite no ’e riporta nomi de batalie, personagi inportanti, ma nome de lavori che in chea zona se faseva, nome de santi, de aparission, quasi tuti dài dal pòpoeo. Tanto xe che na parte de storia de ’a Serenissima: mestieri, tradission ’a ze scrita proprio su i nizioeti.
De più recenti ghe ze i nizioeti che indica ’a cae o queo che ze par ’ndar ’a ciapar el vaporeto, o par ’ndar a eà stassion senpre su sfondo bianco ’e ze scrite in rosso; qualchedun che indica l’ospeal el ze scrito su metaeo co fondo ceeste e ’e paròe in bianco; se voemo zontar ancora ghe ne ze de zai in metaeo bordài de nero che indica un tragheto o ancora ’a stassion, ma sti ultimi no i ze i nizioeti storici.
El fassino, ’a beessa ti te ’o pol gustar ’ezendo ’e scrite in venessian, e qualchedun no el ze conprensìbie gnanca a qualche zóvane venessian parché ’a paroea no ’a ze più in uso da tanto tenpo.
Ghe ne scrivo qualchedun de curioso: Calle de le carosse, parché na volta, in chel posto, se costruiva carosse; Calle del sartor da veste, parché ’à un sartor cusiva vestiti par serti incarichi statài; Ponte de i bareteri, dove se faseva barete, capèi; Sotoportego del lustraferi, dove se forgiava e lustrava i feri de ’e góndoe; Rio terà barba frutariol: cussì ciamà parché un frutariol sensa fiòi el gera generoso e el ghe regaeava qualche fruto a i toseti che cantava nel coro de ’a cesa vissin ’a so botega, e na volta uno de eori, ’pena rivà nel coro, lo ga ciamà barba frutariol parché no el saveva che el gaveva nome Ménego: da chel momento par tuti Ménego frutariol el ze stà ciamà Barba frutariol. Calle de le moschete: un tenpo qua se faseva de i finti nèi neri in tafetà che ’e done se tacava sul viso par far risaltar el coeor, par el più, ciaro de ’a carnagion e par èssar un poco civete; Calle de le strazze: cussì ciamada parché, autorizài da ’a Repùblica, i Ebrei i podeva vèndar vestiti usài e strasse varie; Corte del strologo: pare che qua un patrissio, Francesco Barozzi, el se fasesse passar par stròlogo, in realtà el gera bon de sugestionar ’a zente, faséndoghe crédar de védar robe che no ghe gera; Rugagiuffa: dove spesso se derubava i passanti, giuffa quindi deriva da gagiuffo, cioè “gaglioffo”. Fondamente dei felzi: in sta fondamenta se faseva i felzi, na specie de “cabina”, in stofa par protèger o scóndar i passegeri che stava in góndoea, usada anca come “alcova” intanto che ’a góndoea ’ndava. Barbarìa de le tole: sto nome parché qua se piaeava ’e toe e el risso de ’egno che ’a piaea ’a produseva el vegneva paragonà al tajo de na barba; quindi el voeva significar el barbier de ’e toe. Calle de la pégola: qua ghe staséa i pegoloti, operai che lavorava in Arsenàe e meteva ’a pece su ’e navi de ’a Serenissima par no far entrar aqua. Calle de le rasse: qua se “tingeva” e se vendeva un pano de lana che el se ciamava “rascià” che el serviva par far i felze che stava su ’e góndoe. Calle fiubera: in sta cae ghe gera boteghe che ’e vendeva fibie par scarpe. Ponte dei ferali: sta zona ’a gera abitada da costrutori de fanài che faseva ciaro de note in tanti posti de ’a cità. Calle de la bissa: cussì ciamada par ’a so forma, o in altra version perché qua se vendeva un tessuto de seda che se ciamava “bisso”. Ponte de le pignate: parché qua se vendeva pignate che in gran parte ’e vegneva dal Friuli. Calle del pestrin: qua se vendeva late. Calle del marangon: qua ghe stava na botega de un faegname. Fondamenta dei cereri: ciamada cussì parché ghe gera tante boteghe che fabricava e vendeva candée. Calle dei saoneri: anca qua boteghe che faseva e vendeva saon. Campo de le gate, Sotoportego dei dai, Calle dei bombaseri, Fondamenta de dona onesta, Sotoportego de la furatola, Ponte de le tete, e cussì se podarìa inpenir ancora pagine de nomi e significati.
De sti esenpi de nizioeti no ve go scrito, come senpre par altre indicassion ne i precedenti artìcoi, el logo dove i se trova parché se ve intaressa perderve par Venessia questo el xe un bon motivo. Sercarli, come mi go , par esenpio, sercà ’a Corte sconta, na corte che ghe ze, ma no ghe ze, epur ’a go trovada come altri posti sconti tra cai, canpi, fondamenta e salti nel vodo. Personalmente quando che vardo tante scrite che ricorda lavori veci ’ezo ’a storia de sta me cità fantastica, quasi finta, ireàe che no ghe ze più. Par ’e porcarìe scrite da l’800 a i nostri giorni che ga sercà de italianizar el venessian, provo rabia, tristessa infinìa. Venessia ’a xe stada granda in tuto e unica par senpre parché nissun sarà più bon de fàrghene una conpagna o sìmie.
Par questo consilio de perderve, possibilmente par senpre, vardando o sercando ’e storie scrite su i nizioeti che i par inventài par na fàvoea imortàe.
Penso che prima o dopo, anca se pian, pian i sparirà o i vegnarà storpiài ancora o scriti in italian, sognadori e chi serca el mistero par entrarghe drento e fàrghene parte, i sarà pronti a riscrìvarli e portarli magari su ’a luna, poco distante da qua, ’pena drio el canal.

[torna sopra]

 

Archivio
2018 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Nadale insieme e… piassè boni
Eco l’ocasion pi adata par pensare, volere e donare la pace, l’armonia, l’amore, la solidarietà… Ma no la xe na roba da fare da soli: ocore volerlo e farlo insieme. Senò, che Nadale xelo se ’l vien pensà, visto e vissùo come quelo de on polastro sarà da elo solo in caponara?
de Mario Sileno Klein
 
Da la Bassa Padovana
Leggi l'articolo Spetando Nadale, tra fòle, storie e stracaganasse
Prima de l’arivo de la corente elètrica anca ne le canpagne, bastava uno bon de contar storie par tegnere sveja ’na contrà, ma senpre con ’na morale. ’Desso l’eletricità e la television ne tiene sveji, ma con la morale del Grande Fratello Vip!
de Roberto Soliman
 
Da Mestre-Venezia
Leggi l'articolo Cioca rosa e cioca celestina
de Annalisa Pasqualetto Brugin
 
Da Venezia
Leggi l'articolo I nizioeti
de Armando Mondin
 
Da Lendinara (RO)
Leggi l'articolo Regali de Nadale
de Laura Viaro
 
Da San Stefano de Zimela (VR)
Leggi l'articolo Mas-cio e dintorni
de Antonio Corain