Quatro Ciàcoe
Mensile de cultura e tradission vènete
de Luigi Frosi

Ricordi de vita

El nono e so nevodo

Tra nono e nevodo se gavéa creà na conplicità particolare.
Tra nono e nevodo se gavéa creà na conplicità particolare.
Questa la xe na nova serie de ricordi de vita vissuda da i pionieri italiani in tera brasiliana, tra la fine de l’800 e l’inissio del 900; na risserca de le raise e de i valori che ga fato de chei contadini un popolo fondatore de na nova socetà. Chi che scrive xe VITALINA MARIA FROSI nel libro "Racconti di un tempo memorabile", dove la conta fati veramente capitài, tirài fora da na so risserca su i proverbi e modi de dire che i primi emigrati ga portà in Brasile da l’Italia.
Sto primo raconto el descrive el raporto de un nono co so nevodo che el se rifà al proverbio: “Se ciapa pi mosche co na giossa de miele, che no co na bota de aséo” o anca “Val più na giossa de miele che na bota de fiele”.
La situassion conta de dó fameje che viveva vissine de casa: ne la prima ghe stava i noni, ne st’altra invesse ghe viveva na fiola col marìo co quatro pargoli. La natura ralegrava l’anbiente: àlbari e siese circondava un gran prà e la canpagna; un bosco de araucarie altissime dava riparo a “cornacchie e pappagalli” che trovava da magnare ne le pignone che le produseva (alimento che gheva sfamà anca i primi emigrati rivài là). I papagài però gheva un significato speciale: ogni fameja ghi ne gheva uno e bisognava ciaparlo co arte, sparàndoghe su na sola ala, dopo el se portava casa e, in gabia, se ghe insegnava parole e frasi in dialeto veneto, cussì el deventava el zugàtolo par putèi e grandi.
Ne la casa vecia de i noni ghi ne jera uno e su quela de la fiola naltro, indove i putèi se divertiva a farghe dimande e sentirlo parlare. Le stajon passava, i tosati deventava grandi, i òmeni laorava, butando zo àlbari e coltivando la tera, i semenava par garantirse i racolti, intanto i noni inveciava e i nevodi cressiva: la vita coreva sensa fine come l’aqua del fiume.
Oltre a èssare nono, Antonio el jera anca sàntolo de Bepin, el primo nevodo. Fra lori se gheva creà na conplicità particolare: el nono ghe insegnava le so conossense e le esperiense de la vita e Bepino inparava le belesse e le dificoltà che la vita riservava.
El nono Toni jera senpre stà presente ne la so fameja e ’desso el stava drìo a i nevodi, vedéndoli créssare co sodisfassion. El gheva però un debole par Bepin che, anca se afetuoso e vissin, el gheva vivesto na primavera tenpestosa in causa de so pare Severino, massa esigente ne i so confronti. Adiritura, Bepin el gheva catà so pare che vigneva fora da uno de chei anbienti poco racomandabili par l’andamento sereno de na fameja: dopo sto fato el toso no ’l gheva pi ’vudo na gran considerassion par so pare. Par contro, el popà de Bepin, par paura che ’l toso pandesse quelo che ’l gheva visto, lo tratava senpre pi co autorità, co parole pesanti e ordini senpre pi duri. El nono, che ’l ghe voleva un gran ben a sto nevodo, el sercava de rèndare manco pesante la situassion; ma un bel dì, dopo na gran discussion fra pare e fiolo, Bepino ga messo in te un sacheto un paro de vestiti e, sensa dire na parola, el xe partìo sensa mèta.
La mama del Bepin, la ga passà tuta la note a piànsare e anca el nono Toni no ’l xe stà bon de sarare ocio, passando da la càmara a la cusina e fermàndose raquante volte a la finestra par védare se ’l toso tornava. El tichetare de l’orologio picà sul muro ghe faseva vignere in mente i proverbi che spesso el gheva fato uso par educare i so fiòi. El se ne ripeteva soto vosse uno che forse so pare de Bepino, el gavarìa dovudo métare in pratica: “Val più na giossa de miele che na bota de fiele” o anca “Se ciapa pi mosche co na giossa de miele, che no co un barile de aséo”. La sagessa del vecio nono lo portava pi par l’amabilità e le bone maniere pitosto che co l’autorità e l’inposission. Conossendo la poca disponibilità del zènero nel sercare de farlo ragionare, el se sentiva senpre pi forte ne i confronti de Bepin nel difèndarlo e protègerlo in chel periodo cussì difìssie de la so vita.
Apena el sole gheva fato ciaro, el nono ga ciamà la sorela de Bepin, che sens’altro doveva savere dove trovare el nevodo. Jera fadiga che nono Toni se movesse da casa, ma la fuga del Bepin ghe strapassava el core e l’anima e el sarìa ’ndà in cao al mondo pur de portarlo casa. De corsa el se ga vestìo e posàndose a la neoda i xe ’ndà in piassa a ciapare la coriera che li gavarìa portà in sità. Nono e nevoda i xe restà fin sera su un tavoin al bar da Gigio, fin che na serta ora el Bepin xe saltà fora: un abrasso ga unìo i dó e el nono ga inplorà el nevodo de tornare, magari có jera scuro e che la nona gheva za preparà na camareta tuta par lu.
Bepin scoltava in silensio: el gheva bisogno da pensare e decìdare co calma, ma za quelo che gheva fato so nono lo convinseva de tornare. El nono saveva che el miele gaveva i so efeti pi che l’amaressa. “Te speto casa sta sera” el ghe ga dito prima de ciapare la coriera par tornare casa.
I ani jera passài cussì sguelti, oramai a Antonio ghe restava poco tenpo par tornare al creatore, ma el jera sicuro che le bone maniere e l’amore sarìa stà el patrimonio che ’l lassava nel core de le nove generassion.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo No basta piànzare…
No digo che xe inùtile, ma che no basta comóvarse par la tragedia de la discoteca de Corinaldo, durante la festa de le zinque scole superiori de Senigallia e del concerto del rapper Sfera Ebbasta. Le xe tante le riflession da fare, co calma e a… boce ferme: partendo dal 1° de GENAR a ghemo a disposizion on ANO INTIERO. Ma fémolo!
de Mario Sileno Klein
 
Ricordi de vita
Leggi l'articolo El nono e so nevodo
de Luigi Frosi
 
Da San Giorgio in Bosco (PD)
Leggi l'articolo Fredo
de Luigi A. Zorzi
 
Da Lendinara (RO)
Leggi l'articolo El batiman
de Renato Scarpi
 
Da Adria (RO)
Leggi l'articolo I buratini
de Sergio Bedetti
 
Da Verona
Leggi l'articolo Ocio a i colori
de Giacinta Dall’Ora