Quatro Ciàcoe
Mensile de cultura e tradission vènete
de Luigi Ederle

Da la Lessinia Centrale (VR)

Montesèi come ortesèi

Coesto l'è ’n tòco de montesel, na òlta coltià come ’n ortesel.
Coesto l'è ’n tòco de montesel, na òlta coltià come ’n ortesel.
Lumiago, 15 agosto 1944: come se vede, de futuri bociasse ghéra abondansa, ma no mancàa gnanca le butele.
Lumiago, 15 agosto 1944: come se vede, de futuri bociasse ghéra abondansa, ma no mancàa gnanca le butele.
La storica fontana de la Ila, ’ndo’ ghè stà fato ’l
La storica fontana de la Ila, ’ndo’ ghè stà fato ’l "rinfresco" al Vescovo.
A i tenpi che mi éro ’n bociassa, ani Sincoanta del secolo ’pena passà, i montesèi, i praesèi, i dosseti, le macete, i éra coltivè come se coltivàa i ortesèi. No’ ghéra erbe mate, né gramegna, o sbari de sercioni o sento altre erbasse. Tuto ghéra neto, se ghéra ’n sasso, pìcolo o grosso che sia, ’l vegnéa portà su la scaessagna e lì, co ’l passar de le rue de cari o sgróje e coeste rue le ghéa i sércoli de fero, così pian pian ogni sasso ’l se faséa giara e dopo pólvare. Che i nostri montesèi i fusse bei, no’ ghéra gnente da dir e po’ védarli tuti coerti de piantine che cresse, de piante carghe de fruti e se catàa de sento sorte de prodoti, uno diverso da l’altro. Tuti là ben coltiè, a giuste distanse, le piantine, o le piante grande: i sorcheti de patate, salata, radeci, bròcoli, vérse, capussi e via con altri ortagi. Coesto se vedéa ne i canpeti pìcoli, su le marognete, ne i scanpoleti de tera, netà fóra da le pìcole spinare, che voléa senpre butar adrìo a i vajéti o a i marognoni. Là, ’l laoro l’éra senpre tanto e le ’ntrade senpre magrete: ma la vita l’éra bela, se contentàa l’ocio, par i tanti colori, se contentàa ’l sentir, par via de i useleti che ghéra dapartuto, e i polmoni? Par coéi l’éra senpre festa: aria fina, fresca e profumà. Ma le mace grande, anca coeste coltiè come i ortesèi. Una l’éra tuta piena de colori, come ’l sarfójo co ’l fior viola, la sarfojina co ’l fior azuro, l’erba spagna o menta dal fior azuro, ’l veriol co ’l fioreto azuro, e po’ mauràa ’l formento, pian pian da verdo ’l se faséa biondo come i me caéi e me bupà ’l me diséa: “Coando ’l formento ’l ga ’l color de i to caéi, alora se pol mérerlo (mieterlo). E ne ’sti canpi ’n po’ grandi, no’ se vedéa ’n fior bastardo, gnanca uno, no’ sò, magari ’n papàvaro nel formento!? no ’l se vedéa. Tuto ’l paréa vestìo a festa, come se vestéimo noantri cristiani, coando ’ndàimo a messa.
Anca s’a ghè da dir che, noantri bociasse, far du chilometri a pié par nar a messa, ’nvesse de la strada bianca, ciapàimo i senteri, le scaessagne, i vajeti e coalcossa de sporco su i nostri “bei” vestiti se tacàa: paje o paltan o pólvare poco sinpàtica da védare. Ma, le mame le ne ’nsegnàa che ’l Signor ’l perdonàa tuto, bastàa solo pregarlo, almanco coalche òlta!
Na cosa che a mi me piaséa tanto, a coéi tenpi là, l’éra coando magnàimo a mesodì là ne canpo, su le scaessagne, anca parché, tuti se se faséa portar ’l “pranso” là par i canpi. Se se sentàa su ’n sasso grosso, che i ghéra senpre, parché se ghe ligàa i fili de fero che tegnéa drite le pèrgole o i filari de le vigne. E lì l’éra senpre na pìcola festa. A magnar, ’n piato de minestra, ghe metéimo tri minuti e dopo, finché i òmeni i fenéa e i fumàa la pipa e i sponsàa na s-cianta, noialtri bociasse se contàimo le pìcole filastroche de i contadini, e dopo ridéimo e ridéimo. Coalche pìcola poesieta la adatàimo a i laori che faséimo o a la gente del paese o de la contrà.
Par dìrghene dó-tré che no’ le more mai, par esenpio, una: “Gloria, pali fili e strope / par bruscar le vigne nostre / sicutèra ne i nostri canpi / sassi e balote ne coel de i altri.” O coesta: “Dio de clemensa / Dio salvator, / fa crepar ’l Brusca / che l’è nostro traditor.” Coeste, par esenpio, i éra par coando se bruscàa le vigne. Ma al tenpo che se segàa ’l fen, se ghéa altre batude come: “Me pare, me mare / me manda e segare, / ’l fero no’ taja / la piéra no’ gussa / l’erba la se cucia / me cucio anca mi.”
Ma ghéra anca altre filastrochete par l’inverno. Tipo: “Vento che tira / fredo che gela / ’l pòro Panato / ’n braghe de tela, ’l vede i signori / ’n grande pelicia / sìgaro ’n boca / e sgonfi de cicia.” Ma noantri no’ érimo mai strachi, diese asenade faséimo e sento le ’nventàimo, magari ciapando le idée che i grandi i contàa. La pi bela che ne piaséa far, a l’istà, coando ghéra caldo e s’érimo là par le scaessàgne vestìi solo de ’n par de braghete curte. I veci i contàa che al nostro paese, Sago (Azzago), senpre mensionà da tuti ’n paese alegro, ma anca coalche òlta, paese de mati. E ’n te ’sti ricordi, ghéra la visita del Vescovo, par cresemar i buteleti de ’sti paesèi e i fabrisieri, senpre pronti de èssare a la moda e de far bela figura, i à sentì dir che: “Coando ven ’l cresemaoro, el Vescovo, se usa farghe ’n “rinfresco”, prima che ’l taca a cresemar. Così coatro òmeni i l’à spetà a la fontana de la Ila, che ghè a l’inissio del paese, e du òmeni i l’à ciapà par i brassi e du par le ganbe e i l’à butà ne la fontana de aqua fresca. E ghéra ci se aldegàa a dir: “Fati sacrossantamente véri!”
E noantri bociasse, da Lumiago, la me contrà, ne i nostri zughi ’nportanti, faséimo la procession co ’l vescovo, con ’n capelon de edera ’n testa e coando ’l passàa a rènte a na possa de aqua che ghéra là par i canpi,’l butàimo rento, ma con la difarensa, che fenéimo tuti ne l’aqua sporca. L’éra na bela matada, degna de i nostri noni. Ma a la fine la fenéa senpre a la stessa maniera, par noantri bociasse, essendo là par i canpi, boscheti e aldarèi, scaessagne, cunete e sese tante. Se faséimo l’arco con ’n rebuto de frassino, e le frece con le pòle de castagnar salvego, i cordoni de le scarpe par filo. Arco e frece i éra a posto. Dopo, a cacia de i pòri useleti e sercar de far coalche morto da metre ’n teja e magnar con la polenta. E i montesèi, tratè come i ortesèi, i éra senpre pieni de vita.

[torna sopra]

 

Archivio
2022 21 20 19 18 17 16 15 14 13 12 11 10 9 8 7 6 5 4 3 2 1  
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Febraro
Genaro
Dissenbre
Novenbre
Otobre
Setenbre
Lujo-Agosto
Giugno
Majo
Aprile
Marso
Genaro
Dissenbre
Novenbre
Otobre
Lujo-Agosto
Giugno
Majo
Aprile
Marso
Febraro
Editoriale
Leggi l'articolo Vìvare el tenpo
La pare na roba da gnente. Inveze la xe dura èssar boni de inpegnarse a vìvare la parte de tenpo che ne xe stà stabilìa dal Padreterno el dì che semo vegnù al mondo, anca se no capìvino gnente. Adesso la responsabilità la xe tuta e solamente nostra.
de Mario Sileno Klein
 
No se pol desmentegarse
Leggi l'articolo Al de là del mare e de le montagne
de Luigi Frosi
 
Persone, in triestin
Leggi l'articolo Don Camillo Suman
pàroco de Noventa Padovana
de Luigi Perini
 
Da Mestre-Venezia
Leggi l'articolo Orassion da gita
de Annalisa Pasqualetto Brugin
 
Da Adria (RO)
Leggi l'articolo La brognara
de Sergio Bedetti
 
Da la Lessinia Centrale (VR)
Leggi l'articolo Montesèi come ortesèi
de Luigi Ederle